Zakarie 9:13 - O Debleskro Lab 2024 (Sinte-Manouche)

¹³ Me kourau man i lourdentsa dran o grichtikro them. I menshe dran Youda hi miro kourepaskro bogo. I menshe dran Israel hi mire fayle, oun kol morsha dran Yerusalem hi miro rharo, koleha len dau.

O Debleskro Drom 2021 (Sinte)

¹³ Me kurau man i lurdentsa dran o grichtikro them. I menshe dran Juda hi miro kurepaskro bogo. I menshe dran Israel hi mire faile, un kol mursha dran Jerusalem hi miro charo, koleha len dau.

Zakarie 9:13 ပူးပေါင်းရင်းမြစ်များ

Debleskri gili 144:1

I gili o Davidestar. Sharedo vell o baro Devel, kay rikrell peskre vasta pral mande. Yob sikrell mange, har te kourap man. Mire vastenge sikrell lo har te dap i rhareha.

Debleskri gili 149:6

Lengre mouya denn bari gole, te sharenn le pengro Debles. An lengre vasta vell len i rharo, hoy ap douy rigya činella,

Debleskri gili 45:3

Tou hal shoukeder har i vavar menshe. Dran tiro mouy venn lače laba. Čačepah o Devel čivas peskri barht ap toute, te ačell li hako tsireske ap toute.

Jesaja 49:2

Yob kras miro rakepen har i rharo, hoy mishto činell, oun khatras man tel peskro vast. Oun yob kras mandar i faylo, hoy dell mishto čourye, oun rikrell man khatedo har i fayle an lengri possita.

Jeremia 51:20

Oun yob penell: Tou, foro Babilon, hals miro depaskro saster, miro kourepaskro tover; vavar natsyone dom touha khetne, oun vavar rayengre themma krom touha paash.

Ropaskre gilja 4:2

I terne morsha dran o foro Sion, – kouč har o lačeder sonakay his le menge – kanna hi le gar boudeder moldo har pirya, hoy kerdo van dran čik!

Amos 2:11

T'mare morsh čavendar rodom saven vin, kay van mire rakepangre. Oun t'mare terne morshendar rodom mange morshen vin, kay mange kokres koy hi. T'mer Israelitarya, penenn mange: Hi kova gar yaake? penell o baro Devel.

Obadja 1:21

Oun kolla ap i berga Sion, kay vin lino van dran o pandepen, len hi penepaske pral i Edomarya ap pengre berge. Oun o baro Devel hi o baro ray.

Efesarja 6:17

Ma bistrenn, te las t'men o Yezous Kristo dran o čilačepen oun o merepen vin! Kova hi t'menge har i sasterni stadi ap t'maro shero. Lenn ninna o Debleskro lab an t'maro vast. Kova hi har i rharo, hoy dell t'men o Debleskro Dourho.

2. Timoteo 4:7

Me boudrom phares o Yezouseske oun dom miro patsepen gar pre. Me nashom yaake ap o Yezouseskro drom, har te voms i naashepaskro, kay nashell i rah drom. Kanna nashom o tselo drom.

Hebrearja 4:12

O Debleskro lab hi djido oun zorelo, oun činell zorleder har i rharo, hoy činell ap douy rigya. Yaake har činell i rharo dour dren an o mass, ninna an i kokale, yaake činell o Debleskro lab dour dren an o mensheskro dji, oun sikrell leste, hoy hi lačo oun čilačo an leskro djipen.

Debleskro tsiro 1:16

Oun an leskro čačo vast his les efta bolepangre momlia. Oun dran leskro mouy vas i rharo, hoy ap douy rigya nay činella. Oun leskro mouy his har o kham.

Debleskro tsiro 17:14

Oun yon kourenn pen ko terno bakreha. Oun o terno bakro hi zorleder har yon. Yob hi o ray pral i tsele rayende, oun o pralstouno pral i tsele pralstunende. Oun pash leste hi kolla, kolen yob gole das oun vin rodas, kolla, kay ap leste patsenna.”

Debleskro tsiro 19:15

Oun dran leskro mouy vell i rharo vin, hoy lačes činella. Koleha kourell lo pes i menshentsa an i tsele themma, oun vell zorleder har yon. Yob anell len i sasterno vasteha. Yaake har yek i drake paash stakrella, te vell i mool vin, yaake stakrell lo kolen paash, kay gar ap leste shounenna, oun anell i rholi o zorelo Deblestar ap lende.

Debleskro tsiro 19:21

Oun kol vavar van maredo o rhareha, hoy dran o mouy kolestar vin djas, kay ap ko gray beshdo hi. Oun i tsele čirkle rhan lengro mass, oun van čalo.

Debleskro tsiro 2:12

“Čin kava liil ap o Debleskro boudepaskro, kay dell yak ap i patslende an o foro Pergamon: Kava penell kova, koles o rharo hi, hoy ap douy rigya činella.