Zakarie 7:13 - O Debleskro Lab 2024 (Sinte-Manouche)

¹³ Oun djas yaake: Yon shounan gar, hoy lenge penlo vas. Doleske kamom vitar gar te shounell, har yon gole dan, penas o baro Devel, ko ray pral o bolepen oun i phoub.

O Debleskro Drom 2021 (Sinte)

¹³ Un djas jaake: Jon shunan gar, hoi lenge penlo was. Doleske kamom witar gar te shunell, har jon gole dan, penas o baro Dewel, ko rai pral o bolepen un i phub.

Zakarie 7:13 ပူးပေါင်းရင်းမြစ်များ

Gosewe laba 21:13

Kova, kay yaake krell, har te shounell lo gar koy gole ko čorvelestar, leske djala yaake, kay dell yob ninna gole oun kek shounell les.

Gosewe laba 28:9

Kova, kay kamell či o Debleskro dromestar te djinell, oun palle mangell lo čomone o baro Deblestar, koleskro mangepen hi djoungelo glan o Debleskre yaka.

Jesaja 1:15

Oun te hadenn t'mer t'mare vasta pre, te mangenn man an, palle čakrau me mire yaka tele, te dikap t'men gar. Oun ninna te mangenn mandar pale te pale, me shounau t'men gar: T'mare vasta hi pherdo rat.

Jesaja 50:2

Hoske vom me, oun kek mensho his koy, dom gole, oun kek das pes glan? Hi miri moussi gar lengsto doha, te nay lap t'men gar dran o pandepen vin? Hi an mande kek zoor, te nay lap gar yekes vin dran o vavareskro vast? Dikenn, te čingrau me ap o baro pani, palle vell lo trouk i daryatar, oun lengste panya venn har o moulo them. I mačen an lende hi bouder gar doha pani, oun merenn i troushatar oun khandenn palle.

Jeremia 11:10

Yon krenn savo čilačo koova har lengre phoure kran, kay glan lende his, oun kaman ap mire laba vitar gar te shounell, oun nashan kol vavar deblen palla oun mangan len an. Yaake rikran kol menshe dran o kheer Israel oun dran o kheer Youda kol laba gar dren, hoy krom lengre phourentsa vin.

Jeremia 11:11

Doleske penell o baro Devel: Me anau bibarht pral lende, kolatar nay nashenn le gar krik. Yon denn pal mande gole, oun me kamau len gar te shounell.

Jeremia 11:14

Tou Yeremia, mangess gar kal menshenge, oun rovess gar kolenge glan mande! Te denn yon gole pal mande an koy pharo tsiro, kamau me len gar te shounell.

Jeremia 14:12

Yon nay rikrenn pen pale o rhapastar, oun rovenn ap mande yaake boud har kamenn le, me shounau len gar. Ninna te rhačrenn yon mange firhen oun rhapen, dikau gar lačes ap lende. Me marau len an o kourepen, ninna i bok oun o nasslepen marenn le.

Jeremia 14:2

O them Youda hi bibarhtelo koy čiddo. I menshe an i forya merenna i bokatar. Lenge hi ropaske oun yon beshenn pen ap i phoub. Oun an Yerusalem denn le i vasta pral o shero khetne.

Jeremia 7:27

Te peneh tou, Yeremia, lenge kova lauter, shounenn yon gar ap toute. Te deh tou len gole, penenn yon či koy pre.

Ropaskre gilja 3:44

Tou khatral tout an i folka, te nay vell maro mangepen gar glan toute.

Ezekiel 14:3

Tou, mensho, kal morsha rikran ap pengre rhorhene deblen, oun čivan len pre glan pende, kolen, kay anenn len ap o čilačo drom. Hoske moukap man savendar te poučell?

Ezekiel 20:3

Tou, mensho, pen kol phourenge dran Israel: Kava penell o baro Devel, maro ray: T'mer van, te poučenn mandar? Me dau man sovel pash miro djipen: Me moukau man gar t'mendar te poučell, me gar, penell o baro Devel, maro ray.

Ezekiel 8:18

Doleske djau lentsa i rholyah trouyel. Yon khaytenn man bouder gar. Oun man vell kek lačepen lenge. Ninna te denn le palle glan mire kanda pre gole, shounau me gar ap lende.

Micha 3:4

Doleske shounell o baro Devel gar ap t'mende ap ko dives, kay denn t'mer gole ap leste. Yob sikrell t'mende o doumo ko tselo čilačepaske, hoy kran.

Louka 13:25

Te stell o ray pral o kheer pre oun krell o voudar pandlo, palle han t'mer vin tardo, oun t'mer denn gole: Ray, kre menge o voudar pre! Oun ko ray penella: Me prindjrau t'men gar.

Jakobo 4:3

Te mangell yek t'mendar čomone o Deblestar, mangell lo savo koova, hoy gar mishto hi, oun hoy dran leskro čilačo dji vella. Doleske dell les o Devel kova gar.