Ropaskre gilja 4:3 - O Debleskro Lab 2024 (Sinte-Manouche)

³ Ninna divye djoukle denn pengre čaven i čouči. I daya mank mire menshende sikrenn kek dji pengre čavenge. Har kol bare divye čirkle an o moulo them hi le, hoy moukenn pengre yare.

O Debleskro Drom 2021 (Sinte)

³ Ninna diwje djukle denn pengre tchawen i tchutchi. I daja mank mire menshende sikrenn kek dji pengre tchawenge. Har kol bare diwje kachja an o mulo them hi le, hoi mukenn pengre jare.

Ropaskre gilja 4:3 ပူးပေါင်းရင်းမြစ်များ

1. Rajengro liil 3:21

Oun taysarlakro, har me pre stom, te dap miro čaves te piyell, kote his lo moulo. Oun me dikom ap leste, oun hayvom, kay ko moulo ternepen gar miro ternepen hi.”

Jesaja 13:22

Divye djoukle rovenna an i rayengre khera, kay his yaake shoukar oun raylo. I tsiro o foreske Babilon vas, te lell li peskri phagi. Oun leskre divessa hi trouyel.

Jesaja 34:13

Oun an i rayengre khera djan i soubyengre bourra pre, oun ap i barrengre massourya vell soubyengro zenlepen baro. I divye djoukle djivenn kote, oun bare divye čirkle hi kote khere.

Jesaja 49:15

Bistrell i djouvel peskro ternepen? Hi lat gar i kamlo dji leske, hoy yoy ap i phoub anas? Oun ninna te bistrals koya les nay, me bistrau tout gar.

Jeremia 19:9

Kol lourde, kay kamenn len te marell, čivenn pen troul o foro oun pandenn les dren. Koy vell savo čilačo tsiro, kay kol menshe an ko foro yek i vavares pre rhan, ninna pengre čaven rhan yon pre.

Ropaskre gilja 2:20

Baro Devel, mouk tire yaka ap mende te dikell! Dik, koneha yaake trouyel djal! Hounte rhan i djouvya pengre čave, kolen yon ap i moussya hidjrenn? Hounte venn i rashaya oun tire rakepangre an tiro kheer moulo dino?

Ropaskre gilja 4:10

I bibarht, hoy vas ap mire menshende, vas yaake baro, te keran i djouvya pengre čaven, – kol djouvya, kolengro dji pherdo kamlepen his – te nay vas len čomone te rhal.

Ezekiel 5:10

I tsiro vell, kay rhan dada pengre čaven mashkral an Yerusalem, oun čave rhan pengre daden. Yaake pharo vell miri phagi, hoy dau t'mende. Oun halauter, kay t'mendar pral ačenn, venn vin tradedo ap hake rigya.

3. Mose 26:29

I bokatar rhan t'mer o mass t'mare čavendar oun čendar.

Remarja 1:31

Yon kamenn či te hayvell. Yon rikrenn gar pengro lab. Len hi kek kamlepen, vitar kek dji i vavarenge.