Zakarie 11:8 - O Debleskro Lab 2024 (Sinte-Manouche)

⁸ Oun an yek čon krom me, te hounte djan penge kol triin vavar bakrengre. Me nay dikom len bouder gar glan i yaka. Oun yon his rhoyedo ap mande.

O Debleskro Drom 2021 (Sinte)

⁸ Un an jek tchon krom me, te hunte djan penge kol triin wawar bakrengre. Me nai dikom len buder gar glan i jaka. Un jon his chojedo ap mande.

Zakarie 11:8 ပူးပေါင်းရင်းမြစ်များ

1. Rajengro liil 11:25

Pal i tsiro vas o Reson o baro ray pral o tselo them Syria. Oun yob hadas pes pral o Israel. Yaake rah har o Salomo djivas, his o Reson yek, kay kras i Israelenge čilačepen, har ninna o Hadad kras.

Debleskri gili 106:40

Kote rhoyras pes o baro Devel ap peskre menshende, oun nay dikas len bouder gar glan peskre yaka.

Debleskri gili 5:5

Tou hal i Devel, kay čilače dromma gar kamella. Pash toute nay ačell i čilačo gar.

Debleskri gili 78:9

Yaake his i morsha dran o kheer Efrayim: Ninna le hayvan le mishto o bogeha trouyel te djal, nashan le penge ap o dives, kay o kourepen hi.

Jesaja 49:7

O baro Devel, kova, kay o Israel dran o čilačepen vin lell, oun kokres leskro Devel hi, yob penell koleske, kay i menshe tele dikenn ap leste, oun koles i menshe dran boud themma gar kamenna, oun lengre raya lestar pengro boudepaskro krenn, ap koleste penell o baro Devel: Bare raya dikenn tout, oun stenn pre glan toute. Oun pralstoune dikenn tout oun vitsrenn pen ap i phoub glan toute, Yon dikan, kay rikrau pash toute, me, o Israeleskro Devel, kay tout vin rodom.

Jeremia 12:8

Mire menshe van mange har i levo an o veesh, kay kras o mouy pre, oun das man čilačes an-gole. Doleske kamau len bouder gar.

Jeremia 14:21

Biče men gar toutar krik, te vell gar djoungeles rakedo pral toute! Mouk kek te sal pral Yerusalem, kay tiri rayli beshepaskri tardo hi! Ma biste, hoy tou mentsa vin kral, oun le tire laba gar pale!

Jeremia 6:30

Doleske venn le kharedo: Ko roup, hoy molell či. O baro Devel kamell bouder či lendar te djinell.

Ezekiel 14:5

Yaake krau, te krenn i Israelitarya pengre djia pale mange pre, yon, kay moukan miro drom oun mangenn vavar deblen an.

Ezekiel 16:45

Tou hal i čay tiri datar, koya peskro romeske oun peskre čavenge o doumo sikras. Oun tou hal i pheen tiri phenyatar, kay peskro romeske oun peskre čavenge o doumo sikras. T'mari day his i menshendar Het oun t'maro dad his i Amorari.

Hosea 4:6

Mire menshe prindjrenn o čačo drom gar. Doleske djan le tele. T'mer kaman lenge gar miro drom te sikrell. Doleske kamau me t'mendar vitar či te djinell. T'mer han bouder gar mire rashaya. T'mer bistran miro drom. Doleske bistrau t'mare čaven.

Hosea 5:7

Yon phagan mantsa, o baro Debleha, oun anan čave ap i phoub, kay man gar prindjrenn. Doleske venn le halauter krik lino an kol divessa, kay vell o nevo čon diklo, – yon khetne pengro themeha.

Hosea 9:15

O baro Devel penell: Lengro tselo čilačepen krenn le kote pash o foro Gilgal; kote rhoyrom man pral lende ko tselo čilačepaske, hoy yon kran. Doleske tradau me len dran miro kheer vin. Me kamau len bouder gar. Lengre tsele pralstoune moukenn pen či mandar te penell.

3. Mose 26:11

Oun me djivau mashkral t'mende, oun sikrau t'men gar miro doumo.

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

3. Mose 26:44

Ninna te hi le an o them kolendar, kay lan len pandles, hi kova gar yaake, te rissroms man krik lendar, oun kamoms či bouder lendar te djinell. Me moukau len gar lauter te merell. Miri sovel, hoy lende dom, phagau gar. Me, o baro Devel, hom lengro Devel.

Louka 12:50

Glan mande hi i pharo tsiro. Ap mande venna bare douka. Kamoms, te vals ko tsiro pal mande.”

Louka 19:14

I menshe an peskro them his rhoyedo ap leste oun bičran morshen leske palla, te penenn le leske: Mer kamah gar, te vess tou baro ray pral mende!

Johanni 15:18

Te kamenn t'men i menshe ap kay phoub gar, ma bistrenn, kay yon kaman man vitar gar.

Johanni 7:7

I menshe hi gar čilačo ap t'mende. Ap mande hi le čilačo. Me penom lenge, kay kova, hoy yon krenna, čilačo hi.

5. Mose 32:19

O baro Devel dikas kova, oun vas rhoyedo pral peskre čavende oun čende, kay kaman či bouder lestar te djinell.