Zakarie 5:6 - O Debleskro Lab 2024 (Sinte-Manouche)

⁶ Oun me poučom: “Hoy hi kova?” Yob penas: “Kova hi i korba, hoy kote vin vell. Kay korba hi o čilačepen o tselo themestar.”

O Debleskro Drom 2021 (Sinte)

⁶ Un me putchom: “Hoi hi kowa?” Job penas: “Kowa hi i korba, hoi kote win well. Kai korba hi o tchilatchepen o tselo themestar.”

Zakarie 5:6 ပူးပေါင်းရင်းမြစ်များ

3. Mose 19:36

I vaga, hoy sikrell har pharo čomone hi, hounte sikrell kova an o čačepen. Ninna kol barra, hoy pre čivenn, hounte venn yaake pharo har čačo hi. Oun kol pirya, kolentsa t'mer palla dikenn, har boud čomone hi, kolla hounte venn yaake baro har čačo hi. Me, o baro Devel, hom t'maro Devel, kay t'men dran o them Egiptia vin anas.

Amos 8:4

Shounenn kova, t'mer parepangre, kay rikrenn i čorvelen tele, te ačell len bouder či djipaske!

Amos 8:5

T'mer penenn t'menge: Mou djal o Debleskro dives sik trouyel, ninna ko baro dives, hoy sikrell, kay o nevo čon vas! Palle nay krah maro djobeskro kheer pale pre, te bikras djob! O bikepaske lah mer i tikneder piri, te kras lat pherdo djob, oun boudeder love har čačo hi, oun čivah save barra ap i vaga, te rhorhas mer i ginepangre.

Amos 8:6

Ninna ko phouss, hoy o djobestar pral ačas, bikrah, har te vals lo djob. I čorvele, kay nay playsrenn gar pengri siyaan, kolen ginah menge, te boudrenn le menge, ninna te hi lengri siyaan gar bareder har douy kirrha.

Micha 6:10

An i khera i čilačendar hi bravlepen, hoy kolla rhorhepah khetne anan. Te bikrenn oun ginenn le čomone, lenn le i piri, hoy tikneder hi har li hounte vals. Savo koova hi djoungeles glan mande.

Zefanja 1:9

Ninna dau kolen i phagi, kay stenn an o voudar dren, te stakrenn le gar ap o kasht tel o voudar. Ninna kolen dau i phagi, kay anenn an pengro rayeskro kheer savo koova, hoy lan le rhorhepah oun čorepah.

Zakarie 5:7

Pral ap koy korba his i pharo saster, te čakrell lo koy korba. Oun ko saster hadas pes. Oun koy his i djouvel, beshdo an koy korba.