Zakarie 14:18 - O Debleskro Lab 2024 (Sinte-Manouche)

¹⁸ Ninna te hi kolla i Egiptarya, kay djan gar pre an Yerusalem glan o baro Debleste, lenn le koy phagi, hoy dell o baro Devel i menshenge an i tsele themma, kay venn gar pre an Yerusalem, te rikrenn le kol bare divessa, kay i menshe an patyengre khera djivenna.

O Debleskro Drom 2021 (Sinte)

¹⁸ Ninna te hi kolla i Egiptarja, kai djan gar pre an Jerusalem glan o baro Debleste, lenn le koi phagi, hoi dell o baro Dewel i menshenge an i tsele themma, kai wenn gar pre an Jerusalem, te rikrenn le kol bare diwessa, kai i menshe an patjengre khera djiwenna.

Zakarie 14:18 ပူးပေါင်းရင်းမြစ်များ

Jesaja 60:12

Kol themma, kolengre menshe kamenn gar touke te boudrell, venn paash stakedo, oun lengre menshe maredo, te ačell či lendar pral.

Jesaja 66:23

Oun hako čon, ap ko dives, kay vell o nevo čon diklo, oun hako kourko ap o Debleskro dives, venna menshe dran hake themma glan mande, te vitsrenn le pen glan mande tele, penell o baro Devel.

3. Mose 23:34

Pen ap i Israelitarya: An o eftato čon hi kol bare divessa, kay djivenn t'mer an patyengre khera efta divessa, te vell o baro Devel sharedo. Ko ersto dives hi o 15. (deesh-te-pančto) dives an kava čon.

Micha 5:8

Israel, hade tiro vast pral halauterende, kay kourenn pen touha, te ačell kek lendar djido!

Zakarie 14:12

Oun kova hi ko pharo nasslepen, hoy o baro Devel ap kolende čivell, kay djan an o kourepen o foreha Yerusalem: Lengro mass merell tele, har le gomme ap lengre pire tardo hi, lengre yaka an o shero oun lengri čip an o mouy merenn tele oun perenn vin.

Zakarie 14:15

Oun kava pharo nasslepen, hoy vas ap i menshende, vell ninna ap i graya, i maultikre bourike, khamele, bourike oun pral i tsele firhende, kay pash i lourdende hi.

Zakarie 14:19

Te rikrenn le gar kal divessa, kol Egiptarya oun kol tsele vavar menshe, lenn le pengri phagi.