Remarja 6:22 - O Debleskro Lab 2024 (Sinte-Manouche)

²² Kanna han t'mer bouder gar pandlo ap o čilačepen. T'mer van o Debleskre boudepangre. Oun t'mer djivenn o Debleskro djipen. Oun kova anell t'men an o djipen, hoy gar pre-herella.

O Debleskro Drom 2021 (Sinte)

²² Kanna han tumer buder gar pandlo ap o tchilatchepen. Tumer wan o Debleskre budepangre. Un tumer djiwenn o Debleskro djipen. Un kowa anell tumen an o djipen, hoi gar pre-herella.

Remarja 6:22 ပူးပေါင်းရင်းမြစ်များ

1. Mose 50:17

Yaake hounte penenn ap o Yosefeste: Mangau tout, biste ko čilačo koova, hoy tire phrala ap toute kran! Doleske mangah mer, kay ninna tiro dadeskro Debles an-gole dah: Biste ko čilačepen, hoy mer kram!” Har o Yosef kova shounas, rovas yob.

Hiob 1:8

Oun o baro Devel poučas o bengestar: “Dal tou ninna yak ap miro boudepaskro, o Hiob? Kek vavar hi ap i phoub, kay hi yaake har kova. Yob hi an o čačepen tardo, oun kek doosh hi ap leste. Yob mangell man an, oun rikrell pes dour krik o čilačepastar.”

Debleskri gili 143:12

Tou hal yaake lačo ap mande. Doleske le kolen krik, kay ap mande djan, oun mare lauteren, kay mange miro djipen phares krenn. Me hom tiro boudepaskro!

Debleskri gili 86:2

De garda ap miro djipen! Me hom tiro. Ab ap miri rig, miro Devel, me hom tiro boudepaskro, oun rikrau man ap toute.

Debleskri gili 92:14

Yon hi har rouka, kay hi tardo an o baro Debleskro kheer, oun kay venn zenelo ap i platsa glan o Debleskro kheer.

Jesaja 54:17

Kek rharo, hoy kerdo vas, te dell lo tout moulo, nay doukrell tout. Oun hako kopo, kay yek čomone ap toute pre anell, nay sikreh tou, kay yob rhorhras. Kova krau kolenge, kay mange boudrenn. Oun me sikrau, te hi yon an o čačepen, penell o baro Devel.

Daniel 3:26

Oun o Neboukadnezar djas pash ko voudar ko bobestar oun das gole: “Shadrak, Meshak oun Abed-Nego, t'mer boudepangre o pralstouno Deblestar, avenn koy vin, oun venn pash mande!” Oun o Shadrak, o Meshak oun o Abed-Nego djan vin dran i yag.

Daniel 6:20

Sik taysarlakro, har o kham gar pre djas, stas o baro ray pre, oun djas sik pash i grouba, kay i leve hi.

4. Mose 23:10

Kek djinell, har boud menshe o Yakobeskre menshe hi. Ava, kek nay hatsell vin, har boud zerya i Israelitarya hi? Me kamau, te merap yaake har yek lendar, kol čače menshendar. Miro merepen mou vell har lengro merepen!

Mateo 13:40

Oun yaake har ko djoungelo zenlepen khetne lino vella, oun an i yag vitsedo vella, yaake vell kova ap ko tsiro, kay o Devel o čačepen pral i tsele menshende vi-rakrella.

Mateo 13:43

Palle hi kolla, kay kran, hoy lengro dad an o bolepen kamas, har i bari momeli an leskro raylo them. Moukenn kova an t'maro shero trouyel te djal!

Mateo 19:29

Oun hakeno, kay moukas peskro kheer, peskre phralen, peskre phenyen, peskro dades, peskri dat, peskre čaven oun peskro kotar them, te djal lo mantsa, kova lell sheel kope pale, hoy yob moukas. Oun o Devel dell les o djipen, hoy gar pre-herella.

Mateo 25:46

Oun kol čilače len i phagi hako tsireske. I lače lenn o djipen, hoy gar pre-herella.

Johanni 15:16

T'mer rodan man gar vin. Me rodom t'men vin, te djivenn yaake, te vell dran t'maro djipen lačo koova, hoy ačella. Oun o dad dell t'men halauter, hoy mangenn lestar an miro lab.”

Johanni 15:2

Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake.

Johanni 4:36

Kanna anenn i boudepangre kolen khetne, kay lenn o djipen, hoy gar pre-herella. Oun lengri boudi vell playsedo. Yaake hi hake douy barhtelo: Kova, kay o tikno djob an i phoub vitsras, oun kova, kay anell o djob dren.

Johanni 8:32

Oun t'mer prindjrenna o čačepen. Oun o čačepen krella, te han bouder gar pandlo.”

