Zakarie 13:7 - O Debleskro Lab 2024 (Sinte-Manouche)

⁷ O baro Devel, ko ray pral o bolepen oun i phoub, penell: “Miro rharo, hade tout! Dja ap o bakrengro pre, kay mange boudrella, ap koleste, kay pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro vast.”

O Debleskro Drom 2021 (Sinte)

⁷ O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Zakarie 13:7 ပူးပေါင်းရင်းမြစ်များ

Debleskri gili 2:2

I bare raya ap kay phoub stakrenna pre, oun i pralstoune beshenn khetne, oun krenn vin, har nay hadenn le pen pral o baro Debleste oun pral koleste, kones yob vin rodas.

Jesaja 1:25

Yerusalem, miro vast hadau ap toute, te dap tout, te rhačap i čik toutar vin, har kova o roupeha kerdo vell, yaake te ačell o lačo roup pale.

Jesaja 27:1

Ap ko dives lell o baro Devel peskro baro zorelo rharo, hoy yaake mishto činell, oun dell o sapes moulo, hoy kharell Leviatan, ava, ko baro panyeskro sap, hoy ap o naashepen hi oun moukell pes gar te taprell.

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Jesaja 9:6

I rayeskri zoor, hoy les hi, vell baro oun bareder. Oun an kek tsiro dell čingepen. Yob vell beshdo ap o Davideskri beshepaskri, oun hi i ray, kay krell o čačepen yaake vin, har o Devel kamell oun mishto hi kanna oun hako tsireske. O baro Devel, ko ray pral o bolepen oun i phoub, krell kova lauter. Yaake las lo pes kova zoreles glan.

Jeremia 47:6

Tou, o baro Debleskro rharo, kaana kameh tou pre te herell? Mouk tele oun dja pale an tiri possita, oun ač pokones!

Ezekiel 21:28

I menshenge an o foro Yerusalem vell kova glan har i rhorheno dourkepen. O baro ray dran Babilonia krals lentsa vin, te krell lo lenge či, oun dals peskro vast koy pre. Kanna te vell yob pral lende, vell lenge an o shero, te rikran yon gar dren, hoy le leha vin kran. Oun yon venn tapedo.

Ezekiel 21:3

Pen leske: Kava penell o baro Devel, maro ray: Shoun, hoy touke penau! Me krau i yag an toute, koya rhačrell hako rouk, hoy zenelo hi oun koles, hoy trouk hi. Kek nay krell koy yag vin. Koya djal doureder an o tselo them, yek rigyatar ap i vavar. Oun o tatepen rhačrell hakeneske peskro mouy.

Ezekiel 37:24

Oun yek dran i familya o Davidestar, kay hi har o David miro boudepaskro, vell lengro baro ray. Yob vell i bakrengro kolenge halauterenge, oun dell yak ap lende. Oun yon djivenn pal mire čačepaskre laba oun krenn, hoy lendar kamau.

Ezekiel 7:6

O tsiro hi koy, kay djal o tselo them tele. Tele djal o tselo them! Dikenn t'mer, har i bibarht vella? Koy hi li!

Micha 5:2

Yek tsiro dell o baro Devel peskre menshen an i vasta vavar menshendar, bis te vell ko dives, kay anell i djouvel ko čaves ab i phoub. Palle venn leskre phrala, kay pral ačan, pale an pengro them pash i vavar Israelitarya.

Micha 5:4

Oun yob anell lenge i lačo tsiro. Te venn i lourde dran o them Assour an maro them, oun phagenn an mare khera dren, čivah mer zorele pralstunen oun rayen pre, te rikrenn le len pale.

Zakarie 11:11

Oun koy sovel vas phagedo ap kava dives. Kol parepangre, kay i bakre bikran oun ginan, dikan, hoy krom, oun hayvan, o baro Devel rakras dran kova, hoy krom.

Zakarie 11:4

Miro baro Devel penas ap mande: “Ab o bakrengro kol bakrenge, kay djan koy, te venn le maredo!

