Ropaskre gilja 3:17 - O Debleskro Lab 2024 (Sinte-Manouche)

¹⁷ Me bistrom, hoy i lačo djipen hi. Oun djinau bouder gar, hoy barht hi.

O Debleskro Drom 2021 (Sinte)

¹⁷ Me bistrom, hoi i latcho djipen hi. Un djinau buder gar, hoi bacht hi.

Ropaskre gilja 3:17 ပူးပေါင်းရင်းမြစ်များ

1. Mose 41:30

Oun pal kova venna efta bersha, kay bokenn le. Ko boud lačo rhapen, hoy len his, vella bistedo an o them Egiptia. Yaake baro vell koy bok an o them.

Hiob 7:7

Ma biste, miro Devel, te hi miro djipen har i dourho. Mire yaka dikenn bouder kek barht.

Debleskri gili 119:155

I čilače krenn gar, hoy tou lendar kameh. Doleske čiveh tou len gar an o čačepen.

Jesaja 38:17

Dik, kova his mange mishto, te vom nasselo: An tiro kamlepen tserdal tou miro djipen vin dran o merepen. I tseli doosh, hoy me ap mande anom, vitsral tou pal tiro doumo.

Jesaja 54:10

I berge nay djan ap i rig, oun i tikne berge nay perenn khetne, miro lačepen, kova djal gar toutar, oun kova, hoy vin kram, te ham mer mala, ačell tardo. Kova penau me, o baro Devel, kay peskro dji touke pre kras.

Jesaja 59:11

Har pandle divye firhe dah gole i doukatar, oun rovah har i taube. Mare djia nashenn pal ko dives, kay vell menge o Devel ap i rig, oun lell men vin dran i čilače vasta. Yob vell gar, oun či djala.

Jeremia 12:12

Pral ko nango pralstouno them venn kol kourepangre, kay denn lauter khetne. O baro Devel anas len kay, te kourenn le pen i menshentsa an o tselo them, yek rigyatar bis ap i vavar. Oun kek nay nashell peske lendar.

Jeremia 14:19

Dal tou kol menshen an Youda pre? Kameh tou o forestar Sion či bouder djinell? Hoske dal tou men yaake, kay nay krell men kek bouder sasto? Mer patsam, kay vell lauter mishto. Či vas mishto! Mer kamam, te vell i tsiro, kay kova, hoy an mende nasselo hi, sasto vals. Kova vas gar. I daar vas.

Jeremia 16:5

O baro Devel penas ap mande: Tou djas an kek kheer, kay rovenn le pral yekeste, kay meras. Tou rovess gar lentsa, vitar gar peness lenge lače laba; me hom bouder gar i maal kal menshendar, hom lenge bouder gar lačo, oun krau miro dji lenge pandlo. Kova penell o baro Devel.

Jeremia 8:15

Mer patsam, kay vell lauter mishto. Či vas mishto! Mer kamams, te vell i tsiro, kay kova, hoy an mende nasselo hi, sasto vals. Kova vas gar. I daar vas.

Ropaskre gilja 1:16

Doleske rovau, oun mire yaka hi pherde sva. Man hi kek, kay penell mange lače laba, te lell miro dji pale nevi zoor. Mire čave hi kokres koy tardo, Kolla, kay dan men khetne, van i zorleder.

Zakarie 8:10

Bis kanna his kek love koy, te playsrenn le morshen pengre firhentsa lengri boudjake. Oun kolla, kay djan vin oun dren an o foro, hounte daran pengro djipaske. Hakeno djas ap o vavareste pre.