Zakarie 11:11 - O Debleskro Lab 2024 (Sinte-Manouche)

¹¹ Oun koy sovel vas phagedo ap kava dives. Kol parepangre, kay i bakre bikran oun ginan, dikan, hoy krom, oun hayvan, o baro Devel rakras dran kova, hoy krom.

O Debleskro Drom 2021 (Sinte)

¹¹ Un koi sowel was phagedo ap kau diwes. Kol parepangre, kai i bakre bikran un ginan, dikan, hoi krom, un haiwan, o baro Dewel rakras dran kowa, hoi krom.

Zakarie 11:11 ပူးပေါင်းရင်းမြစ်များ

2. Familjakro liil 9:14

Koy pashel vas kol love, hoy anan i bikepangre oun i parepangre, kay djan dren oun vin an o them. Ninna anan i tsele bare raya dran o them Arabia oun i themeskre raya sonakay oun roup o Salomeske.

Debleskri gili 69:33

Te dikenn kova kolla, kay tele rikedo hi, venn le barhtelo. Oun kolenge, kay o Debles rodenna, djivell lengro dji pale pre.

Jesaja 14:32

Hoy hounte penas kolenge, kay i Filistarendar bičedo van? Penenn lenge: O baro Devel čivas o foro Sion zoreles pre. Oun kate nay khatrenn pen peskre čorvele menshe kek daryah.

Jesaja 40:31

Kolla, kay ap o baro Debleste dikenn, lenn nevi zoor. Yon hadenn pen har bare čirkle hadenn pen pengre moussyentsa. Yon nashenn oun lengri zoor djal gar krik. Yon djan trouyel oun venn gar khino.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre yaka o Yakobeskre menshendar.

Jeremia 32:8

Oun yaake har o baro Devel mange penas, vas o Hanamel, – kova his miro neboudo – pash mande ap i lourdengri platsa, oun rakras mantsa oun penas: Gin touke miro kotar them, hoy pash o foro Anatot an o them Benyamin čiddo hi; tou hal o ersto mank mare menshende, kay hounte ginell les mandar. Gin tou ko kotar them! Kote hayvom, kay kava lab o baro Deblestar vas.

Micha 7:7

Me kamau te dikap ap o baro Debleste, oun rikrau man ap leste, te vell lo ap miri rig. Miro Devel shounell miri gole.

Zefanja 3:12

Kokres čorvele menshen, oun saven, kay rikrenn gar boud pendar, moukau djido an tiro them. Kolla patsenn pengro tselo djiyeha ap o baro Debleste.

Louka 19:48

Yon djinan gar, har nay tapran le les. Boud menshe his troul leste, oun kaman hako lab te shounell, hoy yob penas.

Louka 2:25

Ap ko tsiro djivas an o foro Yerusalem i morsh. Leskro lab his Simeon. Kova patsas ap o Debleste, oun djivas yaake, har o Devel kova kamas. Oun yob dikas ap ko tsiro, kay lell o Devel i bibarht i Israeleskre menshendar krik. O Simeon his pherdo Debleskro Dourho.

Louka 2:38

Ap ko tsiro har i Maria oun o Yosef pengro čaveha an o Debleskro baro kheer his, vas li ninna kote pash lende. Oun yoy sharas o Debles o tselo djiyeha pral ko čaveste, oun rakras kolestar ap lauterende, kay dikan ap ko tsiro, kay lell o Devel i menshen an o foro Yerusalem dran o čilačepen vin.

Louka 23:51

oun kamas gar, te vell o Yezous ap o troushel dino. Yob his dran i biboldengro foro Arimatia. Oun yob dikas ap o Debleste, te vell ko tsiro, kay hakeno dikell, kay o Devel o baro ray hi.

Louka 7:22

Oun yob penas o Yohanneskre malenge: “Penenn o Yohanneske, hoy t'mer dikan oun shounan: I korele nay dikenn pale. Oun i bange nay djan pale. I nassele, kay lengro mass ap lende tele merell, venna sasto. Kolla, kay nay shounan gar, nay shounenna pale. I moule venna djido. Oun i čorvele shounenn o Debleskro lačo lab.

5. Mose 31:21

Palle vell boud bibarht oun djoungelo koova pral lende. Oun yon givenn koy gili. oun koya vell gar bistedo lengre čavendar, oun sikrell lende, kay dom len trad, hoy vella, te moukenn le miro drom. Glan te anom len an ko them, koleske me man sovel dom, te anau len koy, prindjrau ko koova, hoy lenge an o shero trouyel djal.”

5. Mose 31:29

Me djinau, pal miro merepen doukrenn t'mer o baro Debles, oun djan ko dromestar tele, hoy t'mende sikrom. T'mer krenn, hoy čilačo hi glan o baro Debleskre yaka, oun mangenn vavar deblen an, oun rhoyrenn les koleha. Doleske vell bari bibarht pral t'mende.”