Ropaskre gilja 1:7 - O Debleskro Lab 2024 (Sinte-Manouche)

⁷ An kava tsiro, kay i menshenge dran Yerusalem djoungeles djal, oun yon kate te kote tradedo hi, vell lenge ko boud lačo koova an o shero, hoy len an o phouro tsiro his. Har yon an i vasta kol čilačendar peran, vas lenge kek ap i rig. Kol vavar menshe dikan ap lende tele, oun san, har o foro tele djas.

O Debleskro Drom 2021 (Sinte)

⁷ An kau tsiro, kai i menshenge dran Jerusalem djungeles djal, un jon kate te kote tradedo hi, well lenge ko bud latcho koowa an o shero, hoi len an o phuro tsiro his. Har jon an i wasta kol tchilatchendar peran, was lenge kek ap i rig. Kol wawar menshe dikan ap lende tele, un san, har o foro tele djas.

Ropaskre gilja 1:7 ပူးပေါင်းရင်းမြစ်များ

Hiob 29:2

Ah, te voms pale har an ko tsiro, hoy pal mande hi, har an kol bersha, kay o Devel ap mande yak das,

Debleskri gili 42:4

I vavar penenn ap mande hako dives: “Kay hi tiro Devel?” Doleske rovau o tselo dives oun haki rati; mire sva van miro pipen.

Debleskri gili 77:3

An miri bari daar rodom me o baro Debles. Rati rikrom miro vast pre pash leste oun moukom gar tele. Miro dji rovas oun kamas gar tele te moukell.

Debleskri gili 79:4

Mer ham praasedo kolenge, kay troul mende djivenn, ham lenge sapaske, oun yon rikrenn men dineleske.

Jesaja 64:10

Maro raylo Debleskro kheer, kay sharan tout mare phoure, rhačras i yag pre, oun maro shoukar koova hi khetne stakedo čiddo.

Jesaja 64:11

Baro Devel, kameh tout pash kava lauter kanna gomme pale rikrell? Kameh tou či penell, oun mari ladj gomme doureder oun bareder te krell?

Jeremia 37:7

Kova penell o baro Devel, kay o Israeleskro Devel hi: Pen o baro rayeske dran o them Youda, kova kay bičras t'men pash mande, te poučenn man: Kol lourde o Faraestar, kay djan vin dran pengro them, te venn le ap t'mari rig, kolla djan pale khere an o them Egiptia.

Ropaskre gilja 4:17

Pale te pale dikan mare yaka pen trouyel pal yekeste, kay menge ap i rig vell. Oun kek vas. Ko them, ap koleste dikam, nay las men gar dran i bibarht vin.

Ezekiel 25:3

Pen lenge: Shounenn, hoy o baro Devel, maro ray, t'menge penell! Kava penell o baro Devel, maro ray: T'mer san pral miro kheer, oun penenn: Haha, har pale-čiddo hi lo! Oun pral o them Israel san t'mer, oun penenn: I moulo them vas kova! Ninna pral o kheer Youda san t'mer, oun penenn: An o pandepen anlo van le.

Ezekiel 25:6

Kava penell o baro Devel, maro ray: T'mer hans čilačo ap o them Israel oun san, har dikan, har lenge djal, oun dan an i vasta oun stan i barhtyatar.

Hosea 2:7

Lengri day nashas vavar morshenge palla, oun anas ladj ap peste. Yoy penas peske: “Me kamau mire pirnenge palla te nashell: Yon denn man, hoy man hounte vell djipaske: Maro oun pani, bakrengre balla oun layntikre thaba, djet oun mool.”

Micha 4:11

Kanna shoun Yerusalem, lourde dran boud themma krenn pen khetne, te djan le ap toute pre Yon penenn: Nashedo hi kava foro. Dikas, har lo tele djal!

Louka 15:17

Oun yob penas ap peste: Miro dades hi boud boudepangre. Kolen hi boud te rhal, oun me merau kate i bokatar.

Louka 16:25

Koy penas o Abraham: Čava, touke djas hako tsiro an tiro djipen mishto. O Lazares his kek shoukar djipen. Kanna hi yob barhtelo oun leske djal mishto. Oun tout hi kanna bare douka.