Zakarie 11:16 - O Debleskro Lab 2024 (Sinte-Manouche)

¹⁶ Čačepah, me bičrau i bakrengro an o them, kay dikell gar pal i bakre, kay hi nashedo. Vitar gar rodell lo kolen, kay nashran pen. Kolenge, kay doukran pen, vell lo gar ap i rig. Oun leske hi yek, te vell i sasten doha te rhal oun te piyell. I thoulle bakren marell lo peske, oun tserdell lenge ninna i pire vin.

O Debleskro Drom 2021 (Sinte)

¹⁶ Tchatchepah, me bitchrau i bakrengro an o them, kai dikell gar pal i bakre, kai hi nashedo. Witar gar rodell lo kolen, kai nashran pen. Kolenge, kai dukran pen, well lo gar ap i rig. Un leske hi jek, te well i sasten doha te chal un te pijell. I thulle bakren marell lo peske, un tserdell lenge ninna i pire win.

Zakarie 11:16 ပူးပေါင်းရင်းမြစ်များ

1. Mose 31:38

Biish bersha homs pash toute. An ko tselo tsiro anas kek tire bakrendar oun bouzyendar i moulo ternepen ap i phoub. Me lom mange kek morsh bakro tire bakrendar rhapaske.

1. Mose 33:13

Penas o Yakob: “Miro ray, tou djineh, kay i čave tikno hi. Pash mande hi ninna groumya oun bakre, kay len terne hi. Te nashens yon hounte yek dives sik, merans i tsele firhe.

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

Jeremia 23:2

Doleske penell o baro Devel, ko Devel pral o Israel, ap i pralstunende, kay hounte dans garda ap leskre menshende: T'mer rikran mire menshen gar khetne. Yon hi har bakre, kay van kate te kote tradedo. T'mer dan gar garda ap lende. Kanna dau me garda, te lenn t'mer t'mari phagi ko čilačepaske, hoy kran.

Jeremia 23:22

Te vans yon glan mande tardo an miro tsillo, rakrans yon mire laba mire menshenge, oun penans lenge, te moukenn le pengro čilačo drom oun pengro čilačo koova, hoy kran le.

Ezekiel 34:10

Kava penell o baro Devel, maro ray: Me djau ap i bakrengre, oun kamau mire bakren dran lengro vast pale. Oun me krau, te ačenn le bouder gar bakrengre, te dikenn le bouder gar ap pende kokres, te djal lenge mishto. Oun me lau mire bakren dran lengre mouya vin, te venn le lenge bouder gar rhapaske.

Ezekiel 34:16

Kolla, kay nashedo hi, rodau me. Oun kolla, kay nashran pen, anau me pale. Oun kolla, kay pen doukran, pandau i diklo trouyel. Oun kolla, kay nasselo hi, krau zoreles. Oun i thoullen oun zorelen lau an i yak. Me dau yak ap lende har mishto hi.

Ezekiel 34:21

T'mer zorele, t'mer dan i spildini kolenge, kay len kek zoor hi, oun dan t'mare shingentsa an lende dren, yaake rah bis te tradan len vin t'mendar.

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Johanni 10:1

“Čačepah, me penau t'menge: Koon gar an o voudar dren djala, te vell lo pash i bakrende, oun vell vavarčandes dren, kova hi i čorepaskro oun i dre-phagepaskro.