Ropaskre gilja 4:7 - O Debleskro Lab 2024 (Sinte-Manouche)

⁷ I pralstoune pral Sion his djoudjeder har gib, oun parneder har thoud. Yon his sasto oun zorelo, oun shoukar har i kouč blaueto bar.

O Debleskro Drom 2021 (Sinte)

⁷ I pralstune pral Zion his djudjeder har gib, un parneder har thud. Jon his sasto un sorelo, un shukar har i kutch blaueto bar.

Ropaskre gilja 4:7 ပူးပေါင်းရင်းမြစ်များ

Hiob 28:16

O gosvepen hi boudeder moldo har o lačeder sonakay oun kouč blauete barra.

Hiob 28:18

Koralle oun kristallo hi gar doha moldo, te ginell yek lentsa o gosvepen. Kones gosvepen hi, hi bravleder har kones kouč mirklia hi.

Debleskri gili 144:12

Mouk mare morsh čaven har rouka te vell, hoy baro venna an pengri terni zoor. Oun mare čen mouk shoukar te vell, har kol shoukar figure an o rayeskro kheer.

Debleskri gili 51:7

Doosh hi ap mande, yaake rah har hom ap kay phoub, ninna har boldo vom, his o čilačepen ap mande.

2. Mose 24:10

Oun yon dikan o Israeleskro Debles. Oun tel leskre herya his čomone, hoy vi-dikas har kol kouč barra, hoy kharenna Safire. Oun kova his yaake djoudjo oun blaueto har o bolepen.

Kamlepaskri gili 5:10

Miro pirno hi sasto oun zorelo, kokres yek mank zeryende hi har yob.

Kamlepaskri gili 5:15

Leske herya hi har dran parno marmor, zoreles tardo ap pire dran sonakay. Baro hi lo har o Libanon, zorelo har i cedertikre rouka.

Daniel 1:15

Oun pal kol deesh divessa sikras pes, te dikan yon feteder oun zorleder vin har kol tsele terne morsha, kay o rayeskro rhapastar rhan.

Louka 1:15

Oun yob vella bares glan o Debleskre yaka. Mool oun vavar zorelo pipen piyell yob gar. Oun har yob gomme gar boldo hi, hi lo pherdo Debleskro Dourho.

Čačepangre 13:5

Ko čaves, kay leh, vell i morsh, kay o Debleske hi peskro tselo djipen foun ko dives, kay vell lo ap i phoub. Leskre balla venn gar činlo. Oun yob lell o Israel vin dran i vasta i Filistarendar.”

Čačepangre 13:7

Yob penas ap mande: Tou veh vavarčandes oun tou leh i morsh čaves. Oun kanna pi kek mool oun kek vavar zorelo pipen! Oun rha či, hoy pale-čiddo hi. Tiro čavo vell i morsh, kay o Debleske hi foun tiknes pre bis te merell lo.”

Čačepangre 16:17

Oun yob penas lake lauter, hoy an leskro dji hi, oun penas ap late: “An ko tselo tsiro, kay me djivau, van mire balla gar činlo. Yaake rah har boldo vom, hom me o Debleske dino. Te činell yek mire balla tele, palle djal i zoor mandar krik, oun me vau yaake har hako vavar morsh ninna.”

1. Samuel 16:12

Kote bičras yob yekes, kay anas o Davides. Les his lole čam oun shoukar yaka. I shoukar čavo his lo. Oun o baro Devel penas: “Kava hi lo. Ste pre oun mak les o djeteha!”