Ropaskre gilja 1:2 - O Debleskro Lab 2024 (Sinte-Manouche)

² An i rati roveh, oun tire sva nashenn touke i čamya tele. Kek tire tsele pirnendar vell, oun penell touke i kamlo lab. Tire tsele mala moukan tout, oun van čilačes ap toute.

O Debleskro Drom 2021 (Sinte)

² An i rati roweh, un tire swa nashenn tuke i tchamja tele. Kek tire tsele pirnendar well, un penell tuke i kamlo lab. Tire tsele mala mukan tut, un wan tchilatches ap tute.

Ropaskre gilja 1:2 ပူးပေါင်းရင်းမြစ်များ

Hiob 6:15

Mire mala sikran pen, te hi le rhorhene. Har panya hi le, kay trouk venn.

Hiob 7:3

yaake van mange i tsele čonna, kay djivom čičeske, oun boud ratsya pherdo daar oun douk.

Debleskri gili 126:5

Koon ropah o djob an i phoub vitsrella, kova dell gole i barhtyatar ap ko dives, kay lell lo o djob dren.

Debleskri gili 31:11

I daar rhas miro djipen pre, oun mire bersha his pherdo ropen. Miri doosh lell miri zoor mandar, yaake te djap bango.

Debleskri gili 6:6

Te hom moulo, nay sharau me tout bouder gar. Pash i moulende parkrenn le pen gar pash toute.

Debleskri gili 69:21

Kay ladj phagell miro dji, oun krell man nasselo. Patsom, te khaytoms me yekes, te vals yek kay, kay mange mire sva tele khossals. Na-a, kote his kek, gar yek, kay kova krals.

Gosewe laba 19:7

I phrala i čorvelestar kamenn či lestar te djinell. Oun har boud boudeder rikrenn pen leskre mala lestar krik. Te kamell lo lentsa te rakrell, hi le bouder gar koy.

Jeremia 13:17

Te kamenn t'mer kova gar te shounell, hounte rovap čorrhanes pral t'mare pre-phourde djia. O Debleskre menshe venna pandles krik anlo. Oun mire sva herenn gar pre te nashell.

Jeremia 2:25

Israel, de garda ap tire herya, te nashess len gar doukenes, oun ap tiro mouy, te vell lo gar trouk! Tou peneh: Rike man gar pre! Me kamau kol menshen dran vavar themma, oun hounte nashap lenge palla.

Jeremia 3:1

O baro Devel penas: Te bičras i morsh peskri romyat krik, oun yoy djal pash i vavar morsheste, nay lell yob lat gar pale. Palle vals ko them pale-čiddo. Tou dal tout trouyel boudentsa, oun kameh pale pash mande te vell?

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Jeremia 4:30

Yerusalem, tou hal dino! Hoy kreh tou? Tou riveh kouč lole koola ap toute, čiveh sonakay ap toute, oun makeh tire yaka an. Tou kreh tout shoukar čičeske! Tire pirne kamenn tout gar bouder, oun kamenn tout moulo te dell.

Jeremia 9:1

Te vals man an o moulo tato them i kheer, kay nay ačau, moukoms me mire menshen, oun djoms mange. Yon lauter hi har romma, kay moukan pengre romyen beshdo. Yaake moukan kal phoukepangre o baro Debles.

Ropaskre gilja 1:19

Me kharom mire pirnen, oun yon moukan man kokres. Mire rashaya oun i phoureder meran an o foro, har dikan le pal i kotar maro, te nay rikrenn le pen djido.

Ropaskre gilja 1:21

I menshe shounan, har dau phares dourho, oun kek vell, te penell lo mange lače laba. Kolla, kay hi rhoyedo ap mande, shounan miri bibarhtyatar, oun sanan, te kral tou kova mantsa. Mouk ko dives te vell, kolestar rakral, te djal lenge har mange kanna.

Ropaskre gilja 1:9

Lakro ripen hi pherdo čik. Oun yoy patsas gar kay lake yaake djala. Dour tele peras li, oun kek hi lake koy, kay penell lake i kamlo lab. “Dik, baro Devel, har djoungeles mange djala, oun kolla, kay man khetne dan, krenn pen bares.”

Ropaskre gilja 2:11

Mire yaka hi pherde sva, i douk an mande rhačella. Miro dji phagell, te dikau koy bibarht, hoy pral i menshende an miro them vas. Kol terne čave oun ternepen merenn i bokatar ap i dromma an o foro.

Ezekiel 16:37

Doleske dik, me kharau lauteren khetne, kay touha trouyel kran, oun an kolengre yaka yaake shoukar hals, kolen tou kamal, oun kolen gar kamal. Oun dran i tsele themma, hoy troul toute čiddo hi, anau len khetne, te djan le ap toute pre. Palle rivau touke glan lengre yaka tire koola vin, te dikenn le tout, har tou nango hal.

Hosea 2:7

Lengri day nashas vavar morshenge palla, oun anas ladj ap peste. Yoy penas peske: “Me kamau mire pirnenge palla te nashell: Yon denn man, hoy man hounte vell djipaske: Maro oun pani, bakrengre balla oun layntikre thaba, djet oun mool.”

Micha 7:5

Pats kekeske, kek maleske, vitar kekeske, kay djivell pash toute! De garda hoy rakreh, ninna pash i romyate, kolat kameh.

Debleskro tsiro 17:13

Kolla rikrenn khetne, te denn le pengri zoor ko firhes, te vell koles boud penepaske.

Debleskro tsiro 17:16

Oun kol deesh shinga, hoy dikal, khetne o firheha venn le rhoyedo ap koy djouvel, oun lenn lake lauter krik, hoy lat hi, yaake te hi li nango. Oun yon rhan lakro mass oun rhačrenn lat pre.