Ropaskre gilja 2:20 - O Debleskro Lab 2024 (Sinte-Manouche)

²⁰ Baro Devel, mouk tire yaka ap mende te dikell! Dik, koneha yaake trouyel djal! Hounte rhan i djouvya pengre čave, kolen yon ap i moussya hidjrenn? Hounte venn i rashaya oun tire rakepangre an tiro kheer moulo dino?

O Debleskro Drom 2021 (Sinte)

²⁰ Baro Dewel, muk tire jaka ap mende te dikell! Dik, koneha jaake trujel djal! Hunte chan i djuwja pengre tchawe, kolen jon ap i mussja hidjrenn? Hunte wenn i rashaja un tire rakepangre an tiro kheer mulo dino?

Ropaskre gilja 2:20 ပူးပေါင်းရင်းမြစ်များ

2. Familjakro liil 36:17

Oun o baro Devel moukas o baro rayes Neboukadnezar dran o them Babilonia pral lende te vell. Leskre lourde maran i terne morshen o rhareha, ninna an o Debleskro kheer. O baro rayes dran Babilonia khaytas kek, gar i terne morsha, vitar gar i terne ča, gar i phoure, ninna te his le nasselo. Halauteren das o baro Devel an leskro vast.

Debleskri gili 78:64

I rashaya van maredo o rhareha, oun lengre romya nay rovan gar pral pengre moule romende.

2. Mose 32:11

O Mose mangas o baro Debles, kay leskro Devel his, oun penas: “Baro Devel, tiro zorelo vasteha anal tou tire menshen dran o them Egiptia vin, oun sikral tiri tseli zoor. Hoske kameh tou len kanna an tiri rholi temerl te dell?

Jesaja 22:2

O foro hi pherdi gole oun pherde barhtele menshe, kay divyes trouyel nashenn. Kek t'mare lourdendar, kay moules ap o drom čiddo hi, vas moulo dino o rhareha. Yon meran gar an o kourepen.

Jeremia 19:9

Kol lourde, kay kamenn len te marell, čivenn pen troul o foro oun pandenn les dren. Koy vell savo čilačo tsiro, kay kol menshe an ko foro yek i vavares pre rhan, ninna pengre čaven rhan yon pre.

Jeremia 21:7

Oun koy pal dau me o Sedekya, ko baro rayes pral Youda, an kol vasta o baro rayestar pral Babilonia, o Neboukadnezar, ninna leskre pralstunen oun kol menshen kate an kava foro, kolla, kay gar meran ap o nasslepen, an o kourepen oun i bokatar. Kova penau me, o baro Devel. Me dau t'men an i vasta kolendar, kay kamenn t'men te marell. O Neboukadnezar moukell t'men lauteren o rhareha moulo te dell, oun les khaytell kova gar, oun yob krell peskro dji t'menge pandlo.

Jeremia 5:31

O Debleskre rakepangre rakrenn rhorhepen, oun kol rashaya rodenn penge ko feteder vin, oun mire menshe kamenn kova yaake. Hoy kamenn t'mer te krell, te hi t'maro tsiro trouyel?

Ropaskre gilja 1:19

Me kharom mire pirnen, oun yon moukan man kokres. Mire rashaya oun i phoureder meran an o foro, har dikan le pal i kotar maro, te nay rikrenn le pen djido.

Ropaskre gilja 4:10

I bibarht, hoy vas ap mire menshende, vas yaake baro, te keran i djouvya pengre čaven, – kol djouvya, kolengro dji pherdo kamlepen his – te nay vas len čomone te rhal.

Ropaskre gilja 4:13

Kova vas pral o foro koy doshake, hoy o Debleskre rakepangre oun i rashaya ap pende anan. Yon moukan kote save menshen te marell, kay kek čilačepen kran.

Ropaskre gilja 4:16

O baro Devel kamell len bouder gar te dikell. Yob hi kova, kay tradas len kate te kote. Ap kol rashayende dikas bouder kek pre, oun i phourentsa djan le gar kamles trouyel.

Ezekiel 5:10

I tsiro vell, kay rhan dada pengre čaven mashkral an Yerusalem, oun čave rhan pengre daden. Yaake pharo vell miri phagi, hoy dau t'mende. Oun halauter, kay t'mendar pral ačenn, venn vin tradedo ap hake rigya.

Ezekiel 9:7

Oun o baro Devel penas ap lende: Anenn kolen, kay moulo dino van, ap i platse glan o Debleskro kheer! Krenn yaake o kheer pale-čiddo! Palle djan vin an o foro! Oun yon djan vin, oun dan i menshen an o foro moulo.

3. Mose 26:29

I bokatar rhan t'mer o mass t'mare čavendar oun čendar.

5. Mose 9:26

Oun me mangom o baro Debles oun penom: “Baro Devel miro ray, ma mare tire menshen, kol menshen, kay tou vin lal dran o them Egiptia tiri bari zoryah oun tiro zorelo vasteha, te venn le tire menshe!