Zakarie 7:7 - O Debleskro Lab 2024 (Sinte-Manouche)

⁷ Kava hi kova, hoy o baro Devel moukas te penell dran o mouy leskre rakepangre, kay glan mande koy his, har o foro Yerusalem bravelo his, oun boud menshe kote djivan, ninna an i forya trouyel oun an ko moulo them, hoy kharell Negev, oun an o telstouno them.

O Debleskro Drom 2021 (Sinte)

⁷ Kawa hi kowa, hoi o baro Dewel mukas te penell dran o mui leskre rakepangre, kai glan mande koi his, har o foro Jerusalem brawelo his, un bud menshe kote djiwan, ninna an i forja trujel un an ko mulo them, hoi kharell Negev, un an o telstuno them.

Zakarie 7:7 ပူးပေါင်းရင်းမြစ်များ

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

Jeremia 13:19

Kol forya an o moulo tato them Negev hi pandlo, oun koy hi kek, kay krenn len nay pre. Kol tsele menshe dran Youda van halauter krik anlo.

Jeremia 17:26

Oun menshe venna dran kol forya o themestar Youda, oun dran i gaba troul Yerusalem, oun dran o them Benyamin oun dran kol tikne oun bare berge oun dran o them Negev. Oun yon anenn an o baro Debleskro kheer firhen rhačepaske oun rhapaske, djob oun kouč soungepaskro koova, oun vavar koova, koleha parkrenn le pen pash o baro Debleste.

Jeremia 22:21

Yerusalem, har djas touke gomme mishto, dom me tout trad. Tou penal, me dau gar yak ap kova, hoy lo rakrell. Yaake kral hako tsiro. Ninna har tou gomme terno hals, shounal gar ap mande.

Jeremia 32:44

Ava, kotya them venn ginlo, oun ginepaskre lila venn činlo. Kal lila venn pandlo oun i sikepen pre-čiddo, oun morsha hi kote pashel, te vell lauter čačes kerdo. Kova lauter vell yaake kerdo an o them Benyamin, an i gaba troul o foro Yerusalem, an vavar forya an o them Youda, ninna an i forya ap i bare oun tikne berge, oun an i forya an o them Negev. Me krau, te vell pale lauter mishto mire menshenge, penell o baro Devel.

Jeremia 33:13

Oun i bakrengre ginenn pale pengre bakre, kitse yon hi, te djan le vin oun dren glan kol forya, kay hi ap i bare oun tikne berge, oun an o them Negev, oun an o them Benyamin oun troul Yerusalem, oun an i forya o themestar Youda. Kova penell o baro Devel.

Jeremia 44:4

Oun me bičrom lenge pale te pale mire rakepangre, kay mange boudran, oun moukom lenge te penell: “Ma krenn sau djoungelo koova, kay man zoryah rhoyrenna!”

Jeremia 7:23

Me penom lenge: Shounenn ap miro lab, palle kamau me t'maro Devel te vell, oun t'mer han mire menshe. Djan ap ko drom, kay me t'menge penom, palle djal t'menge mishto.

Jeremia 7:5

Moukenn t'maro phouro drom oun t'maro phouro djipen, oun avenn lačo ap hakeneste!

Zakarie 7:12

Lengre djia kran le har bar, te shounenn le gar ap mire laba, hoy sikrenn har te djan le miro drom. Kal laba penan lenge mire rakepangre, kay djivan glan boud bersha. Doleske vas miri bari rholi ap lende.

Zakarie 7:6

Oun ninna har rhan oun piyan, kran t'mer kova t'menge oun gar mange!”

Zakarie 7:8

Kava lab penas o baro Devel ap o Zakarie:

5. Mose 34:3

ninna ko moulo them Negev oun ko telstouno them mashkral i forya Yericho oun Soar. O foro Yericho vell ninna Palmtikro foro kharedo.