Ropaskre gilja 5:14 - O Debleskro Lab 2024 (Sinte-Manouche)

¹⁴ I pralstoune hi bouder gar beshdo an o foreskro voudar. Oun i terne morsha bashrenn bouder gar ap i doryengre bashepangre.

O Debleskro Drom 2021 (Sinte)

¹⁴ I pralstune hi buder gar beshdo an o foreskro wudar. Un i terne mursha bashrenn buder gar ap i dorjengre bashepangre.

Ropaskre gilja 5:14 ပူးပေါင်းရင်းမြစ်များ

Hiob 30:1

Kanna sanenn le pral mande, kolla, kay terneder hi har me, kolengre dada an mire yaka gar doha moldo his, te denn le yak ap mire bakre khetne mire djouklentsa.

Hiob 30:31

Miri doryengri bashepaskri bashrell kokres ropaskre gilya. Oun o bashepen ap miri tikni phourdepaskri hi har o ropen pral yekeste, kay meras.

Jeremia 16:9

O baro Devel, ko ray pral o bolepen oun i phoub, kay ninna o Israeleskro Devel hi, penell: Me moukau o tsiro te vell, kay khelell oun givell kek bouder i barhtyatar an o them Youda. I barhteli gole o pirnestar oun leskri pirnyatar shounenn bouder gar. Kova vell glan t'mare yaka oun yaake rah har djivenna.

Jeremia 25:10

Me krau, te dell bouder kek barhtelo gipen. Oun koy barhteli gole o pirnestar oun i pirnyatar shounenn bouder gar. Vitar gar shounenn t'mer, har i djouvya djob tiknes krenna mank douy barra. Oun kek momeli rhačell an t'mare khera.

Jeremia 7:34

Oun o them Youda vell i moulo them. An lengre forya oun ap kol dromma an Yerusalem givell oun sal kek bouder i barhtyatar. Oun koy barhteli gole o pirnestar oun i pirnyatar shounah mer bouder gar.”

Ropaskre gilja 1:19

Me kharom mire pirnen, oun yon moukan man kokres. Mire rashaya oun i phoureder meran an o foro, har dikan le pal i kotar maro, te nay rikrenn le pen djido.

Ropaskre gilja 1:4

I dromma pash i berga Sion hi mouklo. Kek vell an o foro an kol bare divessa. I tsele foreskre voudya hi pre, i rashayenge hi ropaske, i terne ča rovenna. Har pharo hi kova lauter o foreske!

Ropaskre gilja 2:10

I phoure an o foro Yerusalem hi beshdo ap i phoub, oun penenn kek lab. Yon vitsran čik ap pengro shero, oun rivan gone ap pende. I terne čenge an o foro Yerusalem hi ropaske. Yon djan ap pengre čanga o mouyeha ap i phoub.

Ezekiel 26:13

Me krau, te vell bouder kek gipen an toute shounlo, vitar kek doryengro bashepen.

Hosea 2:13

Me krau, te venn i Israelitarya bouder gar barhteles khetne ap kol bare divessa. Ap kek Debleskro dives, ap kek dives, kay vell o nevo čon diklo, oun ap kek vavar baro dives venn le bouder khetne.

5. Mose 16:18

Čivenn čačepangre morshen oun vavar pralstunen dren an t'mare forya, hoy t'men t'maro baro Devel della! Yaake te hi an hako them kol deesh-te-douy bare familyendar čačepangre, kay rakrenn o čačepen yaake vin pral pengre menshende, te lell hakeno peskro čačepen.

Debleskro tsiro 18:22

Kek bashepen oun kek gipen shounenn le bouder kote. Kek boudepaskro boudrella bouder koy. Kek djob hi bouder koy, te vell dran leste yarro kerdo.