Zakarie 11:12 - O Debleskro Lab 2024 (Sinte-Manouche)

¹² Oun me penom ap lende: “Hi t'menge mishto, te denn man love miri boudjake, palle denn man miro playsepen. Hi kova t'menge gar mishto, moukenn les!” Oun yon dan man triyanda roupene beme, te playsrenn le man.

O Debleskro Drom 2021 (Sinte)

¹² Un me penom ap lende: “Hi tumenge mishto, te denn man lowe miri budjake, palle denn man miro plaissepen. Hi kowa tumenge gar mishto, mukenn les!” Un jon dan man trijanda rupene beme, te plaissrenn le man.

Zakarie 11:12 ပူးပေါင်းရင်းမြစ်များ

1. Mose 23:16

Oun o Abraham das o Efrones kol love, hoy yon glan i Hetarya vin kran: star-sheel roupene beme. Yek bema his yaake pharo har yek bema pash i parepangre pharo his.

1. Mose 37:28

Har i parepangre dran o them Midian pashel van, tserdan les o Yosefeskre phrala dran i grouba vin, oun bikran les ap i Ismaelarya, oun lan lendar biish roupene kotya. Oun yon anan o Yosefes an o them Egiptia.

1. Rajengro liil 21:2

Oun o Ahab penas ap o Nabot: “Ko kotar phoub, kay tire drakengre rouka tardo hi, hi gar dour miro kherestar. De les mande, te vell lo mange i zenlepaskri baar. Me kamau touke i vavar oun feteder kotar phoub te dell drakengre roukentsa. Te hi an tire yaka feteder, nay dau tout ninna love koleske, yaake boud har kova moldo hi.”

1. Rajengro liil 5:6

Oun o Salomes his star-zerya stanye i grayenge, kay tserdan leskre kourepangre vourdya, oun deesh-te-douy zerya morsha, kay klissan ap i graya.

2. Familjakro liil 30:4

Doleske patsan o baro ray oun i tsele menshe, kay kote khetne his, kay kova mishto hi, te rikrenn le o Passa an o douyto čon.

2. Mose 21:32

Te das i groumni i boudepaskres i dap, yaake te merell lo, palle hounte dell kova, koleske koy groumni hi, 30 (triyanda) kotya roup koleste, kay nashras peskro boudepaskres. Kova vell ninna yaake kerdo pash i boudepaskretsa. Koy groumni hounte vell i barrentsa moulo vitsedo.

Jeremia 32:9

Kote ginom ko kotar them an Anatot miro neboudestar, o Hanamel, oun playsrom leske deesh-te-efta roupene kotya koleske.

3. Mose 27:4

I djouvyake venn 30 (triyanda) roupene beme playsedo.

Maleachi 3:5

Oun me kamau pash t'mende te vell, te vap t'maro čačepaskro ray. Oun mange nay patsenna, me rakrau o čačepen vin pral i menshende, kay hadenn man gar: kolla, kay dourkrenna, kol morsha, kay rhorhran pengri romyat, oun kol djouvya, kay rhorhran pengri romes, kolla, kay phagenn pengri sovel, oun kolla, kay djan djoungeles kolentsa trouyel, kay boudrenn lenge, oun kolla, kay rhorhenn kol djouvyen, kolengro rom meras, oun kolla, kay rhorhenn kol čaven, kolen bouder kek dad hi, oun kolla, kay rikrenn kol vi-themaryen tele, kay djivenn mashkral t'mende. Ko penell o baro Devel, ko ray pral o bolepen oun i phoub.

Mateo 26:15

oun poučas lendar: “Kitse love denn man t'mer, te dau les an t'mare vasta?” Oun yon dan les triyanda roupene beme.

Mateo 27:9

Oun yaake vas kova čačo, hoy o Debleskro rakepaskro Yeremia glan i rah tsiro penas: Yon lan i triyanda roupene beme. Kova his kol love, kay i Israeleskre menshe vin kran, te playsrenn le leske. Kol loventsa ginan le i kotar them kolestar, kay krell pirya dran lolo čik, yaake har o Devel mange kova penas.

Johanni 13:2

Ap koy rati, har yon rhan, das o beng o Youdases an o dji, te phoukrell lo ap leste. O Youdaseskro dad his o Simon Iskariot.