Zakarie 8:12 - O Debleskro Lab 2024 (Sinte-Manouche)

¹² Na-a, kanna nay vitsrenn le djob an i phoub kek daryah. I drakengre rouka hidjrenn drake, i phoub anell zenlepen vin, oun o bolepen dell brishin. Oun kolenge, kay pral ačan kal menshendar, dau kova lauter, te ačell kova lenge.

O Debleskro Drom 2021 (Sinte)

¹² Na-a, kanna nai witsrenn le djob an i phub kek darjah. I drakengre ruka hidjrenn drake, i phub anell senlepen win, un o bolepen dell brishin. Un kolenge, kai pral atchan kal menshendar, dau kowa lauter, te atchell kowa lenge.

Zakarie 8:12 ပူးပေါင်းရင်းမြစ်များ

1. Mose 26:12

O Isaak čivas djob an i phoub an ko them. Oun o baro Devel čivas peskri zoor koy pre. Yaake las o Isaak an ko bersh sheel kope yaake boud djob, har lo an i phoub čivras.

1. Mose 27:28

Mou dell tout o Devel brishin dran o bolepen oun boud rhapaske dran i phoub, boud djob oun mool.

1. Rajengro liil 17:1

O Eliya dran o gab Tishbe an o them Gilead penas ap o Ahab: “Me penau touke an o lab o baro Deblestar, kay o Israeleskro djido Devel hi, glan koleste hom me tardo: An kol bersha, hoy kanna venna, dell kek brishin, vitar gar djal i sapeno dourho pre dran i phoub, bis te penau me kova.”

Debleskri gili 72:3

Kote, kay yob o baro ray hi, djivenn i menshe i lačo djipen o Debleha, oun čačepen vell an o tselo them, ninna ap peskre tikne oun bare berge.

Debleskri gili 85:12

Kate ap kay phoub rikrah mer zoreles ap o Debleste. Oun dran o bolepen vell o Debleskro čačepen ap mende.

Gosewe laba 19:12

Har koy gole, hoy i levo dell, hi i rholi o baro rayestar. Oun leskro lačepen hi har o brishin ap i phoub, hoy krell lat pale sapeno.

Jesaja 30:23

Palle dell o baro Devel brishin ap o djob, hoy tou ap tiro kotar phoub vin vitsral. Oun tiri phoub anell yaake boud djob vin, te vell tout boudeder har doha maro. Oun tire firhen vell doha zenlepen te rhal ap i bourhlo zenelo them.

Jesaja 61:7

T'mer hidjran bari ladj oun praasepen, doleske lenn t'mer kanna i baro them oun i barht, hoy ačella hako tsireske.

Jeremia 31:12

Yon venna pral ap i berga Sion, oun denn gole i barhtyatar, oun venn barhteles pral kova, hoy o baro Devel len dell: djob, mool, djet oun terne bakre oun groumya. Lengre djia venn zorelo har i garta, kolat hako tsiro doha pani hi. Oun lenge hi bouder gar ropaske.

Ezekiel 34:28

Oun i menshe dran vavar themma randenn len bouder gar vin. Oun i divye firhe rhan len bouder gar. Yon nay djivenn kek daryah. Oun kek krell lenge bouder traash.

Ezekiel 36:12

Oun me moukau pale mire menshen Israel ap t'mende te djivell. T'mer berge venn pale lengro them, kay djivenn le hako tsiro. Oun t'mer krenn bouder gar, te merenn lengre čave i bokatar.

Ezekiel 36:30

Me krau, te anenn i rouka boud roukengre. Oun kova hoy ap i phoub pre djal, vell boud oun boudeder. I menshe dran vavar themma nay san bouder gar pral t'mende, doleske, kay hi t'men či te rhal.

Ezekiel 36:9

T'mer dikenn: Me hom ap t'mari rig, oun dikau lačes ap t'mende. Oun ap t'mende boudrenn pale harhe oun vitsrenn djob vin ap i phoub.

Hosea 13:3

Doleske hi le har i folka, hoy taysarlakro sik krik djal, oun har ko pani, hoy ap o zenlepen hi, oun sik bouder gar koy hi. Ava, har o phouss hi le, hoy vell dran i platsa vin phourdedo, kay o djob vin dino vas, oun har i yagakro dourho, hoy tserdell dran i vorhni vin.

Hosea 14:5

Yaake penell o baro Devel: Me anau mire menshen pale ap miro drom, kay le tele peran. Me kamau len o djiyestar, oun hom bouder gar rhoyedo ap lende.

Joel 2:19

Yob penell lenge: Čačepah, me bičrau t'men djob, mool oun djet yaake boud, te nay rhan t'men čalo. Oun i menshe dran vavar themma nay praasenn t'men bouder gar.

Joel 2:22

T'mer divye firhe, ma darenn! I phoub vell zenelo, oun i rouka hidjrenn pengre roukengre. Dell boud fayge oun drake.

3. Mose 26:3

Te djivenn yaake, har me t'mendar kamau oun rikrenn kova hoy me penom,

Zefanja 3:13

Oun kol pral-moukle menshe an o them Israel krenn kek čilačepen, oun rhorhenn gar, oun rakrenn gar douy čipyentsa. Lenge djal mishto, oun yon djivenn kote kek daryah.

Haggai 1:10

Doleske vell dran o bolepen kek pani, oun dran i phoub vell kek zenlepen.

Haggai 2:18

Kava dives hi o 24. (biish-te-starto) dives an o enyato čon. Kava dives čivan t'mer i telstoune barra miro khereske yek ap o vavar. Kanna denn garda, har t'menge kava divesseha djala!

Haggai 2:19

An t'mare djobengre khera ačell doha djob. I drakengre rouka hidjrenn pale drake, i faygetikre rouka hidjrenn fayge, i granatikre phabyengre rouka hidjrenn phabya, oun i djeteskre rouka hidjrenn djeteskre drake. Kava divesseha čivau miri barht oun miri zoor ap t'maro them.

Zakarie 8:6

O baro Devel, ko ray pral o bolepen oun i phoub, penell: “Ninna te patsenn kolla i Israelendar, kay palle pral ačan: Kova nay vell gar, krau me, te vell kova yaake. Kova penell o baro Devel, ko ray pral o bolepen oun i phoub.”

Maleachi 3:11

Oun me rikrau i stepangren dour krik t'mari phoubyatar, te rhan le gar kova pre, hoy kote baro vas. Oun t'mare drakengre rouka venn pherde drake. Ko penell o baro Devel, ko ray pral o bolepen oun i phoub.

Mateo 6:33

Moukenn o Debles o ray pral t'mende te vell, oun krenn lauter, hoy yob kamella! Oun o Devel dell t'men lauter, hoy t'men hounte vell djipaske.

1. Korintarja 3:21

Doleske hounte sharell pes kek mensho, koon peskro sikepaskro hi. Lauter hi t'maro:

5. Mose 32:2

Kova hoy me t'men sikrau, hi har o brishin ap o zenlepen. oun miro rakepen har i sapeno dourho ap o khass.

5. Mose 33:13

Pral o kheer Yosef penas lo: O baro Devel hi lačo leske, oun dell les doha brishin ap leskro them, oun panya, hoy venn dran i phoub.

5. Mose 33:28

Oun yaake nay djivell o Israel kek daryah kote. Kek kamell čingepen o Yakobeskre čaventsa. An lengro them vell djob oun mool baro. Oun o bolepen dell doha brishin.

Jakobo 3:18

Kolla, kay lenn o čingepen mank i menshende krik, kolendar vell lačo koova, kay ačell hako tsiro.