Zakarie 8:21 - O Debleskro Lab 2024 (Sinte-Manouche)

²¹ Kolla dran yek foro penenn ap kolende dran i vavar foro: Mer djah te mangas o baro Debles an, ko rayes pral o bolepen oun i phoub, te dikell lo lačes ap mende. Avenn mentsa!

O Debleskro Drom 2021 (Sinte)

²¹ Kolla dran jek foro penenn ap kolende dran i wawar foro: ‘Mer djah te mangas o baro Debles an, ko rajes pral o bolepen un i phub, te dikell lo latches ap mende. Awenn mentsa!’

Zakarie 8:21 ပူးပေါင်းရင်းမြစ်များ

2. Familjakro liil 11:16

Oun kol menshe, kay rodan pengro tselo djiyeha o baro Debles, kay o Israeleskro Devel hi, yon kran yaake har i Levitarya kran, oun van dran o tselo them Israel oun djan an o foro Yerusalem, te rhačrenn le firhen o baro Debleske, kay o Devel lengre phourendar hi.

Debleskri gili 103:22

Sharenn o baro Debles, t'mer lauter, kay van lestar kerdo! Sharenn les, kay t'mer ninna djivenna an leskro them! Ninna tou, miro dji, share o baro Debles!

Jesaja 2:3

oun penenn: “Avenn, te djas pre ap i berga o baro Deblestar, pash o kheer o Yakobeskro Deblestar, te sikrell lo men peskre dromma, te djinas, hoy lo mendar kamell.” O baro Debleskre laba djan vin dran Sion. Dran o foro Yerusalem rakrell lo i menshentsa.

Jeremia 31:6

Ko tsiro vella, kay denn le gole ap i berge Efrayim: Avenn, te djas pre an o foro Sion pash maro baro Debleste!

Hosea 6:3

Mer te das yak koy pre o tselo djiyestar, te prindjras o baro Debles! Yob vella! Kova hi yaake čačo, har o kham hako dives pre djala. Yob vella, har i brishin pash mende vella, ava, har i brishin pal o vend i phoub sapenes krella.

Zakarie 7:2

Glan kava tsiro bičran i menshe an o foro Betel morshen pash o kheer o baro Deblestar, kay hi o ray pral o bolepen oun i phoub, te mangenn le lestar leskro lačepen. Kal morsha his o Sharezer oun o Regem-Melek peskre morshentsa. Yon te poučenn kote ninna i rashayendar oun o Debleskre rakepangrendar: “Hounte kras mer doureder, te rhas či o Debleske oun rovas an o pančto čon har kram yaake boud bersha?”

Zakarie 8:22

Palle venn boud menshe dran vavar themma an o foro Yerusalem, te mangenn le o baro Debles an, ko rayes pral o bolepen oun i phoub, te dikell lo lačes ap lende.”

Johanni 1:37

Har kol douy kova shounan, djan le o Yezouseske palla.