Remarja 8:36 - O Debleskro Lab 2024 (Sinte-Manouche)

³⁶ An o Debleskro lab hi činlo: Mer ham tiro. Doleske kamenn le men hako tsiro te marell. Yon dikenn ap mende, har te vams bakre, hoy venn maredo.

O Debleskro Drom 2021 (Sinte)

³⁶ An o Debleskro lab hi tchinlo: Mer ham tiro. Doleske kamenn le men hako tsiro te marell. Jon dikenn ap mende, har te wams bakre, hoi wenn maredo.

Remarja 8:36 ပူးပေါင်းရင်းမြစ်များ

Debleskri gili 141:7

Yaake har o harho i phoub pre phagell oun trouyel vitsrell, yaake hi lengre kokale trouyel čiddo. Oun o moulengro them krell peskro mouy lenge pre.

Debleskri gili 44:11

Tou moukal men pale te djal glan kolende, kay kouran pen mentsa. Yaake nay čoran kolla mare koola, kay pral mende van.

Debleskri gili 44:22

palle djinals tou kova. Tou dikeh, hoy pash hakeneste an o dji khatemen hi, oun hoy kek vavar djinell.

Jesaja 53:7

Yob vas phares dino, oun rikras kova vin, oun das kek gole. Har sau terno bakro his lo, koles yek koy anella te vell lo maredo. Oun har sau bakro, hoy gar gole dell, te venn lestar i balla tele činlo. Yaake kras yob peskro mouy gar pre.

Jeremia 11:19

Me homs har i terno bakro, kay djinell gar, te vell lo kote anlo, kay vell lo maredo. Yaake djinom gar, kay rakran le khetne, har te krenn le mange čilačepen. Yon penan mandar, har te voms i rouk: Mer dah ko rouk tele, yaake rah har hi lo sasto. Maras les, te vell lo bistedo!

Jeremia 12:3

Baro Devel, tou dikeh oun prindjreh man, oun djineh, kay miro dji hako tsiro pash toute his. Kol vavaren tserde krik har bakre krik tserdedo venn, te venn yon maredo! Oun čip len ap i rig, te venn yon moulo dino!

Jeremia 51:40

Me kamau len kote te anell, kay venn le tele čourye dino har terne bakre, morsh bakre oun bouzya.

Johanni 16:2

Yon krenn t'men pale-čiddo. Oun ko tsiro vella, kay denn yon t'men moulo oun penenn: O Devel kamas kova yaake.

Bičepangre 20:24

Me dau či bouder ap miro djipen. Yek koova kamau me an miro djipen te krell: Me kamau koy boudi te krell, hoy das man maro ray Yezous: Yob penas mange, te penap i menshenge, har lačo o Devel lenge hi, oun har kras yob i drom, te nay venn le pash leste.

Bičepangre 8:32

Kol laba, hoy yob draveras, his kolla: Yob his har i bakro, kay djal kote, kay vell lo maredo. Yob kras peskro mouy gar pre har i terno bakro, koleske činenn le i balla tele.

1. Korintarja 15:30

Oun hoy hi mentsa? Hoske penah mer o Debleskro lab doureder, te djinah mer, te nay vah mer hako tsiro moulo dino?

1. Korintarja 15:31

Hako dives nay nashrau me miro djipen. Mire phrala, kova hi čačo, yaake har čačo hi, kay hom barhtelo pral t'mende, kay me anom t'men pash o Yezous Kristeste, maro rayeste.

1. Korintarja 4:9

Mer, kay ham o Yezous Kristeskre bičepangre, menge hi yaake, har te anals men o Devel kote, kay ham či moldo an i menshengre yaka. Mer ham har i kourepangre, kay hounte kourenn pen, bis te venn le moulo dino. Oun i menshe oun i bolepangre dikenn kova.

2. Korintarja 1:9

Maro merepen his glan mare yaka. Kava pharo koova vas ap mende, te dikas bouder gar ap mende, na-a, te dikas ap o Debleste, kay krell i moulen djido.

2. Korintarja 11:23

Yon penenn, te hi le o Yezous Kristeskre boudepangre. Kanna rakrau har i dinelo: Me hom boudeder har yon leskro boudepaskro. Me boudrom boudeder. Me vom boudeder stildo. Me lom boudeder dava. Man his boudeder o merepen glan i yaka har yon.

2. Korintarja 6:9

Pash yekeste ham prindjedo, pash i vavarende ham gar prindjedo. Ninna te hi o merepen glan mare yaka, ham gomme djido. Mer lam dava oun meram gar.

Filiparja 3:10

Kamoms te prindjrap či vavar har o Yezous Kristes oun o Debleskri zoor, kay kras les i moulendar djido. Oun me lau douka ap mande, yaake har yob douka ap peste las, te vap yaake har yob bis ap o merepen,