Ropaskre gilja 1:19 - O Debleskro Lab 2024 (Sinte-Manouche)

¹⁹ Me kharom mire pirnen, oun yon moukan man kokres. Mire rashaya oun i phoureder meran an o foro, har dikan le pal i kotar maro, te nay rikrenn le pen djido.

O Debleskro Drom 2021 (Sinte)

¹⁹ Me kharom mire pirnen, un jon mukan man kokres. Mire rashaja un i phureder meran an o foro, har dikan le pal i kotar maro, te nai rikrenn le pen djido.

Ropaskre gilja 1:19 ပူးပေါင်းရင်းမြစ်များ

Jeremia 2:28

Kay hi t'mare debla, kay t'menge kran? Mou stenn yon pre, oun lenn t'men vin dran t'mari bibarht! T'mer menshe an o them Youda, t'men hi yaake boud debla har forya!

Jeremia 30:14

Tire tsele pirne bistran tout, poučenn bouder gar pal toute. Me dom tout dava, har yekes, koles kamom te marell. Krom miro dji touke pandlo, har dom tout dava tiri bari doshake oun ko boud čilačo koova, hoy kral.

Jeremia 4:30

Yerusalem, tou hal dino! Hoy kreh tou? Tou riveh kouč lole koola ap toute, čiveh sonakay ap toute, oun makeh tire yaka an. Tou kreh tout shoukar čičeske! Tire pirne kamenn tout gar bouder, oun kamenn tout moulo te dell.

Ropaskre gilja 1:1

Yerusalem, har mouklo hal koy čiddo, tou, kay hals pherde menshe! An-diklo hals pash i tsele themma. Kanna hal kokres har i romni, kolakro rom meras. I rayetsa hals pral vavar themma. Kanna hounte boudress i vavarenge.

Ropaskre gilja 1:11

I menshe an Yerusalem rovenna oun rodenn pal maro. Lengro kouč koova denn le koy, te vell len rhapaske, te hounte merenn le gar. Yerusalem rovell: “Ah baro Devel, kre tire yaka pre, oun dik, har i menshe tele dikenn ap mande!”

Ropaskre gilja 1:2

An i rati roveh, oun tire sva nashenn touke i čamya tele. Kek tire tsele pirnendar vell, oun penell touke i kamlo lab. Tire tsele mala moukan tout, oun van čilačes ap toute.

Ropaskre gilja 2:20

Baro Devel, mouk tire yaka ap mende te dikell! Dik, koneha yaake trouyel djal! Hounte rhan i djouvya pengre čave, kolen yon ap i moussya hidjrenn? Hounte venn i rashaya oun tire rakepangre an tiro kheer moulo dino?

Ropaskre gilja 4:17

Pale te pale dikan mare yaka pen trouyel pal yekeste, kay menge ap i rig vell. Oun kek vas. Ko them, ap koleste dikam, nay las men gar dran i bibarht vin.

Ropaskre gilja 5:12

I pralstoune morsha van lendar i doryentsa pre pandlo, oun ap i phourende dikan le gar pre.