Remarja 8:27 - O Debleskro Lab 2024 (Sinte-Manouche)

²⁷ Oun o Devel, kay djinell, hoy an o menshengro dji hi, djinell ninna, hoy o Debleskro Dourho lestar menge mangella.

O Debleskro Drom 2021 (Sinte)

²⁷ Un o Dewel, kai djinell, hoi an o menshengro dji hi, djinell ninna, hoi o Debleskro Ducho lestar menge mangella.

Remarja 8:27 ပူးပေါင်းရင်းမြစ်များ

1. Familjakro liil 28:9

Oun tou, miro čavo Salomo, pats ap o Debleste tiro dadestar, te vell yob tiro Devel. Kre tiro tselo djiyeha, hoy lo touke penell! Yob dikell an i menshengre djia, oun hayvell, hoy an lengre sherya trouyel djal. Te rodeh les, hatseh les. Te moukeh les, čivell lo tout pale hako tsireske.

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

Debleskri gili 139:1

I gili o rayeske pral i gipangre. Kay gili kras o David. Baro Devel, tou dikeh an miro dji oun prindjreh man mishto.

Debleskri gili 38:9

Kek zoor hi bouder an mande, oun me hom phagedo. Miro dji hi yaake dareno, kay dau gole i doukatar.

Debleskri gili 44:21

Bistrams mer tout, maro Debles, oun mangams i vavar debles an,

Debleskri gili 7:9

Baro Devel, tou hal o baro čačepaskro ray pral i menshende dran i tsele themma. De man miro čačepen! Tou djineh, me hom tardo an o čačepen oun kek doosh hi ap mande.

Gosewe laba 17:3

Yaake har o roup an i yag čiddo vell, oun o sonakay an i bob, yaake lell o baro Devel i menshengre djia an o yak.

Jeremia 11:20

Koy penom: Baro Devel, tou ray pral o bolepen oun i phoub, djineh, hoy an o mensheskro dji oun shero glan djala. Tou hal i čačepaskro, kay djal pal o čačepen. An tire vasta dau miro koova. Mouk man dikell, har tou len ko čilačepen pale deh, hoy yon kamenn mange te krell.

Jeremia 17:10

Me, o baro Devel prindjrau o mensheskro dji, oun dikau dour dren an kova, hoy an leste hi, oun dau hakeneste pal kova, hoy yob kras.

Jeremia 20:12

Baro Devel, tou ray pral o bolepen oun i phoub, tou prindjreh lauteren, kay ap toute rikrenn. Tou dikeh, hoy an lende hi, prindjreh lengre djia. Mouk man te dikell, har tou kolen i phagi deh, kay man palla lan. Me dom miro koova an tire vasta.

Mateo 6:8

Ma krenn kova yaake har yon! Oun o baro Devel, kay hi t'maro dad an o bolepen, djinella, hoy hounte vell t'men djipaske. Yob djinella kova glan ko tsiro, kay t'mer les mangenna.

Louka 16:15

Koy penas o Yezous ap lende: “Glan i menshengre yaka kamenn t'mer lačo te vell. O Devel prindjrell t'maro dji. Hoy pash i menshende boud molella, hi či moldo an o Debleskre yaka.

Johanni 14:13

Oun hoy t'mer an miro lab mangenna, kova kamau me te krell t'menge. Kova, hoy o čavo krella, sikrell i menshende o Debleskro raylepen oun leskri zoor.

Johanni 21:17

O Yezous poučas lestar o triinto kopo: “Simon, tou, o Yohanneskro čavo, kameh tou man o djiyestar?” Koy vas o Petreske ropaske pral kova, kay yob triin kope poučas: Kameh tou man o djiyestar? Oun yob penas: “Ray, tou djineh halauter. Tou djineh, kay me tout kamau o djiyestar.” Penas o Yezous: “De mire bakren te rhal!

Bičepangre 1:24

Palle mangan yon o Debles oun penan: “Ray, tou prindjreh i tsele menshengre djia. Sike mende, kones tou kol douyendar vin rodal,

Bičepangre 15:8

O Devel, kay prindjrell i menshengre djia, sikras mende, kay das yob ninna kolen o Debleskro Dourho, kay kek bibolde hi.

Remarja 8:34

Kek nay penell ap mende: Tou djal nashedo! O Yezous Kristo meras menge. Oun kova hi gar lauter. O Devel kras les ninna i moulendar djido. Oun yob hi ap leskri čači rig, oun rakrell menge mishto.

Remarja 8:6

Kolla, kay djivenn yaake, har yon kamenna, kolla merenna. Kolla, kay krenna, hoy o Debleskro Dourho lenge penella, kolla len o Debleskro djipen oun leskri barht.

Efesarja 2:18

Mende halauterende das yob o Debleskro Dourho. Oun kova krell, te nay vah mer lauter glan o Debleste, maro dadeste.

1. Tessalonikarja 2:4

Na-a, o Debleske ham moldo, te das lo men koy boudi, te sikras mer i menshende o Yezouseskro drom. Doleske rakrah mer lestar. Kova krah gar, te dikenn i menshe lačes ap mende, na-a, mer kamah, te dikell o Devel lačes ap mende. Yob djinella, hoy an maro dji hi.

Hebrearja 4:13

O Devel dikella lauter. Či an mende hi khatedo glan leskre yaka. Lauter hi pre čakedo glan leste. Oun leske hounte penas mer halauter, hoy kram.

Jakobo 5:16

Doleske penenn t'menge t'mari doosh, oun mangenn o Debles yek o vavareske, te venn t'mer sasto. I mensho, kay djivell yaake, har o Devel kamella, yob te mangell i tselo djiyeha čomone o Deblestar, nay krell o Devel boud leske.

Debleskro tsiro 2:23

Oun kolakre čaven dau moulo. Palle hayvenn i tsele patsle, te hom me kova, kay halauter prindjrella, hoy i menshen an o shero oun an o dji hi. Oun hakeno, kay čilačo koova kras, kova lell mandar koy phagi pal kova, hoy yob kras.