Ropaskre gilja 1:10 - O Debleskro Lab 2024 (Sinte-Manouche)

¹⁰ Oun yon čivan pengre vasta ap lakro tselo kouč koova. Yoy hounte dikas peske yakentsa, har i vavar menshe an lakro Debleskro kheer dren djan. Oun tou, baro Devel, penal, te hounte djan yon gar kote dren.

O Debleskro Drom 2021 (Sinte)

¹⁰ Un jon tchiwan pengre wasta ap lakro tselo kutch koowa. Joi hunte dikas peske jakentsa, har i wawar menshe an lakro Debleskro kheer dren djan. Un tu, baro Dewel, penal, te hunte djan jon gar kote dren.

Ropaskre gilja 1:10 ပူးပေါင်းရင်းမြစ်များ

2. Familjakro liil 36:18

Oun o tselo koova dran o Debleskro kheer, bare oun tikne koola, ninna ko kouč koova dran o baro Debleskro kheer oun o bravlepen o baro rayestar oun kol pralstunendar an o them, halauter moukas o Neboukadnezar an o foro Babilon te anell.

Nehemia 13:1

Ap ko dives draveran le dran o Moseskro liil glan i tsele menshende. Oun yon hatsan, te hi an ko liil činlo: Kek i menshendar Ammon, vitar kek i menshendar Moab nay djivenn o Debleskre menshentsa khetne, oun kova kek tsireske.

Jesaja 63:18

I tikno tsiro tradan menshe dran vavar themma men, tire menshen, dran maro them. Kolla, kay kouran pen mentsa, stakran tiro kheer khetne, kay tou khere hals.

Jeremia 15:13

[O baro Devel penas:] Youda, me kamau te vell tiro tselo bravlepen touke čoredo, yaake playsreh tou ko čilačepaske, hoy kral an tiro tselo them.

Jeremia 20:5

Ko tselo bravlepen an kava foro dau me kolen, kay len vin randenn. I tsele love, hoy i menshe an Yerusalem dran pengri boudi khetne anan oun lengro kouč koova oun o tsele bravlepen kol rayendar pral o them Youda lenn le pentsa oun anenn les an o them Babilonia.

Jeremia 27:19

Kova hi, hoy penell o baro Devel, ko ray pral o bolepen oun i phoub, pral ko koova, hoy pral ačas an o foro Yerusalem: kol bare turme oun ko baro thopaskro čaro, oun kol panyeskre vourdya, oun ko vavar kouč koova an o Debleskro kheer,

Jeremia 27:21

Kova hi, hoy penas o baro Devel, ko ray pral o bolepen oun i phoub, kay ninna o Israeleskro Devel hi, pral ko kouč koova, hoy pral ačas an leskro kheer, oun an o kheer o baro rayestar pral Youda, oun an o foro Yerusalem:

Jeremia 50:28

I bari gole vell shounlo kolendar, kay hounte nashenn penge sik, kolendar, kay van vin dran o them Babilonia. An Yerusalem ap i berga Sion penenn le, hoy maro baro Devel ap i Babilonarya kras, te dell lo lenge pale, hoy yon leskro khereha kran.

Jeremia 51:51

T'mer penenn: I ladj vas pral mende. Menshe dran vavar themma praasan men oun san pral mende. Vi-themarya peran an o kheer o baro Deblestar dren.

Jeremia 52:13

Oun yob rhačras o baro Debleskro kheer tele, ninna ko kheer o baro rayestar oun kol vavar khera an o foro Yerusalem; ava, hako baro kheer rhačras lo tele.

Ropaskre gilja 1:7

An kava tsiro, kay i menshenge dran Yerusalem djoungeles djal, oun yon kate te kote tradedo hi, vell lenge ko boud lačo koova an o shero, hoy len an o phouro tsiro his. Har yon an i vasta kol čilačendar peran, vas lenge kek ap i rig. Kol vavar menshe dikan ap lende tele, oun san, har o foro tele djas.

Ezekiel 44:7

T'mer moukan vavar menshen an miro kheer dren, saven kolengro dji gar mange hi, oun kay hi gar činlo ap pengro mass. Yaake kran, te vas miro kheer pale-čiddo. Yon his koy pashel, har anan t'mer rhapen oun thulepen oun rat glan mande. Yaake phagan t'mer, hoy mer vin kram. Koy pashel vell kava tselo djoungelo kova, hoy kran.

Ezekiel 7:22

Oun me rissrau miro shero krik mire menshendar. Oun vavar menshe krenna, te vell kova pale-čiddo, hoy mange yaake kouč hi. Ava, randepangre phagenn dren oun krenn, te nay djivau me bouder gar koy.

Ezekiel 9:7

Oun o baro Devel penas ap lende: Anenn kolen, kay moulo dino van, ap i platse glan o Debleskro kheer! Krenn yaake o kheer pale-čiddo! Palle djan vin an o foro! Oun yon djan vin, oun dan i menshen an o foro moulo.

Markus 13:14

An o Debleskro lab hi činlo pral koy djoungeli čilači figura. Koon kava draverella, kamaus, te hayvell lo les ninna. Ap ko dives, kay dikenn t'mer koy djoungeli čilači figura kote tardo, kay hounte vell li gar tardo, palle hounte nashenn kolla, kay hi an o them Youdea, sik ap i berge!

5. Mose 23:3

Kek morsh, koleskri day gar romedini hi, nay vell kote t'mentsa khetne, kay o baro Debleskre menshe khetne venna. Ninna leskre čave nay venn gar kote, yaake rah har deesh familye yek pal i vavar djivenna.

5. Mose 23:4

Kek Ammonari oun kek Moabari vell kote t'mentsa khetne, kay o baro Debleskre menshe khetne venn, yaake rah har deesh familye yek pal i vavar djivenna. An kek tsiro nay venn le kote.