Zakarie 6:12 - O Debleskro Lab 2024 (Sinte-Manouche)

¹² Oun pen leske: Kova penell o baro Devel, ko ray pral o bolepen oun i phoub: Ko morsh, kay vell kharedo nevo rouk, vell baro ap peskri platsa. Oun yob krell o baro Debleske i nevo kheer.

O Debleskro Drom 2021 (Sinte)

¹² Un pen leske: Kowa penell o baro Dewel, ko rai pral o bolepen un i phub: Ko mursh, kai well kharedo ‘newo ruk’, well baro ap peskri platsa. Un job krell o baro Debleske i newo kheer.

Zakarie 6:12 ပူးပေါင်းရင်းမြစ်များ

2. Samuel 7:13

Kova krell mange i kheer. Oun me krau te ačell lo hako tsiro baro ray.

Esra 3:10

Oun har čivan i boudepangre i telstoune barra pre o baro Debleskro khereske, his i rashaya koy tardo an pengre rashayengre ripya oun phourdan an pengre phourdepangre. Oun i Levitarya, kolengro phouro dad o Asaf his, kolen his pengre bashepangre, hoy kharenn cimbale, ninna pashel, te nay sharenn le o baro Debles, yaake har o David, ko baro ray pral Israel kova penas.

Esra 3:8

An o douyto bersh har yon pale van an o foro Yerusalem, oun an o douyto čon, kran pen i Israelitarya ap i boudi, te čivenn le o Debleskro kheer pale pre. O Zorobabel, koleskro dad o Shealtiel his, oun o Yeshoua, koleskro dad o Yozadak his, oun lengre vavar phrala, kolla his i rashaya oun i Levitarya, oun halauter, kay van dran pengro pandepen pale an o foro Yerusalem boudran khetne ap o Debleskro kheer. Oun yon rodan i Levitaryen vin, kay biish bersh oun phoureder his, te denn le yak ap koy tseli boudi an o baro Debleskro kheer.

Jesaja 11:1

Yaake har vell i tikno nevo kasht dran i tele dino rouk, oun i nevo tikno rouk mank leskre draba vin, yaake vell i nevo baro ray dran o Davideskro kheer.

Jesaja 4:2

I tsiro vella, kay krell o baro Devel peskro them Israel raylo oun shoukar. Oun kolla, kay pral ačan oun an o them djivenn, hi barhtelo pral ko boud lačo koova, hoy i phoub vin anell. Oun vavar menshe sharenn len koleske.

Jesaja 53:2

Yob vas baro glan o baro Debleste har i sano terno rouk, har i drab hoy dran i trouk phoub vell. Les his kek shoukapen oun kek barepen. Oun har mer les dikam, hatsam či, hoy an mare yaka shoukar vals.

Jeremia 23:5

Ko dives vella, penell o baro Devel, kay moukau dran o Davideskri familya i morsh bares te vell. Kova hi an o čačepen tardo. Yob vell i lačo baro ray, oun rikrell pes ap o Debleskro čačepen, oun krell hoy mishto oun čačo hi an o them.

Jeremia 33:15

An kol divessa moukau i baro ray dran o Davideskri familya pre te stell, kay hi an o čačepen tardo. Kova krell hoy mishto oun čačo hi an o tselo them.

Ezekiel 37:25

Oun yon djivenn pale an ko them, hoy dom me miro boudepaskres o Yakobeste, an koleste t'mare phoure djivan Hako tsireske djivenn le kote, yon oun lengre čave oun kolengre čave. Oun yek dran i familya o Davidestar, kay hi har o David miro boudepaskro, vell lengro ray hako tsireske.

Ezekiel 41:1

Oun ko morsh anas man an koy bari isema o Debleskro kherestar dren. Oun yob dikas pal, har baro i massurya hi, hoy čačes oun serves pash o voudar hi. Yon his triin metarya pesso.

Amos 9:11

O baro Devel penell: Ap ko dives krau o Davideskro kheer neves, kova hoy kanna khetne peredo hi. Kote, kay lo paash hi, krau les tseles. Kote, kay barra vin phagedo hi, čivau len pale pre. Me krau les yaake har lo glan boud tsiro his.

Micha 5:5

Pengre rharentsa lenn le o them Assour dren – ko them o morshestar Nimrod – oun venn i raya pral lende. Te phagenn i lourde dran o them Assour an maro them dren, oun kamenn les dren te lell, palle lell men maro nevo ray dran lengre vasta vin.

