Ropaskre gilja 1:5 - O Debleskro Lab 2024 (Sinte-Manouche)

⁵ Kolla, kay kamenn o foreske čilačepen te krell, len hi kanna penepaske pral leste, oun lenge djal mishto. O baro Devel anas koy bibarht pral o foro te dell lo les i phagi leskri boud doshake. Oun kolla, kay lan o foro dren, lan i čaven pandles, oun tradan len glan pende vin dran o them.

O Debleskro Drom 2021 (Sinte)

⁵ Kolla, kai kamenn o foreske tchilatchepen te krell, len hi kanna penepaske pral leste, un lenge djal mishto. O baro Dewel anas koi bibacht pral o foro te dell lo les i phagi leskri bud doshake. Un kolla, kai lan o foro dren, lan i tchawen pandles, un tradan len glan pende win dran o them.

Ropaskre gilja 1:5 ပူးပေါင်းရင်းမြစ်များ

2. Rajengro liil 21:15

Mire menshe kran, hoy glan mande djoungeles hi, oun rhoyran man ko tselo tsiro, har lengre phoure dran o them Egiptia vin djan bis ap kava dives.

Debleskri gili 80:6

I sva hi maro rhapen, dran i khoro pherde sva deh tou men te piyell.

Debleskri gili 89:42

Lauter, kay ap o drom djan oun les dikan, čoran les vin. Kolla, kay langs leste djivenn, san pal leste.

Jesaja 22:5

O baro Devel, o ray pral o bolepen oun i phoub, rodas i dives vin, kay an i dikepaskri tala boud menshe bares gole denn, kay lourde lauter khetne stakrenn, oun i menshe narvelo i daryatar venn. I massourya venn tele phagedo. Oun i gole djal pre ap i berga.

Jesaja 63:18

I tikno tsiro tradan menshe dran vavar themma men, tire menshen, dran maro them. Kolla, kay kouran pen mentsa, stakran tiro kheer khetne, kay tou khere hals.

Jeremia 10:20

Miro plarhteno kheer vas paash dino, oun mire shelle hi an kotya činlo. Mire čave djan mandar krik, oun hi gar bouder koy. Kek čivell miro kheer pale pre, kek čivell i plarhta koy pral.

Jeremia 12:7

Me moukom mire menshen, ko kheer Israel. Kolen, kay mange vin rodom, tradom mandar krik. Kol menshen, kay o djiyestar kamau, dom an i vasta kolendar, kay kamenn len te marell.

Jeremia 23:14

Ko djoungelo koova, hoy dikau pash mire rakepangre an Yerusalem, hi gomme bareder: I morsha rhorhenn pengre romyen, oun i djouvya pengre romen; yon rakrenn rhorhepen, oun krenn i čilačen zorelo. Yaake rikrenn le i menshen pale, te moukenn le pengro čilačo drom. Kal rakepangre hi yaake čilačo har i menshe an Sodom oun Gomorra his.

Jeremia 39:9

O pralstouno i lourdendar – leskro lab his Nebouzaradan – kova anas kolen, kay gomme an o foro his, ninna kolen, kay pash lende vergel nashan, pandles an o them Babilonia.

Jeremia 5:29

Moukap me len kova te krell oun penap či koy pre, penell o baro Devel. Dap me save menshen kek phagi?

Ropaskre gilja 1:16

Doleske rovau, oun mire yaka hi pherde sva. Man hi kek, kay penell mange lače laba, te lell miro dji pale nevi zoor. Mire čave hi kokres koy tardo, Kolla, kay dan men khetne, van i zorleder.

Ropaskre gilja 1:18

O baro Debles his čačo, har das lo man i phagi. Me shounom gar ap leskro lab. Shounenn, t'mer menshe an vavar themma, oun dikenn, har baro miri douk hi! Mire terne ča oun terne čave van pandles krik lino.

Ropaskre gilja 1:8

Yerusalem anas doosh ap peste, doleske hi kava foro har i rhačedi djouvel. Halauter, kay hadan lat an o bolepen, praasenn lat kanna. Yon dikenn, har nango yoy hi. Yoy rovella oun khatrell peskro mouy.

Ropaskre gilja 2:17

O baro Devel kras, hoy lo peske glan las. Oun kras kova, har lo menge glan i rah tsiro trad das. Les khaytal tou gar, har moukas lo tout khetne te dell, oun kolen, kay ap toute djan, i zorleder te vell. Har tou peral, nay san le.

Ropaskre gilja 3:46

Halauter, kay rhoyedo ap mende hi, praasenn men.

Ezekiel 9:10

Doleske dikau me kek kamlepah ap lende, oun yon khaytenn man gar. Lengro čilačepen anau ap lengre sherya pale.

Ezekiel 9:9

Oun yob penas ap mande: I doosh, hoy i menshe dran o kheer Israel oun dran o kheer Youda ap pende anan, hi yaake boud. Boud marepen hi an o them. Oun an o foro rikrenn i zorele i vavaren zoryah tele. Oun yon penenn: “O baro Devel djas peske dran kava them. Yob dikell men gar!”

5. Mose 31:29

Me djinau, pal miro merepen doukrenn t'mer o baro Debles, oun djan ko dromestar tele, hoy t'mende sikrom. T'mer krenn, hoy čilačo hi glan o baro Debleskre yaka, oun mangenn vavar deblen an, oun rhoyrenn les koleha. Doleske vell bari bibarht pral t'mende.”