Ropaskre gilja 2:19 - O Debleskro Lab 2024 (Sinte-Manouche)

¹⁹ Ste pre an i rati, oun de gole pale te pale ap o baro Debleste! Čore tiro dji vin glan o Debleste. Rike tire vasta glan leste pre oun mange lestar o djipen tire terne čavendar, kay i bokatar merenna ap hako dromeskri ekka.

O Debleskro Drom 2021 (Sinte)

¹⁹ Ste pre an i rati, un de gole pale te pale ap o baro Debleste! Tchore tiro dji win glan o Debleste. Rike tire wasta glan leste pre un mange lestar o djipen tire terne tchawendar, kai i bokatar merenna ap hako dromeskri ekka.

Ropaskre gilja 2:19 ပူးပေါင်းရင်းမြစ်များ

Hiob 3:24

Mire sva hi miro rhapen. oun koy gole, hoy dau, vell dran mande vin har pani.

Debleskri gili 119:55

Rati veh tou mange an o shero, baro Devel, te djap ap tiro drom.

Debleskri gili 134:2

Hadenn t'mare vasta pre an leskro Debleskro kheer, oun sharenn o baro Debles!

Debleskri gili 141:2

Mouk miro mangepen touke yaake shoukar te vell, har rhačroms me touke soungepaskro koova. Dik ap mire pre-hadede vasta yaake har ap i firho, hoy moukoms touke rati te rhačrell.

Debleskri gili 142:2

Ap o baro Debleste dau bari gole. Ap o baro Debleste rovau!

Debleskri gili 142:3

Leske penau lauter, hoy ap miro dji hi, oun moukau les te djinell, hoy mange phares hi.

Debleskri gili 28:2

Shoun ap miro ropen! Shoun, har ap toute gole dau! Dik ap mire vasta, hoy me pre-hidjrau pash tiro kheer, kay tou hal!

Debleskri gili 42:3

Ava, man hi troush pal o Debleste, pal ko djido Debleste. Kaana nay vau glan toute an tiro kheer, te dikap tout?

Debleskri gili 42:4

I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.

Debleskri gili 42:8

Tire panya perenn bari zoryah oun golyah tele. Yek baro pani pal o vavar djal pral mande vergel.

Debleskri gili 62:8

Miro Deblestar vell, te vap vin lino dran o čilačepen, oun te vap an-diklo. Lestar vell miri zoor, pash miro Debleste khatrau man.

Debleskri gili 63:4

Tiro lačepen hi mange boudeder moldo har o djipen. Doleske sharau tout.

Jesaja 26:9

Ratsyake djal miro dji touke palla, o dourho an mande rodell tout taysarlake. Te kreh tou o čačepen vin ap i phoub, palle dikenn lauter, kay ap i phoub djivenn, hoy čačepen hi.

Jesaja 51:20

Tire čave peran khetne, oun his čiddo ap hake dromma. Yon hi har i tserfo, hoy an i netsa djas. Yaake tapras len koy rholi o baro Deblestar, oun leskro čingepen.

Jeremia 14:18

Djau me vin ap o them, dikau me menshen, kay peran an o kourepen. Vau me an o foro, hi koy menshe čiddo, kay meran i bokatar. Ninna Debleskre rakepangre oun rashaya nashenn trouyel an o them, oun djinenn gar, hoy te krenn.

Jeremia 9:20

An mare khera vas o merepen, an i vorhya djas lo dren. I čave ap i dromma meran, oun i terne morsha hi moulo čiddo ap i platse.

Ezekiel 5:10

I tsiro vell, kay rhan dada pengre čaven mashkral an Yerusalem, oun čave rhan pengre daden. Yaake pharo vell miri phagi, hoy dau t'mende. Oun halauter, kay t'mendar pral ačenn, venn vin tradedo ap hake rigya.

Ezekiel 5:16

Te bičrau i bok mank t'mende, hi kova yaake har te doms čilače fayle karye mank t'mende, te marap t'men. An ko tsiro vell t'men bouder gar doha te rhal. Oun i bok vell baro oun bareder mank t'mende.

Micha 1:16

Tou, Youda, mouk touke i balla tele te činell, te ačenn touke kek balla ap o shero. Tire čave, kolen tou yaake kameh, venn pandlo oun toutar krik anlo.

Nahum 3:10

Ninna kava foro vas dren lino, oun leskre menshe pandles anlo an i vavar them. Lengre čave van moulo dino ap hako drom. Pral lengre pralstunende vitsran le kashta, koon kones lella. I tsele pralstunen pandan le sasterne shellentsa.

Mateo 14:25

Starenge taysarlake djas o Yezous ap o baro pani pash lende.

Markus 1:35

Oun taysarlake, glan o dives, stas lo pre, oun djas kote, kay lo kokres hi. Oun kote rakras lo o Debleha.

Markus 13:35

Yaake penau t'menge: Rikrenn t'mare yaka pre! T'mer djinenn gar o tsiro, kay o ray pral o kheer pale vella. Yob nay vell ap i rati, nay vell mashkral an i rati, nay vell ap ko tsiro, kay dell o bashno gole, nay vell taysarlake.

Louka 6:12

His i dives, kay djas o Yezous ap i berga, te rakrell lo o Debleha. Oun yob ačas i tseli rat oun rakras leha.

1. Timoteo 2:8

Yaake kamau me, te mangenn i morsha o Debles an, kote, kay i patsle khetne venna. Kal morsha hounte djivenn pengro djipen yaake, har o Devel kamella. Te hadenn le pengre vasta pre, te mangenn le o Debles an, palle hounte denn le yak, te vell kek rholi oun kek čingepen an lengre djia.

Čačepangre 7:19

Oun o Gideon oun kol sheel morsha, kay leha djan, van pash koy platsa mashkral an i rat. Oun o Gideon oun kol morsha troul leste phourdan an i phourdepangre, oun dan kol khore paash, hoy an lengre vasta hi.

1. Samuel 1:15

I Hanna penas: “Ma rikrenn man mateske, miro ray! Mool piyom me gar oun či vavar, hoy yekes mato krell. Me hom či vavar har i djouvel, kay lat i pharo dji hi. Oun kova čorom vin glan o baro Debleste.

1. Samuel 7:6

Oun yon van khetne an Mispa. Kote lan le pani, oun čoran les glan o baro Debleste vin. Oun ap ko dives rhan le či, te dikell o baro Devel ap lende. Oun yon penan: “Mer anam doosh ap mende glan o baro Debleste.” Oun kote an Mispa vas o Samuel lengro čačepaskro ray.