Remarja 9:20 - O Debleskro Lab 2024 (Sinte-Manouche)

²⁰ Palle penau touke: Tou hal i mensho. Tou nay peneh gar ap o Debleste: Hoy kreh tou kote? Yob kras tout. Tou nay peneh gar ap leste: Hoske kral man tou yaake?

O Debleskro Drom 2021 (Sinte)

²⁰ Palle penau tuke: Tu hal i mensho. Tu nai peneh gar ap o Debleste: Hoi kreh tu kote? Job kras tut. Tu nai peneh gar ap leste: Hoske kral man tu jaake?

Remarja 9:20 ပူးပေါင်းရင်းမြစ်များ

2. Samuel 16:10

“Abishay”, penas o baro ray, “kova hi gar t'maro koova, t'mer čave foun i Serouya. Te penas o baro Devel leske, te praasell lo man, koon nay penell kanna: Hoske kreh tou kova?”

Hiob 16:3

Nay herenn t'mer kanna pre kava dinelo rakepah! Elifas, hoy anell tout yaake pre te hounte rakress palpale?

Hiob 33:13

Hoske hal tou rhoyedo leha, te rakras lo či pale ap kova, hoy penal?

Hiob 36:23

Kek nay penell leske, hoy te krell lo! Kek nay penell leske: Hoy kral, hi gar mishto.

Hiob 40:2

Tou kameh tout mantsa te čingrell – mantsa, kay o zorelo Devel hom? Tou, kay doosh ap mande hatsal, oun mange penal, hoy gar mishto krom, pen kanna čomone kay pre!

Hiob 40:5

Yek kopo rakrom, oun me kamau či bouder te penell. Oun douy kope rakrom, oun me kamau les gar bouder te krell.

Hiob 40:8

Kameh tou čačepah te penell, me djau gar pal o čačepen? Peneh, te anom me doosh ap mande, te nay vess tou koy tardo, har te vals tout čačes?

Hiob 9:32

O Devel hi kek mensho har me hom, te nay penoms leske i lab pale, te nay djams khetne pash yekeste, koon nay krals o čačepen mashkral mende vin.

Jesaja 10:15

O baro Devel penell: “Nay sharell pes i tover pral koleste kay leha dell? Na-a! Vitar gar hadell pes i činepaskri, hoy kasht činell, pral koleste, kay leha činell. Kova vals yaake, har te dals o kasht koles, kay les pre hadas, oun yaake har te hadals ko kotar kasht o morshes.”

Jesaja 29:16

T'mer rissrenn lauter trouyel! Hi o čik, dran koleste i pirya oun khore rhačedo venn, kanna boudeder har ko morsh, kay len krell? Nay rakrenn i pirya lestar: Yob kras men gar. Nay penals o khoro lestar: Kova hayvell či.

Jesaja 64:8

Baro Devel, mouk tiri rholi gar yaake bares te vell, te bistress mari doosh gar bouder. Dik ap mende, mangah tout, tire menshe ham halauter.

Jeremia 18:6

Poučau t'mendar dran o kheer Israel: Nay krau me t'mentsa gar har kova kay krell pirya? Dikenn, har koy čik an leskro vast hi, yaake han ninna t'mer dran o kheer Israel an miro vast.

Micha 6:8

Na-a, o baro Devel penas menge, hoy lačo hi, oun hoy lo mendar kamella: Kova hi: Rike tout ap o čačepen, ab lačes ap o vavareste, oun dja o tselo djiyestar tiro Debleha!

Mateo 20:15

Me krau nay mire loventsa, hoy me kamau. Hoske hal tou čilačo ap mande, te hom me lačo?

Louka 12:14

Penas o Yezous ap koleste: “Romeha, kova hi gar miri boudi.”

Remarja 14:4

Kova hi gar tiro koova, te peneh pral i vavareskro boudepaskro: “Kova, hoy yob kras, hi gar mishto.” Leskro ray kokres nay penell: “Kova hi mishto, kova hi gar mishto.” Oun maro ray, o Yezous Kristo, les hi i zoor, te rikrell lo les pash peste, yaake te ačell lo tardo an o patsepen.

Remarja 2:1

Tou mensho, kay dikeh ap kolende oun peneh, har baro hi lengri doosh, tou nay peneh gar toutar: “Man hi kek doosh ap mande.” Ko čilačepen, hoy tou ap o vavareste dikeh, hi ninna ap toute. Tou te sikreh ap o vavareskri doosh, rakreh tou o čačepen pral toute vin.

Remarja 2:3

Tou te sikreh ap i vavarende, kay savo koova krenna, oun tou kreh kova ninna, patseh tou čačepah, tou nay nasheh o Debleskri rholyatar krik?

Remarja 9:21

Kova hi yaake har pash i mensheste, kay krell čare oun pirya dran yek kotar loli phoub. Te kamell lo, krell lo i shoukar čaro, hoy boud moldo hi. Oun te kamell lo, krell lo i vavar čaro, kay čiklo koova dren čiddo vella.

Remarja 9:22

Yaake hi kova ninna o Debleha. Yob kamas, te sikrell lo peskri zoor, oun te vell peskri rholi pral i menshende, kay nashedo hi. Ninna te kamas lo kova te krell, rikras lo peskri rholi i rah tsiro lendar pale.

1. Korintarja 1:20

Hoy nay penah mer pral kol goseve menshende? Oun hoy nay penah pral kolende, kay hi činepangre oun rakepangre ap kay phoub? Yon prindjrenn o Debles gar. Doleske hi lengro gosvepen an o Debleskre yaka dinlepen.

1. Korintarja 7:16

I patsli djouvel nay djinell gar, te anell li nay peskro romes ap o Yezouseskro drom. Oun o patslo morsh nay djinell vitar gar, te anell lo nay peskri romyat ap o Yezouseskro drom.

1. Timoteo 6:5

Savo čingepen djal doureder oun doureder. Kolla, kay krenn kova, hi nasselo an o shero oun hayvenn bouder gar, hoy o čačepen hi. Yon patsenna, te nashte lenn le boud love khetne, te krenn le, hoy o Devel kamella.

2. Timoteo 2:20

An i baro kheer dell boud čare oun pirya: kolla dran sonakay oun roup, ninna vavar dran kasht oun rhačedi čik. Kol kouč čare oun pirya venn ap i rhapaskri čiddo, oun an kol vavar vell djoungelo koova dren čiddo.

Tito 2:9

Pen kolenge, kay hounte boudrenn i rayeske, te shounenn le hako tsiro ap leste, te krenn le kova, hoy yob kamella, te rakrenn le leske gar pale,

Jakobo 2:20

Hoske hayveh tou kova gar? Dikeh tou gar, kay o patsepen ap o Debleste či molella, te kreh tou gar, hoy yob kamella?