Ropaskre gilja 2:12 - O Debleskro Lab 2024 (Sinte-Manouche)

¹² Ap pengre dayende penenn le ropah: “Man hi bok! Man hi troush!” oun perenn khetne ap i dromma har doukede lourde, oun merenn an i moussya pengre dayendar.

O Debleskro Drom 2021 (Sinte)

¹² Ap pengre dajende penenn le ropah: “Man hi bok! Man hi trush!” un perenn khetne ap i dromma har dukede lurde, un merenn an i mussja pengre dajendar.

Ropaskre gilja 2:12 ပူးပေါင်းရင်းမြစ်များ

Hiob 30:16

O djipen an mande nashell krik har pani. Čilače divessa van pral mande.

Debleskri gili 42:4

I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.

Debleskri gili 62:8

Miro Deblestar vell, te vap vin lino dran o čilačepen, oun te vap an-diklo. Lestar vell miri zoor, pash miro Debleste khatrau man.

Jesaja 51:20

Tire čave peran khetne, oun his čiddo ap hake dromma. Yon hi har i tserfo, hoy an i netsa djas. Yaake tapras len koy rholi o baro Deblestar, oun leskro čingepen.

Jesaja 53:12

Doleske dau me les i platsa mank i bare oun zorele rayende. Doleske, te das yob peskro djipen an o merepen. Ninna te dikan i menshe ap leste, har te vals lo i čilačo, las yob i doosh kol boudendar ap peste, oun mangas o Debles i čilačenge.

Jeremia 5:17

Yon rhan tiro djob oun tiro maro, tire čaven, tire čen, tire bakren oun groumyen, tire drake, tire faygetikre rouka. T'mer patsenn, te djal t'menge či an t'mare zorele forya. Kolen lenn yon t'mendar o rhareha krik.

Ropaskre gilja 1:11

I menshe an Yerusalem rovenna oun rodenn pal maro. Lengro kouč koova denn le koy, te vell len rhapaske, te hounte merenn le gar. Yerusalem rovell: “Ah baro Devel, kre tire yaka pre, oun dik, har i menshe tele dikenn ap mande!”

Ropaskre gilja 4:4

I tikne čaven hi yaake troush, te vell lengri čip trouk an o mouy. I čave mangenna i kotar maro, oun kek hi koy, te dell lo lenge i kotar.

Ezekiel 30:24

Oun me krau i moussya o baro rayestar pral o them Babilonia zoreles. Oun dau les miro rharo an o vast. Oun o Farao peskre phagede moussyentsa dell gole i doukatar glan leste har i morsh, kay vas phares doukedo oun hounte merell.