Remarja 5:14 - O Debleskro Lab 2024 (Sinte-Manouche)

¹⁴ Ninna te dikas o Devel gar ap lengro čilačepen, hounte meran le lauter: o Adam oun kolla, kay pal leste van, bis te vas o Mose. Ninna kolla hounte meran, kay kran gar o emligo čilačo koova har o Adam. Yaake har o Adam i bibarht anas, yaake hounte vas i vavar, kay lauter mishto krella.

O Debleskro Drom 2021 (Sinte)

¹⁴ Ninna te dikas o Dewel gar ap lengro tchilatchepen, hunte meran le lauter: o Adam un kolla, kai pal leste wan, bis te was o Mose. Ninna kolla hunte meran, kai kran gar o emligo tchilatcho koowa har o Adam. Jaake har o Adam i bibacht anas, jaake hunte was i wawar, kai lauter mishto krella.

Remarja 5:14 ပူးပေါင်းရင်းမြစ်များ

1. Mose 19:25

Yaake rhačras yob kol forya oun ko tselo them pash o pani Yordan. I tsele menshe an kol forya oun o tselo zenlepen ap ko them vas rhačedo.

1. Mose 4:8

O Kayn penas ap peskro phraleste Abel: “Am! Djas vin ap o them!” Oun har yon vin ap o them his, hadas pes o Kayn ap peskro phraleste Abel oun das les moulo.

1. Mose 7:22

Halauter meras, hoy ap i phoub djivas.

2. Mose 1:22

Kanna penas o Farao ap i Egiptarya an peskro tselo them: “Kol tsele morsh čave, hoy neves boldo van, vitsrenn an o pani Nil! Oun i čen moukenn te djivell!”

2. Mose 1:6

Pale meras o Yosef oun peskre phrala oun leskre tsele menshe, kay an ko tsiro djivan.

Hosea 6:7

Yaake sik har van le an o them dren pash o foro Adam, rikran le pen bouder gar ap kova, hoy me, o baro Devel lentsa vin krom, oun moukan man.

Jona 4:11

Oun man te khaytenn gar kol tsele menshe an o foro Ninive? Kate djivenn boudeder har 120.000 (sheel-te-biish-zerya) menshe, kay gar djinenna, hoy lačo oun čilačo hi, oun koy pashel boud firhe!”

Remarja 5:12

Hi yaake: O čilačepen vas ap i phoub, har yek mensho, o Adam, čomone kras, hoy o Devel gar kamas. O čilačepen anas o merepen ap i phoub. Yaake vas o merepen pash i tsele menshende. Lauter kran o čilačepen, oun lauter hounte merenn.

Remarja 5:17

Yaake har ko yek morsh, o Adam, i čilačo koova kras, oun o merepen anas ap i tsele menshende, yaake anas ninna yek mensho, o Yezous Kristo, o Debleskro djipen. Ko djipen len kolla, kolen o Devel dran peskro baro lačepen čačo kras glan leste.

Remarja 5:21

O menshengro čilačepen his zorelo, oun anas o merepen. O Debleskro lačepen hi zorleder. Kanna, kay ham čačo glan leste, dell lo men o djipen, hoy gar pre-herella. Kova kras maro ray, o Yezous Kristo, menge.

Remarja 8:20

Halauter, hoy o Devel kras, hounte djal paash, ninna te kamenn le kova gar. O Devel kamas kova yaake. Yaake kras lo ninna, te dikenn le ap ko tsiro,

Remarja 8:22

Mer djinah, halauter, hoy o Devel kras, rovell oun dell gole i doukatar bis kava dives.

1. Korintarja 15:22

Yaake har vas o Adamestar, kay hounte merenn lauter, yaake vell o Yezous Kristestar, te krell o Devel len lauter djido:

1. Korintarja 15:45

An o Debleskro lab hi činlo: O ersto mensho, o Adam, las o djipen. Oun o Yezous Kristo, koles nay kharams mer o douyto mensho – yob hi i djido dourho, kay dell o djipen.

Hebrearja 9:27

Oun yaake har i tsele menshe hounte merenna yek kopo, oun palle rakrell o Devel o čačepen pral lende vin,