Ropaskre gilja 3:26 - O Debleskro Lab 2024 (Sinte-Manouche)

²⁶ O feteder koova hi, te dikas mer pokones ap o baro Debleste, te vell yob menge ap i rig.

O Debleskro Drom 2021 (Sinte)

²⁶ O feteder koowa hi, te dikas mer pokones ap o baro Debleste, te well job menge ap i rig.

Ropaskre gilja 3:26 ပူးပေါင်းရင်းမြစ်များ

1. Mose 49:18

Baro Devel, ab ap miri rig!

2. Familjakro liil 20:17

Gar t'mer hounte kourenn t'men kote. Ačenn glan lende tardo! Ačenn kote oun dikenn, har me, o baro Devel, t'men dran lengro vast vin lau. Me hom pash t'mende, t'mer menshe dran Youda oun Yerusalem. Ma darenn! Trashenn či! Taysar djan pash lende! O baro Devel hi t'mentsa.”

Debleskri gili 119:166

Baro Devel, dikau ap toute, te čivess man an o čačepen, oun krau, hoy mandar kameh.

Debleskri gili 119:174

Baro Devel, miro tselo djiyeha kamau, te čivess man an o čačepen. Me hom barhtelo te djap tiro drom.

Debleskri gili 130:5

Ap toute, baro Devel, rikrau me, miro tselo djiyestar dikau ap toute, te rakress mantsa.

Debleskri gili 37:34

Dik ap o baro Debleste, te vell lo ap tiri rig! Oun ač ap leskro drom! Palle hadell lo tout oun dell tout ko them. Oun tou dikeh, har venn i čilače maredo.

Debleskri gili 37:7

Ač pokones oun dik ap o baro Debleste, te vell lo ap tiri rig! Ab gar rhoyedo pral koleste, kay leske mishto djala, ninna te hi les čilačepen an o shero.

Debleskri gili 52:9

“Dikenn ko morshes! Kova čivas gar peskro patsepen ap o Debleste. Na-a! Yob patsas ap peskro baro bravlepen, oun leskro čilačepen kras les zorelo.”

Debleskri gili 54:6

Tou, miro Devel, veh ap miri rig. Tou, miro ray, hal kova, kay man rikrella.

Debleskri gili 62:2

Pash o Debleste kokres hi miro djiyes kek daar, Yob vell ap miri rig.

Debleskri gili 73:28

Mange hi mishto, te rikrap man ap miro Debleste. Te vap pash toute, miro ray, baro Devel, kova hi miri barht, te rakrap halauterestar, hoy tou kral.

Debleskri gili 92:1

I gili, te givell ap o Debleskro dives.

2. Mose 14:13

O Mose penas ap i tsele menshende: “Ma darenn! Ačenn zoreles! Dikenn har o baro Devel t'men kava dives vin lell dran i vasta kol Egiptarendar! Kal Egiptaryen, kay t'mer kava dives dikenna, kolen dikenn t'mer bouder gar, vitar gar an ko tsiro, hoy vella.

2. Mose 14:14

O baro Devel kourell pes t'menge. T'mer hounte krenn či.”

Jesaja 30:15

Doleske penell o baro Devel, maro ray – yob, kay kokres o Israeleskro Devel hi: Te moukenn t'maro drom, venn pash mande, oun dikenn ap kova, hoy me t'menge krau, palle venn vin lino dran o kourepen. Te rikrenn t'men pale, oun rikrenn t'men ap mande, palle venn zorelo. Kova kamenn t'mer gar te krell.

Jesaja 30:7

Kova lauter hi čičeske. Hoy i Egiptarya nay krenn, hi či moldo. Doleske penau ap o them Egiptia: Tou hal i Rahab, kay ačell beshdo oun krell či.

Jesaja 7:4

Oun pen ap leste: “De yak! Ač pokones! Ab zorelo oun ma traash glan kol douyende, o Rezin, ko Syrari, oun o Peka, koleskro dad o Remalya hi. Ninna te hi le rhoyedo, hi le či vavar har tele rhačedo kasht, kay gomme yagakro dourho pre djal.

Jeremia 14:22

Kek devel, koles i menshe an vavar themma an-mangenna, nay bičrell brishin! Vitar gar dell o bolepen dran peste brishin! Na-a, maro baro Devel, tou hal kova, kay krell savo koova. Doleske dikah ap toute.

Ropaskre gilja 3:27

Mishto hi i mensheske, te hidjrell lo, hoy o Devel leske bičras, yaake rah har lo terno hi.

Habakuk 2:3

Ko tsiro hi kanna gar koy, te vell kova yaake, hoy sikrom touke. Kova vell čačo ap peskro tsiro. Tou nay djineh čačepah, kay kova yaake vella. An kal laba hi kek rhorhepen. Ninna te vell kova gar yaake sik, de yak, te vell kova. Hi čačo, hoy penau: Kova vella oun ačell gar krik.

Galatarja 4:18

Me penau t'menge: Nashenn kova palla, hoy lačo hi! Krenn kova hako tsiro, ninna te hom me gar pash t'mende!

Hebrearja 10:35

Doleske penau t'menge: Ma vitsrenn t'maro patsepen t'mendar! T'mer djinenn, havi barht lell kova, kay ap o Debleste rikrella.

Hebrearja 3:14

Te rikrah zoreles ap maro patsepen ap o Yezous Kristeste yaake rah, har djivah, palle ham čačepah leskre.

1. Petro 1:13

Doleske avenn gar khino an t'mare djia, oun denn garda, te ačenn ap o Debleskro drom! Dikenn ap ko baro lačepen, hoy o Devel dell t'men ap ko dives, kay vell o Yezous Kristo pale.