Zakarie 11:7

Oun kol parepangre, kay ginan oun bikran i bakre, dan man koy boudi, te dap yak ap kol bakre, kay maredo venn. Oun me lom douy kashta: Ko yekes kharom lačepen oun ko vavar harmenatsyona. Oun me dom garda ap kol bakre.

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

Mateo 10:42

Koon della yekes mire malendar i khoro shilo pani te piyell, koles dell o Devel čačepah ko lačepen pale, hoy yob kras.

Mateo 11:27

Lauter das miro dad an mire vasta. Kek djinella, koon o čavo hi, har kokres o dad. Oun kokres o čavo djinella, koon o dad hi. Oun o čavo sikrell kolen, kay patsenn ap leste, koon o dad hi.

Mateo 18:10

Ma čivenn kol tiknen ap i rig, har te vans le či moldo. Me penau t'menge: I bolepangre, kay ap lende yak denna, kolla nay djana hako tsiro glan miro dadeste an o bolepen, te mangenn le les lenge.

Mateo 18:14

Oun yaake kamell miro dad an o bolepen gar, te djal yek kol tiknendar nashedo.

Mateo 26:31

Kote penas o Yezous lenge: “Kay rati nashenn t'mer halauter mandar. An o Debleskro lab hi činlo: O Devel penella: Me dau o bakrengro rayes. Oun i bakre nashenn penge.

Mateo 26:56

Kava lauter hounte djas, te vell čačo, hoy o Debleskre rakepangre glan i rah tsiro an pengre lila činan.” Har peskre mala kova shounan, nashan le penge lauter lestar.

Markus 14:27

Oun o Yezous penas ap lende: “T'mer halauter moukenn man. Hi činlo an o Debleskro lab: O Devel penas: Me dau o bakrengro rayes. Oun i bakre nashenn penge.

Markus 14:50

Har peskre mala kova shounan, moukan le les lauter oun nashan penge.

Louka 12:32

Ma darenn! Kate han t'mer gar boud oun gar an-diklo. O Devel, kay hi t'maro dad an o bolepen, kova kamella, te lenn t'mer leskro bravlepen oun raylepen.

Louka 17:2

Koleske vals feteder, te vell leske i pharo bar troul i meen pandlo, oun te vell lo an o baro pani vitsedo, te nay anell lo bouder gar yekes kal tiknendar ap o čilačo drom.

Johanni 1:29

Ap o vavar dives dikas o Yohanni, kay o Yezous pash leste vella. Oun o Yohanni penas: “Dikenn, kava hi o Debleskro bakro, kay lell i menshengri doosh ap peste.

Johanni 10:30

Me oun o dad ham yek.”

Johanni 10:38

Te krau me, hoy o dad mange penas, patsenn ap kova, hoy me krau! Yaake dikenn oun prindjrenn t'mer, kay o dad an mande hi oun me an leste.”

Johanni 14:1

“T'maro dji hounte trashell gar. Patsenn ap o Debleste oun patsenn ap mande!

Johanni 14:23

Koy penas o Yezous ap leste: “Te kamell man yek o djiyestar, kova krell, hoy me penau. Koles kamell miro dad. Oun mer vah pash leste oun ačah pash leste.

Johanni 16:15

Halauter, hoy o dades hi, hi ninna miro. Doleske nay penau me: Lauter, hoy yob penell t'menge, vell mandar.

Johanni 16:32

“Dikenn, ko tsiro vella oun hi koy, kay nashenn t'mer halauter mandar. Hakeno djal pale khere. Oun man moukenn t'mer kokres. Ninna te moukenn man, hom me gar kokres. O dad hi pash mande.

Johanni 5:23

te sharenn le halauter o čaves, yaake har sharenn le o dades. Koon o čaves gar sharella, kova sharella vitar gar o dades, kay bičras o čaves.

