Remarja 9:33 - O Debleskro Lab 2024 (Sinte-Manouche)

³³ An o Debleskro lab hi činlo: Dikenn, me čivau i baro bar an o foro Sion. Pral koleste perenn le, oun ap koleste rhoyrenn le pen. Oun kova, kay ap leste patsella, kova hounte ladjell pes gar glan mande.

O Debleskro Drom 2021 (Sinte)

³³ An o Debleskro lab hi tchinlo: Dikenn, me tchiwau i baro bar an o foro Zion. Pral koleste perenn le, un ap koleste choirenn le pen. Un kowa, kai ap leste patsella, kowa hunte ladjell pes gar glan mande.

Remarja 9:33 ပူးပေါင်းရင်းမြစ်များ

Debleskri gili 118:22

Ko bar, hoy i boudepangre ap i rig vitsran, kova vas ko zorelo bar, ap koleste o kheer tardo hi.

Debleskri gili 119:116

Rike man ap o djipen yaake har dal man tiro lab. Ma mouk man čičeske ap toute te dikell.

Debleskri gili 25:20

Rike tiro vast pral miro djipen, oun le man dran lengre vasta vin! Mouk man gar čičeske pash toute te vell oun ap toute te dikell!

Jesaja 28:16

Doleske penell o baro Devel, maro ray: Ap i berga Sion čivau i zorelo bar, ap koleste miro kheer tardo vell. Zorelo oun kouč hi ko bar oun rikrell lauter vin. Ap leste hi tardo: Koon ap mande patsell, nashell peske gar.

Jesaja 45:17

O Israel vell vin lino o baro Deblestar dran o čilačepen hako tsireske. Kek ladj oun kek praasepen vell ap leste – an kek tsiro.

Jesaja 54:4

Ma dare! Tou veh gar vi-ladjedo koy tardo! Moukau kekes, te sal lo pral toute. Doleske ma ladj tout! Tou bistreh koy ladj, hoy ap toute his, har terno hals. Oun ko tsiro, har tiro rom meras, vell touke bouder gar an o shero.

Mateo 21:42

Penas o Yezous ap lende: “Djinenn t'mer gar, hoy an o Debleskro lab činlo hi? Kote hi činlo: His i bar, kay i boudepangre lestar penan: Kova hi či moldo. Ko bar las o Devel oun čivas les yaake an o kheer, te rikrell lo ko tselo kheer khetne. O Devel kras kova, oun kova hi i baro koova menge.

Mateo 21:44

Koon ap kava bar perella, kova merella. Ap koneste kava bar perella, koles dell ko bar khetne.”

Remarja 10:1

Mire phrala, miro tselo djiyeha kamoms, te venn i bibolde dran o Debleskri rholi vin. Oun kova mangau o Deblestar zoreles.

Remarja 10:11

An o Debleskro lab hi činlo: Kova, kay ap leste patsella, kova hounte ladjell pes gar glan mande.

Remarja 5:5

Oun kava patsepen moukell yekes gar nashedo te djal. O Devel kamell men o tselo djiyeha. Kova sikras men o Debleskro Dourho, hoy o Devel an mende das.

Galatarja 5:11

Mire phrala, me te penoms i menshenge, te moukenn pen yon ap o mass te činell, lans i bibolde man gar palla. Palle rhoyrans le pen gar pral kova, kay rakrau pral o Yezouseskro merepen ap o troushel, oun penau lenge, kay yob kokres men pash o Debleste anella.

Filiparja 1:20

Me patsau te rikrell man o Devel an o vast, oun kamau o tselo djiyestar te krap či, kay hounte ladjap man glan leste. Kamau gar, te trashap i menshendar. Yaake har rakrom hako tsiro o Yezous Kristestar, oun trashom lendar gar, yaake kamau les ninna kanna an o stilepen te krell, ninna te hounte merap, te dikenn i menshe ap miro djipen oun ap miro merepen, har baro oun raylo o Yezous Kristo hi.

2. Timoteo 1:12

Doleske hounte lap kava lauter ap mande kate an o stilepen, oun me ladjau gar. Me djinau, ap koneste patsaua. Oun me djinau, kay o Yezous Kristo rikrell peskre vasta pral kova, hoy yob an miro vast das, bis te yob pale vella.

1. Johanni 2:28

Oun kanna, mire čave, ačenn pash leste, te vell men kek traash, te vell yob pale. Yaake hounte ladjas men gar glan leste.