Ropaskre gilja 3:23 - O Debleskro Lab 2024 (Sinte-Manouche)

²³ Haki tsalla hi menge leskro kamlepen oun lačepen neves koy. Kova hi yaake čačo, har o kham pre djal!

O Debleskro Drom 2021 (Sinte)

²³ Haki tsalla hi menge leskro kamlepen un latchepen newes koi. Kowa hi jaake tchatcho, har o kham pre djal!

Ropaskre gilja 3:23 ပူးပေါင်းရင်းမြစ်များ

Debleskri gili 146:6

Yob hi o Devel, kay o bolepen oun i phoub kras, oun o baro pani, oun kova, hoy dren hi. Yob hi kova, kay hako tsiro peskro lab rikrell,

Debleskri gili 30:5

Bashrenn o baro Debleske, t'mer, kay han leskro! Sharenn les, oun bistrenn gar, te hi lo o Devel.

Debleskri gili 36:5

Te hi lo ap peskro čiben čiddo, djal o čilačepen an leskro shero trouyel. Oun yob rikrell zoreles ap i drom, hoy gar mishto hi, oun rikrell pes gar pale, te krell lo o čilačepen.

Debleskri gili 36:6

Baro Devel, tiro lačepen hi yaake baro har o bolepen. Oun tiro kamlepen ap tire menshende djal bis pash i volke.

Debleskri gili 89:33

palle dau len dava lengri doshake, oun douka lengro čilačepaske.

2. Mose 34:6

Yob djas glan o Moseste doureder oun das gole: “Me hom o baro Devel. O baro Devel hom me. Man hi i baro dji, pherdo kamlepen. Me vau gar sik rhoyedo. Miro lačepen hi baro oun me dau mire menshen gar pre.

Jesaja 33:2

Baro Devel, ab lačes menge! Ap toute dikah. De men zoor hako dives! An ko pharo tsiro le men vin dran i bibarht!

Zefanja 3:5

Kova lauter krenn le, ninna te djivell o baro Devel mank lende. Yob krell kek čilačepen. Oun leskro čačepen ačell zoreles tardo. Yaake har hako dives o kham pre djal, yaake sikrell lo hako dives, har te djivenn le an o čačepen. Kol čilače menshe krenn pale te pale djoungelo koova, oun ladjenn gar.

Tito 1:2

Yon hounte djinenn, te lenn le o djipen, hoy gar pre-herella. Kova penas o Devel glan i rah tsiro. Oun yob rhorhella gar.

Hebrearja 10:23

Mer nay patsah o Debles, te krell lo kova, hoy yob penas. Yob rikrell peskro lab. Doleske rikras zoreles maro patsepen ap leste!

Hebrearja 6:18

Ko lab, hoy das o Devel oun das peskro vast pre, nay vell an kek tsiro krik lino. O Devel rhorhella gar. Oun mer, kay vam pash leste, te lell lo men dran o čilačepen vin, men hi kanna leskro zorelo lab, te dell lo men o djipen, hoy gar pre-herella, yaake har yob penas.