Zakarie 11:17 - O Debleskro Lab 2024 (Sinte-Manouche)

¹⁷ Djungeles djal koleske, kay hi i či-moldo bakrengro oun moukell i bakren kokres! Mou činell o rharo leskri moussi tele, oun leskro čačo yak vin! Leskri moussyatar te ačell či har i tikno kotar, oun leskro čačo yakeha dikell lo bouder či!”

O Debleskro Drom 2021 (Sinte)

¹⁷ Djungeles djal koleske, kai hi i tchi-moldo bakrengro un mukell i bakren kokres! Mu tchinell o charo leskri mussi tele, un leskro tchatcho jak win! Leskri mussjatar te atchell tchi har i tikno kotar, un leskro tchatcho jakeha dikell lo buder tchi!”

Zakarie 11:17 ပူးပေါင်းရင်းမြစ်များ

1. Rajengro liil 13:4

Oun har shounas o baro ray i laba o Debleskro morshestar, kol laba, hoy ko Debleskro morsh vin kharas pral koy rhačepaskri an Betel, koy sikras o Yerobeam peskro vasteha ap leste, oun penas: “Taprenn les!” Koy nashras leskro vast peskri zoor, oun yob nay tserdas les gar pale pash peste.

Jesaja 29:10

O baro Devel čivas i sopaskro dourho ap t'mende. O Debleskre rakepangre hounte vans t'mare yaka, – o Devel kras len korelo, oun i dikepangre dikenn bouder či, har te vals i diklo troul lengre yaka pandlo.

Jesaja 44:10

Koon krals i debles oun činals i figura, hoy či moldo hi?

Jesaja 9:15

I pralstoune pral i menshende anenn i menshen ap bange dromma oun krenn te djinenn yon bouder gar, hoy čačo hi.

Jeremia 22:1

Kova penell o baro Devel: Dja tele an ko kheer ko baro rayestar pral o them Youda, oun rake koy kava lab.

Jeremia 23:1

Bibarht ap t'mende, t'mer pralstoune, kay hounte vans har bakrengre mire menshenge, oun moukenn len nashedo te djal, oun rikrenn len gar khetne.

Jeremia 23:32

Me kourau man kolentsa, kay rhorhene sounya rakrenna, oun anenn mire menshen o čačo dromestar tele lengro rhorhepah oun dinelo rakepah. Me bičrom len gar, oun dom len kek lab, te penenn le kova doureder. Yon molenn či mire menshenge, penell o baro Devel.

Ezekiel 13:3

Kava penell o baro Devel, maro ray: Bibarht vell ap kol čilače rakepangre, kay penenn glan-vi, hoy dran lengro dji vella, oun kolen kek dikepen dikan, hoy mandar vas!

Ezekiel 34:2

Tou, mensho, pen i pralstunenge pral Israel glan-vi, hoy pral lende vella! Pen lenge: Kava penell o baro Devel, maro ray: Djungeles djal t'menge! T'mer han i bakrengre mire menshenge, oun hounte anans i Israelitaryen har bakre kote, kay hatsenn le lačo zenlepen. Kova krenn t'mer gar. T'mer dikenn kokres ap t'mende, te djal t'menge mishto.

Zakarie 10:2

Ma poučenn i khereskre deblen! Kova, hoy yon rakrenn, hi dinelo koova. Ma djan pash i dourkepangre! Kova, hoy yon glan-vi penenna, hi rhorhepen. Lengre sounya hi či moldo. Lengre lače laba hi gar čačo. Doleske nashrenn pen i menshe har bakre, kolen kek bakrengro hi, oun kay merenna.

Zakarie 11:15

O baro Devel penas mange palle: “Le touke pale o bakrengro koova, te vess kanna i bakrengro, kay či moldo hi!

Mateo 23:13

T'mer čačepangre oun Farisarya! Kova, hoy t'mer krenna, ko hi gar mishto. T'maro patsepen ap o Debleste hi rhorhepen! T'mer krenn o voudar pandlo, te vell kek ap o Debleskro drom. T'mer djan gar koy dren. Vitar gar moukenn i vavaren dren te djal.

Mateo 23:16

Kova, hoy t'mer krenna, ko hi gar mishto. T'mer kamenn i vavaren o čačo drom te sikrell, oun han kokres har i korele, kay či dikenna. T'mer penenn i menshenge: “Te dell yek pes ap o Debleskro baro kheer sovel, yaake hi kava sovel či moldo. Te dell yek pes ap o sonakay sovel, hoy an o Debleskro baro kheer hi, palle hounte krell lo kova, hoy yob penas.”

Johanni 12:40

O Devel kras, kay dikenn yon nay gar. Oun lengro dji kras yob pandlo. Kova kras yob, te dikenn yon nay či pengre yakentsa, oun te djal či dren an lengro dji. Te nay moukenn le gar pengro čilačo drom oun venn pash o Debleste, te krell lo len sasto.

Johanni 9:39

Oun o Yezous penas: “Me vom ap kay phoub, te sikrap i menshen, koon i doosh ap peste anas, oun koon kek doosh ap peste anas, yaake kay kolla, kay dikenn nay gar, dikenn nay. Oun kolla, kay dikenn nay, kolende sikrau me, kay yon či dikenna.”

Remarja 11:7

Hoy kanna? Kova, hoy kaman i Israelitarya te lell, kova lan le gar. Kolen kokres, kay o Devel peske vin rodas, kolla lan kova. I tsele vavaren hi i dji dran bar.

1. Korintarja 8:4

Nay rhah mer kanna ko mass, hoy anan le glan i figura, hoy mangenn le an, har te vals li i devel? Mer djinah halauter, kay hi i figura kek čačo devel. Dell yek Devel oun kek vavar.

1. Samuel 2:31

Djiness, ko tsiro vella, koy dau i tsele terne morshen moulo an tiro kheer oun an tiro dadeskro kheer, yaake te vell kek phouro an tiri familya.