Zakarie 13:9 - O Debleskro Lab 2024 (Sinte-Manouche)

⁹ Oun kolenge, kay pral ačenn, venn phare tsirya, kay hounte djan le dren, te venn le djoudjo kerdo, yaake har roup oun sonakay djoudjo kerdo vell an i yag. Palle denn le ap mande gole, oun me shounau len. Me penau: Yon hi mire menshe. Oun yon penenn: Tou baro Devel, hal maro Devel.”

O Debleskro Drom 2021 (Sinte)

⁹ Un kolenge, kai pral atchenn, wenn phare tsirja, kai hunte djan le dren, te wenn le djudjo kerdo, jaake har rup un sonakai djudjo kerdo well an i jag. Palle denn le ap mande gole, un me shunau len. Me penau: ‘Jon hi mire menshe.’ Un jon penenn: ‘Tu baro Dewel, hal maro Dewel.’”

Zakarie 13:9 ပူးပေါင်းရင်းမြစ်များ

2. Samuel 7:24

Tou rodal touke kol menshen Israel vin, te venn yon tire menshe hako tsiro, oun tou, baro Devel, val lengro Devel.

Hiob 23:10

Yob djinell havo drom me djau. Dikals lo palla, har djivau, hatsals lo vin, te hom djoudjo har sonakay.

Hiob 28:1

Tel i phoub nay hatsenn le roup. Oun o sonakay, les hi i platsa, kay thovenn le les vin.

Debleskri gili 144:15

Barhteles hi kol menshe, kolenge yaake djala! Ava, barhteles hi kol menshe, kolengro Devel o baro Devel hi!

Debleskri gili 43:4

Kote kamau me glan tiri Debleskri rhačepaskri te vell, glan toute, miro Debleste, kay kreh, te givap i barhtyatar. Miro bashepah ap i doryengri bashepaskri kamau man te parkrap pash toute, miro Devel.

Debleskri gili 50:15

Oun de gole ap mande ap ko dives, kay hal an i bibarht! Palle lau tout vin, oun tou sharess man.”

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

Gosewe laba 17:3

Yaake har o roup an i yag čiddo vell, oun o sonakay an i bob, yaake lell o baro Devel i menshengre djia an o yak.

Kamlepaskri gili 2:16

Miro pirno hi miro, oun me hom leskri. Yob hatsell peskri barht mank i lilya.

Jesaja 43:2

Te djah tou an o pani, me hom pash toute, te tassenn tout kol zorele panya gar. Oun te djah tou an i yag, palle rhačell li tout gar, oun nay krell touke či.

Jesaja 48:10

Dik, yaake har roup an i yag čiddo vell, te venn i djoungele barra vin, yaake moukom t'men an phare tsirya te vell, te venn djoudjo mange.

Jesaja 58:9

Palle deh tou gole, oun o baro Devel rakrell ap toute pale! Hako kopo, kay deh gole ab ap miri rig, penell yob: Kate hom. Tou rikress kekes tele pash toute, oun aness či ap yekeste pre, hoy gar čačo hi, oun rakress gar djoungeles pral leste.

Jeremia 24:5

Kova penell o baro Devel, ko Devel pral o Israel: Kol menshe dran o them Youda, kolen tradom kate krik an ko them, kay i Kaldearya djivenn, yon hi har i lače fayge.

Jeremia 30:22

T'mer han mire menshe, oun me hom t'maro Devel.

Jeremia 31:33

Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.

Jeremia 32:38

Yon hi mire menshe, oun me hom lengro Devel.

Jeremia 9:6

Doleske penell o baro Devel, ko ray pral o bolepen oun i phoub: Har o roup an i yag djoudjes kerdo vell, yaake kamau mire menshen doukentsa djoudjes te krell. Dell či vavares, hoy krap me nay mire menshenge.

Ezekiel 11:20

Palle krenn le, hoy lendar kamau, oun djivenn pal mire čačepaskre laba. Oun yon hi mire menshe, oun me hom lengro Devel.

Ezekiel 14:11

Kova krau, te perell o kheer Israel gar bouder mandar tele, oun krell pes bouder gar pale-čiddo dran ko tseli doosh, hoy le ap pende anenn. Oun yon venn mire menshe, oun me vau lengro Devel, penell o baro Devel, maro ray.

Ezekiel 20:38

Kolen, kay mantsa phagan oun mandar tele peran, čivau ap i rig. Ninna te lau len vin dran kol themma, kay le vi-themarya his, vell kek lendar an o them Israel. Palle dikenn oun hayvenn t'mer, te hom me o baro Devel.

