Remarja 9:4 - O Debleskro Lab 2024 (Sinte-Manouche)

⁴ Yon hi Israelitarya. Kolen rodas o Devel vin, te venn le leskre čave. Lende sikras lo peskro raylepen. Lentsa kras lo vin, te vell lo lengro Devel oun yon peskre menshe. Lende das lo peskre laba, hoy penenna, har te djivenn le, ninna kol laba, hoy sikrenna, har te boudrenn le leske an peskro kheer. Lentsa rakras lo pral o djipen oun o bravlepen, hoy kamell lo len te dell an ko tsiro, hoy vella.

O Debleskro Drom 2021 (Sinte)

⁴ Jon hi Israelitarja. Kolen rodas o Dewel win, te wenn le leskre tchawe. Lende sikras lo peskro railepen. Lentsa kras lo win, te well lo lengro Dewel un jon peskre menshe. Lende das lo peskre laba, hoi penenna, har te djiwenn le, ninna kol laba, hoi sikrenna, har te budrenn le leske an peskro kheer. Lentsa rakras lo pral o djipen un o brawlepen, hoi kamell lo len te dell an ko tsiro, hoi wella.

Remarja 9:4 ပူးပေါင်းရင်းမြစ်များ

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 17:10

Kava hounte krenn t'mer, tou oun tire čave, kay pal toute venna: Činenn hake morshen pash t'mende ap lengro mass.

1. Mose 17:2

Me kamau touha vin te krell, te vap tiro Devel, oun tou oun tire menshe venn mire menshe. Oun me dau tout boud boud čave, kay pal toute venna.”

1. Mose 17:7

Kova, hoy me touha vin krau, ačell hako tsiro mange oun touke, tire čavenge, kolengre čavenge oun lauterenge, kay pal toute venna. Me hom tiro Devel oun ko Devel tire čavendar, kay pal toute venna.

1. Mose 32:28

Koy poučas lestar ko morsh: “Har khareh tou?” “Yakob”, penas yob.

1. Rajengro liil 8:11

An koy folka his o baro Debleskro raylepen. O tselo kheer his pherdo raylepen o baro Deblestar. Doleske nay ačan i rashaya gar koy, te krenn le pengri boudi.

Nehemia 13:29

Miro Devel, ma biste, kay anan yon ladj ap o rashayeskri boudi, oun rikran pen gar ap ko lab, hoy tou i rashayentsa oun i Levitarentsa vin kral.

Debleskri gili 147:19

O Yakobeskre menshen moukell lo peskro lab te shounell; oun ap i Israelitarya penell lo, hoy lo lendar kamell, oun dell len peskre čačepaskre laba.

Debleskri gili 63:2

Devel, tou hal miro Devel. Tout rodau me o djiyestar. Miro dji djal pal toute. Man hi troush pal toute har i trouk tato them troushell pal o pani.

Debleskri gili 73:1

I gili, hoy o Asaf kras. O Devel hi lačo ap o Israel, ap lauterende, kolen i djoudjo dji hi.

Debleskri gili 78:61

Oun ko sonakaskro morhton, hoy sikras peskri zoor oun peskro raylepen, moukas lo an i vasta kolendar te perell, kay kouran pen peskre menshentsa.

Debleskri gili 89:3

Kova hi hoy me penau: Hako tsireske ačell leskro lačepen, yaake rah har dell o bolepen, rikrell yob peskro lab.

Debleskri gili 89:34

Miro lačepen lau lendar gar krik, oun miro lab, hoy len dom, phagau me gar.

Debleskri gili 90:16

Mer tire boudepangre kamah te dikas o baro koova, hoy tou kreh. Mouk mare čaven tiro raylepen te dikell!

2. Mose 12:25

Ninna an ko tsiro, kay venn t'mer an ko them, hoy o baro Devel t'menge peskro lab das, te anell yob t'men koy dren, krenn pal kal laba!

2. Mose 34:27

O baro Devel penas o Moseske: “Čin kal laba an i liil, te rikrenn t'men ap lende. Palle han mire menshe, oun me rikrau miro lab, hoy dom miro vast pre oun krau touke oun i Israelenge, hoy me penom.”