Zakarie 13:7

O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

Zakarie 3:8

Shoun kanna, Yeshoua, tou baro rashay: Tou oun tire phrala, kay glan toute beshdo hi, t'mer han i sikepen, hoy o baro Devel kamell te krell an o tsiro, hoy vella: Me bičrau miro boudepaskres, kay kharell nevo rouk.

Zakarie 8:9

Kova penell o baro Devel, ko ray pral o bolepen oun i phoub: “Krenn t'mare vasta zoreles, t'mer, kay kanna shounenn kal emlige laba, hoy mire rakepangre penan an ko tsiro, kay i telstoune barra pre-čiddo van miro nevo khereske!

Mateo 16:18

Doleske penau touke: Tiro lab hi kanna Petro. Kova, hoy tou kate penal, hi har i zorelo bar, ap koleste čivau miro kheer. Oun miro kheer hi kolla, kay patsenn ap mande. Oun kek nashte lell len dran mire vasta vin, ninna kek merepen.

Mateo 26:61

oun penan: “Kava morsh penas, te nay phagell lo o Debleskro baro kheer tele, oun te nay čivell lo les an triin divessa pale pre.”

Markus 14:58

“Mer shounam, har yob penas: Me phagau kava Debleskro baro kheer tele, hoy i menshe pengre vastentsa kran. Oun an triin divessa krau i vavar Debleskro baro kheer, hoy kek menshe pengre vastentsa kran.”

Markus 15:29

Oun kolla, kay kote pashel van, sikran i goushteha ap leste, oun praasan les, oun penan: “Tou kamal o Debleskro baro kheer tele te phagell, oun an triin divessa pale pre te čivell.

Markus 15:39

Ko pralstouno lourdo, kay glan o Yezouseste tardo his, dikas, har o Yezous meras. Oun yob penas: “Čačepah, kava morsh his o Debleskro čavo!”

Louka 1:78

Maro Debles hi i baro dji menge. Leskro kamlepen vell pash mende. Kova hi har o kham, hoy djal pre ap o bolepen,

Johanni 1:45

O Filipo hatsas o Natanael oun penas ap leste: “Mer hatsam koles, pral koleste o Mose an peskre lila činas. Ninna o Debleskre rakepangre činan pral leste. Yob kharella Yezous oun hi dran o foro Nazaret. Leskro dad hi o Yosef.”

Johanni 19:5

Oun o Yezous vas vin. Oun ap leskro shero his i pandle soubyengre kashta, oun koy loli kouč plaashka his ap leste. Oun o Pilato penas ap lende: “Dikenn, havo mensho hi lo!”

Bičepangre 13:38

Mire phrala, t'menge vell kay dives penlo, kay o Yezous kova hi, kay lell t'mari doosh t'mendar. T'maro čačepaskro, o Mose, nay las gar t'mari doosh t'mendar.

Bičepangre 17:31

O Devel djinell ko dives, kay rakrell lo o čačepen vin pral i tsele menshende, oun yob djal pal o čačepen. O Devel rodas i morshes vin, te vell yob čačepaskro ray. Koles kras yob i moulendar djido. Yaake sikras o Devel hakeneste, kay yob kava morshes vin rodas.”

1. Korintarja 3:9

Mer ham o Debleskre boudepangre. T'mer han o Debleskri harhetikri phoub. Oun t'mer han har i kheer, hoy o Devel peske krella.

Hebrearja 10:12

O Yezous Kristo das pes yek kopo an o merepen, te lell lo i doosh i menshendar krik, oun beshas pes hako tsireske ap o Debleskri čači rig. Kote dikell lo ap ko dives, kay venn kolla tel leskre pire čiddo, kay kaman les gar.

Hebrearja 7:24

O Yezous ačell o rashay hako tsireske. Yob merella gar, oun kek vavar vell pal leste.

Hebrearja 7:4

Kova sikrell t'men, har baro o Melkisedek his! Koles das maro kamlo dad, o Abraham, o deshto kotar lauterestar, hoy las yob an o kourepen.

Hebrearja 8:3

Hako baro rashay ap i phoub hounte anell o Debleske marede firhen, oun vavar lačo koova. Ninna maro rashay, o Yezous, hounte anell čomone o Debleske.