Ropaskre gilja 4:1 - O Debleskro Lab 2024 (Sinte-Manouche)

¹ Har vas o sonakay yaake kalo, oun o lačo sonakay yaake djoungelo! Har nay van i kouč barra trouyel čiddo ap i dromma!

O Debleskro Drom 2021 (Sinte)

¹ Har was o sonakai jaake kalo, un o latcho sonakai jaake djungelo! Har nai wan i kutch barra trujel tchiddo ap i dromma!

Ropaskre gilja 4:1 ပူးပေါင်းရင်းမြစ်များ

Jesaja 1:21

Har nay vas kova? Kava foro, hoy rikras pes ap mande peskro tselo djiyeha, vas har i loubni! O foro his pherdo čačepen, oun i menshe djivan pal o Debleskre čačepaskre laba. Oun kanna djivenn kate lauter marepangre, kay vavaren moulo denn!

Jesaja 14:12

Tou shoukar bolepaskri momeli, har nay vas, kay peral tou tele? Tou, kay stakral i tsele themma tel toute, har djas, kay val ap i phoub tele dino?

Jeremia 52:13

Oun yob rhačras o baro Debleskro kheer tele, ninna ko kheer o baro rayestar oun kol vavar khera an o foro Yerusalem; ava, hako baro kheer rhačras lo tele.

Ropaskre gilja 2:19

Ste pre an i rati, oun de gole pale te pale ap o baro Debleste! Čore tiro dji vin glan o Debleste. Rike tire vasta glan leste pre oun mange lestar o djipen tire terne čavendar, kay i bokatar merenna ap hako dromeskri ekka.

Ezekiel 22:18

Tou, mensho, o kheer Israel vas mange bouder či moldo. I Israelitarya hi mange har koy čik, hoy pral ačell an o bob, te vas o roup an i yag djoudjo kerdo. Yon hi har koy čik dran saster, lolo saster, cinno oun blayo, hoy pral ačell.

Micha 1:6

Doleske krell o baro Devel, te vell o foro Samaria khetne dino bis ap i telstoune barra. Lestar ačell či pral har barra. Kolen vitsrell lo an i tala. Kote kay o foro tardo his, venn drakengre rouka an i phoub čiddo.

Mateo 24:2

Koy penas lo ap lende: “Kova, hoy t'mer kote lauter dikenna, kova lauter djal paash. Kate ačell kek bar ap i vavareste.”

Markus 13:2

Penas o Yezous ap leste: “Kal bare khera, hoy tou dikeh, djan paash. Kek bar ačell ap o vavareste!”