Remarja 6:14

T'mer hounte rikrenn t'men bouder gar ap o Moseskre laba. O Devel kras t'men čačo glan leste dran peskro lačepen. Doleske nay vell o čilačepen bouder gar o ray pral t'mende.

Remarja 6:18

Kanna han bouder gar pandlo ap o čilačepen. Kanna han tardo an o čačepen, oun krenn kova, hoy o Devel kamella.

Remarja 6:21

Kova, hoy kran, his či moldo. T'mer kran savo koova, koleske kay dives ladjenn t'men. Savo koova anell an o merepen dren.

Remarja 7:25

O Devel vell sharedo! Maro ray, o Yezous Kristo, kras kova! Pral miro dji hi o Devel o ray, oun me hom leske koy. Oun pral miro mass hi o čilačepen o ray.

Remarja 7:4

Yaake hi kova ninna t'mentsa, mire phrala. Har o Yezous Kristo meras, meran t'mer leha. O Moseskre laba hi bouder gar o ray pral t'mende. Kol labenge han moulo. Kanna hi t'men i vavar ray. Kova hi o Yezous Kristo, koles o Devel i moulendar djido kras. Kanna nay djivah yaake, te vell o Devel sharedo!

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

1. Korintarja 7:22

Koon i pandlo boudepaskro his ap ko tsiro, har o Yezous Kristo les gole das, kova hi glan leste bouder kek pandlo boudepaskro. Oun koon kek pandlo boudepaskro his ap ko tsiro, har o Yezous Kristo les gole das, kova hi kanna o Yezous Kristeskro boudepaskro.

2. Korintarja 3:17

Maro ray Yezous oun o Debleskro Dourho hi yek. Te djivell o Debleskro Dourho an yekeste, hi ko mensho bouder gar pandlo, oun hounte djal bouder gar ap o phouro drom.

Galatarja 1:10

Penenn mange, rakrau me kanna yaake, har kamenn i menshe kova te shounell? Na-a! Me rakrau yaake, har o Devel kova kamella. Me kamau gar, te sharenn man i menshe. Te vals kova yaake, voms gar o Yezous Kristeskro boudepaskro.

Galatarja 5:13

Mire phrala, o Devel das t'men gole, te djivenn i djipen, kay han bouder gar pandlo ap čomone. Kal labentsa penau gar, te krenn t'mer nay, hoy kamenna, oun djivenn nay t'maro phouro djipen. Na-a, avenn yek o vavareske koy! Krenn kova dran o kamlepen!

Galatarja 5:22

Kones hi o Debleskro Dourho an peskro dji, dran koleste vella lačepen: Les vell o Debleskro kamlepen oun barht an o dji. Yob kamell kek čingepen. Yob rikrell lauter vin. Yob hi lačes ap i vavarende. Les hi i baro dji i vavarenge. Kova, hoy yob penell, ap kova rikrell pes yob.

Efesarja 5:9

Lauter kolla, kay ap leskro drom djana, krenn kova, hoy lačo oun čačo hi, oun penenn o čačepen.

Filiparja 1:11

Oun ko boud lačo oun čačo koova, hoy t'mer kran, krell o Debles bares. Kova kran t'mer an i zoor, hoy o Yezous Kristo das t'men.

Filiparja 4:17

Me penau kova gar, te denn mange čomone. Na-a, kamau, te denn t'mer o Debleske čomone, te sharell yob t'men.

Kolossarja 1:10

Palle djivenn t'mer yaake, te vell o Devel sharedo, oun krenn lauter, hoy hi lačo oun mishto glan leskre yaka. Oun dran t'maro djipen vell boud lačo koova. Oun t'mer prindjrenn o Debles hako tsiro feteder.

Kolossarja 4:12

Ninna o Epafras penell t'menge: “Ačenn o Debleha!” Kova hi yek t'mendar, oun boudrell o Yezous Kristeske. Yob mangell o Debles hako tsiro t'menge, te venn t'mer zoreles an o patsepen, te djinenn lauter, hoy o Devel t'mendar kamella oun te krenn kova ninna.

Tito 1:1

Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

Hebrearja 12:14

Krenn lauter, te vell t'men kek čingepen i vavar menshentsa! Čivrenn o tselo čilačepen dran t'mende vin! Kek mensho dikell o Debles, te moukell lo o čilačepen an peste te djivell.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

1. Petro 2:16

T'mer han bouder gar pandlo ap o čilačepen. Doleske penenn gar: “Mer nay krah halauter, hoy kamah.” Oun pal savo rakepen khatrenn t'mer t'maro čilačepen. Ma bistrenn, kay han pandlo ap o Debleste!

Debleskro tsiro 7:13

Oun yek kol čačepangre phourendar poučas mandar: “Koon hi kolla, kay hi len parne ripya ap lende? Kay van le?”