2. Mose 4:22

Oun rake ap leste: Yaake rakrella o baro Devel: O Israel hi miro phoureder čavo.

2. Mose 40:34

Koy vas i folka ap o Debleskro plarhteno kheer. Oun o kheer vas pherdo raylepen o baro Deblestar.

Jesaja 41:8

Tou, Israel, hal miro boudepaskro, tou hal o Yakob, koles mange vin rodom, tou veh o Abrahamestar, kay miro maal hi.

Jesaja 46:3

T'mer dran o kheer Yakob, t'mer, kay pral ačan dran o kheer Israel, shounenn ap mande, t'mer, kolen rikrom yaake rah har ap i phoub han. Ava, yaake rah har boldo van, hidjrom t'men.

Jesaja 5:2

Oun yob rissras koy phoub, oun las i tsele barra krik, oun čivas vi-rodede, lače drakengre rouka an koy phoub. Oun yob čivas i turmo pre tardo mashkral dren. Oun hadas i grouba vin, kay venn i drake vin stakedo, te vell o mool vin. Oun palle dikas lo ap ko tsiro, kay venn i drake bares, – lače drake, patsas lo. Har ko tsiro vas, van divye shoutle drake baro.

Jesaja 60:19

Tout hounte vell bouder gar o kham ap o dives, vitar gar o čon an i rat, te vell tout i momeli. Na-a, o baro Devel vell touke i momeli hako tsireske. O raylepen tiro Deblestar vell tiri momeli.

Jeremia 31:20

Efrayim, tou hal miro kouč čavo, miro čavo, koles kamau boud! Hako kopo, kay hounte dap les trad, vell lo mange gar dran o shero. Miro dji dell zoreles an mande: me hounte vap leske lačes, penell o baro Devel.

Jeremia 31:33

Ko nevo koova, hoy palle i menshentsa Israel vin krau, hi vavarčandes. Me dau len mire laba an lengre djia oun an lengre sherya. Me vau lengro Devel, oun yon venn mire menshe. Kava penell o baro Devel.

Jeremia 31:9

Yon venna ropah. Oun me rakrau lenge lačes, oun anau len pash panya oun ap lače dromma, te perell kek; me hom o Israeleskro dad, oun o Efrayim hi miro phoureder čavo.

Ezekiel 1:28

har i brishineskro bogo, hoy vell diklo ap o bolepen pal i brishin. Yaake sikras pes o baro Devel an peskro raylepen mange. Oun har les dikom, moukom man glan leste ap i phoub te perell. Oun me shounom yekes, kay rakras.

Hosea 11:1

Har o Israel terno his, kamom les o djiyestar, oun dran o them Egiptia kharom les, miro čaves.

4. Mose 7:89

Oun har o Mose an o Debleskro kheer djas, te rakrell yob leha, koy shounas yob leskro rakepen, hoy vas kotar, kay o sonakaskro morhton hi, an leste o Debleskre deesh laba hi. Ko rakepen vas mashkral kol douy bolepangre vin, kay ap o pralstouno kotar hi, hoy ap ko morhton hi, oun hoy sikrella, kay o Devel peskre menshenge lačo hi. Oun yob rakras leha.

Mateo 21:33

Oun o Yezous penas lenge laba, kay i khatedo čačepen dren hi: “Shounenn, hoy me t'menge kanna penau. His i ray. Koles his i kotar them. Kote čivas lo drakengre rouka an i phoub. Troul ko kotar them čivas lo barra. Oun kote kras lo ninna i platsa an i phoub, kay nay stakrenn le ap i drake, te vell i mool vin. Mashkral kol rouka kras lo i kheer, kay kova beshdo hi, kay dell garda ap i drake. Palle patsas o ray ko kotar them ap i harhende, te boudrenn le kote leske. Oun yob djas peske an i vavar them.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Johanni 1:47

Har o Yezous dikas, kay o Natanael vas, penas yob: “Dikenn, koy vell i čačo Israelitari. Oun kek rhorhepen hi an leste.”

Bičepangre 2:39

O Devel penas, te dell lo peskro Dourho t'mende, oun t'mare čavende, ninna kolende lauterende, kay kanna dour lestar hi, oun kay yob pash peste gole della.”

