Ropaskre gilja 1:6 - O Debleskro Lab 2024 (Sinte-Manouche)

⁶ O foro Sion nashras peskro tselo shoukapen! Leskre pralstoune hi har tserfe. kay hatsenn kek zenlepen. Oun vi-bokedo hi len kek zoor, te nashenn le penge glan kolende, kay len palla lenn.

O Debleskro Drom 2021 (Sinte)

⁶ O foro Zion nashras peskro tselo shukapen! Leskre pralstune hi har tserfe, kai hatsenn kek senlepen. Un wi-bokedo hi len kek soor, te nashenn le penge glan kolende, kai len palla lenn.

Ropaskre gilja 1:6 ပူးပေါင်းရင်းမြစ်များ

2. Rajengro liil 19:21

Kava hi ko lab, hoy o baro Devel ap leste penell: Dik, har o foro Sion pral toute sal! An leskre yaka či-moldo hal. Har i terni čay o Yerusalem hi, oun kamell te djinell toutar či.

2. Rajengro liil 25:4

Kote phagan i Babilonarya an o foro dren. Oun an koy rati nashan i tsele kourepangre vin dran ko voudar mashkral kol douy massurya, hoy hi pash o rayeskro baar, ninna te his i Babilonarya troul o foro čiddo. Koy nashas o Sedekya peskre lourdentsa an o telstouno them, kay o pani Yordan nashell.

2. Rajengro liil 25:5

Oun i lourde dran o them Babilonia lan sik o baro rayeske Sedekya palla. Oun yon lan les dren oun tapran les an o telstouno them pash o foro Yericho. Oun kol tsele kourepangre, kay pash leste his, nashan penge lestar krik, oun moukan les.

Debleskri gili 50:2

Ap i berga Sion, an o shoukeder foro, sikras pes o Devel an peskro raylepen.

Debleskri gili 96:9

Mangenn o baro Debles an ap ko dives, kay vell lo an shoukar oun kouč ripya. I tseli phoub hounte trissell glan leste.

Jesaja 1:21

Har nay vas kova? Kava foro, hoy rikras pes ap mande peskro tselo djiyeha, vas har i loubni! O foro his pherdo čačepen, oun i menshe djivan pal o Debleskre čačepaskre laba. Oun kanna djivenn kate lauter marepangre, kay vavaren moulo denn!

Jesaja 12:6

Givenn oun denn gole i barhtyatar, t'mer, kay djivenn an o foro Sion. O Israeleskro Devel hi bares mashkral t'mende.

Jesaja 4:5

Pral i tseli berga Sion oun pral kay platsa, kay venn le khetne, bičrell o baro Devel palle yek folka ap o dives, oun i yagakro dourho an i rati. Yaake čakrell lo o foro peskro raylepah

Jeremia 13:18

Pen o baro rayeske oun leskri dake: Avenn tele t'mari beshepaskri! I rayli rayeskri stadi peras t'maro sherestar tele.

Jeremia 29:4

O baro Devel, ko ray pral o bolepen oun i phoub, kay o Israeleskro Devel hi, penell ap i pandlende, kolen moukas yob an Yerusalem pandles te lell oun an o them Babilonia te anell:

Jeremia 47:3

Yon shounenn, har i herya kol zorele grayendar kote pre stakrenna, oun koy bari gole, hoy i rade lengre kourepangre vourdyendar krenn. Koy lenn le yaake daar, te dikenn pen i dada gar trouyel pal pengre čavende.

Jeremia 48:41

Kal forya oun zorele khera venn dren lino. Ap ko dives hi i djia o čače morshendar an o them Moab yaake dareno, har o dji i djouvyatar, kay anell i ternepen ap kay phoub.

Jeremia 52:11

O Sedekyeske moukas lo i yaka vin čourye te dell, oun les sasterne shellentsa te pandell. Palle moukas les o baro ray pral Babilonia an o foro Babilon te anell. Kote vas lo stildo bis te meras lo.

Jeremia 52:13

Oun yob rhačras o baro Debleskro kheer tele, ninna ko kheer o baro rayestar oun kol vavar khera an o foro Yerusalem; ava, hako baro kheer rhačras lo tele.

Ezekiel 24:21

Kava penell o baro Devel, maro ray: Djinau, t'menge hi miro kheer o kamleder koova. Oun t'maro dji nashell pal leste. T'mer han pre-phourdo oun patsenn, kolenge, kay kote hi, nay djal kek čilačepen. Čačepah, me dau miro kheer kolenge an o vast, kay krenn les pale-čiddo. Oun t'mare morsh čave oun ča, kolen t'mer kote an Yerusalem pale moukan, kolla venn o rhareha moulo dino.

Ezekiel 24:25

Oun tou mensho, djiness, me krau ko zorelo kheer paash, kolestar yon patsenn, te vell i menshenge kote kek čilačepen, ko raylo kheer, pral koleste yon yaake barhtelo hi. Oun hoy yon boudeder kamenna har halauter, pal koleste lengre djia nashenn, lengre morsh čaven oun lengre čen, lau lendar krik.

5. Mose 28:25

O baro Devel krell, te venn kolla zorleder har t'mer, kay kourenn pen t'mentsa. Ap yek drom djan t'mer ap lende pre, oun ap hake rigya hounte nashenn t'menge lendar. Oun i menshenge an hake themma ap i phoub ačell o rakepen krik i trashatar, te dikenn le, har t'menge djala.

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.