Ezekiel 36:28

Oun t'mer djivenn an kava them, hoy dom t'mare phourende, oun han mire menshe, oun me hom t'maro Devel.

Ezekiel 37:27

Oun me djivau mank lende. Oun me hom lengro Devel, oun yon hi mire menshe.

Daniel 11:35

Oun mank kol goseve hi save, kay venn maredo, te venn boud vavar zoreles an o patsepen, oun lengre djia djoudjo kerdo o Debleske. Kova djal yaake yek tsireske, bis ko dives vella, kay o tsiro kay phoubyake trouyel hi.

Daniel 12:10

I djia boud menshendar venn djoudjo kerdo oun venn thodo, har sonakay an i yag thodo vell. Oun i čilače krenn doureder o čilačepen. oun hayvenn kava koova gar. Kokres kolla, kay o Debleskro drom prindjrenna, hayvenn ninna kava koova.

3. Mose 26:12

Me djivau pash t'mende, oun hom t'maro Devel, oun t'mer han mire menshe.

Zakarie 10:6

Oun me krau o kheer Youda zoreles, oun vau ap i rig kolenge dran o kheer Yosef. Man hi i baro dji lenge, oun moukau len pale te djal an pengro them. Te venn le yaake har yon his, har krom len gomme gar pale-čiddo. Me, o baro Devel, hom lengro Devel oun shounau lengro mangepen.

Zakarie 12:10

O Davideskre menshenge oun i menshenge an Yerusalem krau lengre djia pre, te venn le kamles yek ap o vavareste oun mangenn mandar lačepen. Oun yon dikenn ap koleste, kay dan le an i rig čourye. Oun yon denn gole i ropah pral leste, har yek pral peskro moulo čaveste gole dell, koles kek vavar čave hi, oun har rovenn i menshe pral pengro phoureder čavo, kay meras.

Zakarie 8:8

Me anau len khere oun moukau len an o foro Yerusalem te djivell. Yon te venn mire menshe. Oun me vau lengro Devel: Me moukau len gar, oun yon djivenn mantsa an o čačepen.”

Bičepangre 2:21

Oun koon ap leste gole della, koles lell lo dran o čilačepen oun o merepen vin.

Hebrearja 8:10

Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.

Jakobo 1:12

Barhtelo hi kova, koon moukell gar peskro patsepen, ninna te vell i pharo koova ap leste. Yob hi moldo, te lell lo ko djipen, hoy gar pre-herella. Kava djipen dell o Devel kolen, kay les kamenna.

1. Petro 4:12

Kamle mala, t'maro dji vell gar dareno, te venn t'mer zoreles palla lino. Savo koova djal kolenge, kay patsle hi. Kote vell diklo, har t'maro patsepen hi.

Debleskro tsiro 21:7

Kova, kay zoreles an o patsepen ačas, oun gar pre das, kova lell kava shoukar koova mandar. Me vau leskro Devel. Oun yob vell miro čavo.

Debleskro tsiro 8:10

Oun ko triinto bolepaskro phourdas an peskri phourdepaskri: Oun i bolepaskri momeli rhačas har yag, oun peras tele ap i phoub. Oun koya peras ap o triinto kotar hako lengsto panyestar, ninna ap ko pani, hoy vella dran i phoub vin.

Debleskro tsiro 8:11

Oun ko bolepaskri momeli kharella shout. Oun o triinto kotar kol panyestar vas shoutlo. Oun boud kol menshendar, kay piyan ko pani, meran lestar.

Debleskro tsiro 8:12

Oun o starto bolepaskro phourdas an peskri phourdepaskri. Oun o kham las i dap, oun o triinto kotar lestar vas kalo. Ninna o čon oun i vavar bolepangre momlia lan i dap. Oun o triinto kotar lendar vas kalo. Yaake rhačas o kham gar ap o triinto kotar ap o dives, vitar gar rhačan o čon oun i bolepangre momlia ap o triinto kotar an i rat.

Debleskro tsiro 8:7

Oun o glanstouno phourdas an peskri phourdepaskri. Koy das brishin, hoy his har barra, oun yag o rateha mashkral ap i phoub. Oun o triinto kotar i tseli phoubyatar rhačras, oun o triinto kotar i tsele roukendar rhačras, ninna o tselo zenlepen.

Debleskro tsiro 8:8

Oun o douyto bolepaskro phourdas an peskri phourdepaskri. Koy vas i bari kotar bar, hoy rhačella, an o baro pani vitsedo. Oun o triinto kotar o tselo baro panyestar vas har o rat.

Debleskro tsiro 8:9

Koy meras o triinto kotar lauterestar, hoy an o baro pani djivas. Ninna hako triinto shiffo djas paash.