Remarja 6:14 - O Debleskro Lab 2024 (Sinte-Manouche)

¹⁴ T'mer hounte rikrenn t'men bouder gar ap o Moseskre laba. O Devel kras t'men čačo glan leste dran peskro lačepen. Doleske nay vell o čilačepen bouder gar o ray pral t'mende.

O Debleskro Drom 2021 (Sinte)

¹⁴ Tumer hunte rikrenn tumen buder gar ap o Moseskre laba. O Dewel kras tumen tchatcho glan leste dran peskro latchepen. Doleske nai well o tchilatchepen buder gar o rai pral tumende.

Remarja 6:14 ပူးပေါင်းရင်းမြစ်များ

3. Mose 25:41

Palle moukess les tou pale djal, ninna leskre čave leha, te nay djan le pale pash lengre menshende oun pash lengro kotar phoub, hoy yon lengre phourendar lan.

Micha 7:19

Ava, tou kreh tiro dji pale menge pre oun stakreh mari doosh tel tire pire. O tselo čilačepen, hoy kram, vitsreh tou dour an o baro pani.

Mateo 1:21

Oun yoy lella i čaves. Tou deh les o lab Yezous. Yob lella i doosh peskre menshendar ap peste.

Johanni 1:14

Ko lab vas i mensho, oun djivas pash mende. Oun mer dikam leskro raylepen oun leskri zoor, kay o Devel peskro čaves das. Kova his pherdo lačepen oun čačepen.

Johanni 1:17

O Mose das men kol laba, kay penenna, har mer djivas. O Yezous Kristo anas menge o Debleskro lačepen oun čačepen.

Johanni 8:36

Te krell o Debleskro čavo, kay han bouder gar pandlo, yaake han čačepah bouder gar pandlo.

Remarja 11:6

Kran yon lačo koova? Oun doleske rodas lo len vin? Na-a! Te krals lo kova, vals peskro kamlepen gar o čačo kamlepen.

Remarja 4:16

Doleske krell o Devel kolen čačo, kay ap leste patsenna. Leskro čačepen dell o Devel čičeske lauterenge, kay ap leste patsenna. Yaake ačell ko lab, hoy yob o Abrahameste das, lauterenge, kay venna pal o Abrahameste, i biboldenge har kolenge, kay djivenn dran o patsepen har o Abraham. Kova hi o dad mendar lauterendar.

Remarja 5:17

Yaake har ko yek morsh, o Adam, i čilačo koova kras, oun o merepen anas ap i tsele menshende, yaake anas ninna yek mensho, o Yezous Kristo, o Debleskro djipen. Ko djipen len kolla, kolen o Devel dran peskro baro lačepen čačo kras glan leste.

Remarja 5:18

Yaake dikah: O Adam kras i čilačo koova, oun doleske van le lauter pale-čiddo glan o Debleste oun hounte meran. O Yezous Kristo kras i čačo koova, oun doleske venn le lauter čačo glan o Debleste oun lenn o Debleskro djipen.

Remarja 6:12

Moukenn gar o čilačepen o ray pral t'mende te vell! T'mer djinenn, kay vell o dives, kay hounte merenn. Ma krenn ko djoungelo koova, hoy an t'maro dji hi!

Remarja 6:15

Kanna djivah mer bouder gar pal o Moseskre laba. Kanna djivah dran o Debleskro lačepen. Kras mer kanna o čilačepen? Na-a, kova kras mer gar!

Remarja 8:12

Mire phrala, kanna hounte djivas bouder gar maro phouro djipen.

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

Galatarja 3:23

Yaake rah, har patsam gar ap o Yezous Kristeste, hams pandlo ap o Moseskre laba. Palle sikras men o Devel i nevo drom pash leste: Kova hi o patsepen.

Galatarja 4:21

T'mer kamenn yaake te djivell har o Moseskre laba penenna. Djinenn t'mer gar, hoy kol laba penenna?

Galatarja 5:18

Te krenn t'mer kova, hoy o Debleskro Dourho t'menge penella, palle hi o Moseskre laba kek zoor pral t'mende.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

Hebrearja 8:10

Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.