Johanni 8:58

Penas o Yezous ap lende: “Čačepah, me penau t'menge: O Abraham his gomme gar boldo, koy homs me koy.”

Bičepangre 2:23

T'mer dan o Yezouses an i vasta kolendar, kay gar ap o Debleste patsenna. Oun kolla dan les ap o troushel, oun kote meras yob. Oun hoy t'mer leha kran, kova his yaake glan-diklo o Deblestar.

Remarja 4:25

O Yezous Kristo hi kova, koles o Devel bičras, te merell lo menge, oun te lell lo mari doosh mendar krik. Oun o Devel kras les i moulendar djido, te nay krell lo men čačo glan leste.

Remarja 8:32

O Devel rikras peskro čaves gar pash peste. Yob das les menge lauterenge an o merepen. Patsenn t'mer gar, te dell lo men khetne leha kova lauter, hoy yob menge penas?

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Galatarja 3:13

Mer nashte rikram kova lauter gar. Oun dran kova vam tel o Debleskro praasepen. Oun o Yezous Kristo las ko praasepen mendar krik, har yob ap o troushel dino vas, oun yaake menge praasedo vas. O Debleskro lab penella: Hakeno, koon ap o troushel dino vella, hi praasedo.

Filiparja 2:6

Ninna te his lo o Devel, moukas lo peskro raylepen oun peskri zoor, hoy les an o bolepen his.

Hebrearja 13:20

O Devel kras i drom, te nay vah pash leste. Yob kras o Yezouses, maro rayes, i moulendar djido. Kova ratas peskro rat menge, te nay vah pash o Debleste, oun djivah hako tsiro leha khetne. O Yezous vas maro baro bakrengro. Kova dell yak ap mende, har i bakrengro dell yak ap peskre bakre.

1. Petro 3:18

Ninna o Yezous Kristo las yek kopo douka ap peste, har yob ap o troushel meras, oun mari doosh ap peste las. Yob his i lačo, oun meras i čilačenge. Kova kras lo, te anell lo len pash o Debleste. I menshe maran les. O Debleskro Dourho kras les djido.

1. Petro 5:4

Oun ap ko dives, kay vell o pralstouno bakrengro, lenn t'mer leskro raylepen, hoy ačella hako tsireske.

1. Johanni 2:2

Yob kokres las mari doosh mendar, oun las lat ap peste, har yob menge ap o troushel meras. Gar mari doosh kokres las lo ap peste. Na-a, yob las ninna i doosh i tsele menshendar ap kay phoub ap peste.

Debleskro tsiro 1:11

Oun ko rakepen penas: “Čin an i liil, hoy tou dikeh! Oun biče ko liil ap kol patslende, kay an kol efta forya khetne venna: Efesus, Smirna, Pergamon, Tiatira, Sardes, Filadelfia oun Laodicea!”

Debleskro tsiro 1:17

Oun har dikom les, perom glan leskre herya khetne, har voms moulo. Oun yob čivas peskro čačo vast ap mande, oun penas: “Ma dare! Mandar vas halauter. Oun lauter vella pale glan mande.

Debleskro tsiro 1:8

O baro Devel penella: “Mandar vas lauter. Oun lauter vella pale glan mande. Man hi i tseli zoor, oun djivau hako tsireske: kanna oun an ko tsiro, hoy his oun hoy vella.”

Debleskro tsiro 13:8

Lauter, hoy ap i phoub djivenna, sharenn ko firhes, – lauter kolla, kolengre laba gar činlo hi an o djipaskro liil. Kolla, kay lengre laba dren činlo hi an kava liil, hi yaake rah dren činlo, har i phoub koy hi. Kava liil hi o terno bakres, hoy maredo vas.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.

Debleskro tsiro 21:6

Oun yob penas pale: Halauter vas yaake, har penom. Mandar vas halauter. Oun lauter vella pale glan mande. Me hom o glanstouno oun o palstouno. Kones troush hi, kova lell mandar o djido pani čičeske.