Ropaskre gilja 2:16 - O Debleskro Lab 2024 (Sinte-Manouche)

¹⁶ Halauter, kay ap toute čilačo hi, krenn pengro mouy dour pre pral toute, denn shol, oun sikrenn touke pengre danda. “Mer dam les khetne”, penenn le. “Ava, kava hi kava dives, kay mer kamam, te vell lo! Mer lam, hoy kamam.”

O Debleskro Drom 2021 (Sinte)

¹⁶ Halauter, kai ap tute tchilatcho hi, krenn pengro mui dur pre pral tute, denn shol, un sikrenn tuke pengre danda. “Mer dam les khetne”, penenn le. “Awa, kawa hi kau diwes, kai mer kamam, te well lo! Mer lam, hoi kamam.”

Ropaskre gilja 2:16 ပူးပေါင်းရင်းမြစ်များ

Debleskri gili 109:2

Čilače menshe rakrenn djoungeles pal mande, oun anenn rhorheno koova ap mande pre.

Debleskri gili 112:10

O čilačo dikell kova oun rhoyrell pes. I rholyatar dandrell lo i danda khetne. Yob merell, oun kova, hoy kamas lo te krell, hi čičeske.

Debleskri gili 124:3

palle rhans le men djides pre an pengri bari rholi ap mende.

Debleskri gili 22:13

Boud gourma hi troul mande, ava, divye zorele gourma pandan man dren.

Debleskri gili 35:16

Khetne kol čilačentsa praasan le man oun sikran mange pengre danda.

Debleskri gili 35:21

Pengre mouya krenn le dour pre oun denn gole ap mande: “Ha! Ha! Koleske dam les!”

Debleskri gili 35:25

Mouk len gar an pengre djia te penell: “Dik! Men hi, hoy kamam. Kanna rhah mer les djides!”

Debleskri gili 37:12

O čilačo kamell midjak koova te krell ap koleste, kay an o čačepen tardo hi, oun sikrell leske i danda.

Debleskri gili 41:8

Kolla, kay kamenn mange čilačepen, čivenn pengre shere khetne, oun rakrenn djoungeles pral mande.

Debleskri gili 56:2

Miro Devel, ab lačes ap mande, i menshe lenn man palla! Hako dives djan le ap mande pre, oun krenn mange o djipen phares.

Debleskri gili 57:3

Ap o Debleste, ko pralstuneste, dau me gole, ap koleste, kay miro koova mishto krella.

Jesaja 49:19

Čačepah, i gaba oun forya an tiro them van paash dino oun tele rhačedo. Oun bouder gar boud menshe djivenn koy. Ko tsiro vell, kay hi kava them gar bares doha kol boud menshenge, kay djivenn kote. Oun kolla, kay kaman tout pre te rhal, ačenn dour krik toutar.

Jeremia 26:6

palle krau kava khereha har ko khereha an Shilo. Oun me krau, te penenn i vavar menshe, te kamenn le yekes te praasell: Mou djal touke har o foreske Yerusalem!

Jeremia 29:18

O kourepen, i bok oun o nasslepen lenn len palla. Oun i menshe dran i tsele themma ap kay phoub denn i vasta khetne pral o shero, te dikenn le len. An hako them, kay tradau len, dikenn le ap lende har ap praasede menshende, kolendar darenn le. Oun yon denn shol pral lende oun praasenn len.

Jeremia 50:17

O Israel his har i nashedo bakro, hoy lan i leve palla. Ko ersto his o baro ray dran o them Assour, kova rhas les. Pal leste vas o baro ray pral o them Babilonia, o Neboukadnezar. Kova dandras ko mass tele, hoy ap leskre kokale ačas.

Jeremia 50:7

Halauter, kay len hatsan, rhan len pre. Oun kolla, kay his rhoyedo ap lende, penan: Mer krah či, hoy gar čačo hi! Yon anan doosh ap pende, har moukan le o baro Debles, kay das len lauter, hoy len hounte vell djipaske, oun ap koleste lengre phoure patsan.

Jeremia 51:34

O foro Yerusalem penell: O Neboukadnezar, ko baro ray dran o them Babilonia, rhas man pre oun maras man. Har i baro panyeskro sap rhas lo man, oun kras peskro per pesso miro bravlepah. Palle vitsras lo man krik har i khoro, kay či dren hi. “Mou vell pral o foro Babilon ko čilačepen, hoy vas menge ninna kerdo”, penenn i menshe ap i berga Sion. “I Babilonarya moukan maro rat te nashell. Kanna mou nashell lengro rat!”

Ropaskre gilja 1:21

I menshe shounan, har dau phares dourho, oun kek vell, te penell lo mange lače laba. Kolla, kay hi rhoyedo ap mande, shounan miri bibarhtyatar, oun sanan, te kral tou kova mantsa. Mouk ko dives te vell, kolestar rakral, te djal lenge har mange kanna.

Ropaskre gilja 3:46

Halauter, kay rhoyedo ap mende hi, praasenn men.

Ezekiel 23:32

Kava penell o baro Devel, maro ray: Tou hounte piyess ko emligo khoro vin har tiri pheen. Kava khoro hi baro oun bourhlo. Oun boud djal dren. Hakeneske vess sapaske.

Ezekiel 25:15

Kava penell o baro Devel, maro ray: An i tsele tsirya his i Filistarya ap čingepen oun kourepen mire menshentsa vin. Baro čilačepah djan le ap lende pre, oun kaman len te marell.

Ezekiel 25:3

Pen lenge: Shounenn, hoy o baro Devel, maro ray, t'menge penell! Kava penell o baro Devel, maro ray: T'mer san pral miro kheer, oun penenn: Haha, har pale-čiddo hi lo! Oun pral o them Israel san t'mer, oun penenn: I moulo them vas kova! Ninna pral o kheer Youda san t'mer, oun penenn: An o pandepen anlo van le.

Ezekiel 25:6

Kava penell o baro Devel, maro ray: T'mer hans čilačo ap o them Israel oun san, har dikan, har lenge djal, oun dan an i vasta oun stan i barhtyatar.

Ezekiel 36:3

Doleske pen ap i berge, hoy vella! Pen: Kava penell o baro Devel, maro ray: Hi čačo, yon kran, te van t'mer i moulo them. Haki rigyatar van le oun stakran o them khetne. Oun menshe dran i themma troul t'mende van oun lan t'maro them penge. Oun i menshe rakrenn djoungeles pral t'mende.

Ezekiel 5:15

Ava, yon san pral toute oun praasenn tout. Lenge vell traash, te dikenn le, har miri bari rholi pral toute vell, oun har djoungeles save menshenge djal, kay man moukan. An miri rholi anau tiri doosh ap toute pale. Me, o baro Devel, rakrom.

Hosea 8:8

O Israel hi nashedo; i menshenge dran i vavar themma troul lende, hi lo har i piri, hoy či moldo hi.

Micha 4:11

Kanna shoun Yerusalem, lourde dran boud themma krenn pen khetne, te djan le ap toute pre Yon penenn: Nashedo hi kava foro. Dikas, har lo tele djal!

Bičepangre 7:54

Har yon kova shounan, hoy o Stefano lenge penas, djas lenge kova an o dji, oun i bari rholi tapras len.