Remarja 3:2

Ava, kova hi lenge boud moldo. Yon lan o Debleskre laba an lengre vasta.

Remarja 8:15

O Devel das t'men gar peskro Dourho, te darenn lestar, har i boudepangre darenna pengro rayestar. Na-a, t'mer han o Debleskre čave. Oun o Debleskro Dourho krell, te penah mer: “Tata” ap o Debleste.

Remarja 9:6

Kanna penau kate gar, te hi o Debleskro lab bouder či moldo, hoy yob ap i Israelitarya penas. Na-a! Hoy kamau te penell, hi kova: I tsele Israelitarya hi gar lauter o Debleskre menshe.

2. Korintarja 11:22

Yon hi Hebrearya. Me hom ninna yek. Yon hi bibolde. Me hom ninna yek. Yon venna pal o Abraham. Me ninna.

Galatarja 3:16

Yaake hi kova o labeha, hoy o Devel o Abrahameste das. O Devel penas ap o Abrahameste, te dell lo peskri barht oun zoor ap leste oun ap leskro čaveste, kay vella pal leste. Kate rakrell o Devel yek čavestar. Yob rakrell gar kol boud čavendar, kay venna pal o Abraham. Ko yek čavo hi o Yezous Kristo.

Efesarja 2:12

Ap ko tsiro prindjran t'mer o Yezous Kristes gar oun hans gar o Debleskre menshendar. Ko lačo koova, hoy o Devel peskre menshenge penas, te dell lo len, his gar t'menge. T'mer prindjran o Debles gar, oun djivan har an i kali rat oun dikan kek momeli glan t'mende.

5. Mose 14:1

T'mer han i čave t'maro baro Deblestar. An ko tsiro, kay rovenn i mouleske, ma činenn t'maro mass leske! Oun ma činenn i balla pral t'mare yaka!

5. Mose 29:1

Oun o Mose moukas i tsele Israelitaryen gole te dell, oun penas ap lende: T'mer dikan halauter, hoy o baro Devel glan t'mare yaka kras an o them Egiptia, ap o Faraeste oun ap leskre bare morshende, oun ap o tselo them:

5. Mose 31:16

O baro Devel penas ap o Mose: “Sik vell o dives, kay mereh. Oun pal tiro merepen moukenn i Israelitarya miro drom, oun nashenn kol deblenge palla ko themestar, an koleste venna. Oun yon djan penge mandar, oun krenn bouder gar, hoy lentsa vin krom.

5. Mose 4:13

Oun yob kras t'mentsa vin, te hi lo t'maro Devel, oun t'mer han leskre menshe. Oun yob das t'men kol deesh laba, hoy činas lo an douy barra, oun penas t'menge, te hounte rikrenn t'men ap kova, hoy t'mer leha vin kran oun hounte djivenn pal kol deesh laba.

5. Mose 7:6

T'mer han menshe, kay hi o baro Debleske kokres koy. T'men rodas lo vin dran i menshen an i tsele themma, kay ap i phoub hi, te venn t'mer leskre menshe.

Hebrearja 9:1

An ko phouro tsiro, har o Mose i menshenge penas, har djan le ap o Debleskro drom, koy penas lo lenge ninna, har te boudrenn le o Debleske an leskro kheer, oun ninna, har te krenn le leske i kheer ap i phoub, kay mangenn le les an.

Hebrearja 9:10

Ninna rikrenn pen i menshe ap laba, kay penenna, hoy te rhan le gar, oun hoy te piyenn le gar, oun har te thovenn le pen. Kol laba hi menshengre laba. Kova lauter his mishto yaake rah, har sikras len o Devel gomme gar o feteder drom, te nay venn yon pash leste.

Hebrearja 9:5

Pral pre ap o sonakaskro morhton his douy rayle bolepangre dran sonakay tardo. Kolen his moussya har bare čirklen hi. Pengre moussya rikran le pral o sonakaskro morhton. Kote vell i menshengri doosh krik lino. Kanna kamah gar te rakras pral hako tikno koova an o Debleskro tikno kheer.

Hebrearja 9:6

Kanna sikrau t'mende, hoy an o Debleskro tikno kheer kerdo vas. Hako dives djan i rashaya an i glanstouni isema, te krenn le pengri boudi o Debleske.