Remarja 3:27 - O Debleskro Lab 2024 (Sinte-Manouche)

²⁷ Koon nay sharell pes kanna? Kova, kay rikras pes ap kol laba, hoy penenna, har te djivas mer? Na-a, les hi či, te sharell lo pes. Kova hi čačo glan o Debleste, kay ap o Yezous Kristeste patsella.

O Debleskro Drom 2021 (Sinte)

²⁷ Koon nai sharell pes kanna? Kowa, kai rikras pes ap kol laba, hoi penenna, har te djiwas mer? Na-a, les hi tchi, te sharell lo pes. Kowa hi tchatcho glan o Debleste, kai ap o Jesus Kristeste patsella.

Remarja 3:27 ပူးပေါင်းရင်းမြစ်များ

Zefanja 3:11

An ko tsiro hounte ladjenn t'mer Israelitarya t'men bouder gar doleske kay t'men pral mande hadan, oun yaake boud čilačepen kran. Me lau kol pre-phourden, kay rikran yaake boud pendar, mashkral dran t'mende krik. Ap miri berga, kay me djivau, dell bouder kekes, kay krell pes bares.

Markus 16:16

“Koon patsell ap mande oun vell taufedo, kova djal gar nashedo. Koon gar ap mande patsella, kova djal nashedo!

Johanni 3:36

Koon ap o čaveste patsella, koles hi ko djipen, hoy gar pre-herella. Koon ap o čaveste gar patsella, koles vell ko čačo djipen gar. O Debleskri rholi ačell pral leste.”

Remarja 10:5

Kova, kay rikrell pes ap o Moseskre laba, te vell lo čačo glan o Debleste, hounte krell kova, hoy kote činlo hi. O Mose činas an peskre lila: Ko mensho lell o djipen o Deblestar, kay krell, hoy kote činlo hi.

Remarja 11:6

Kran yon lačo koova? Oun doleske rodas lo len vin? Na-a! Te krals lo kova, vals peskro kamlepen gar o čačo kamlepen.

Remarja 2:17

Hoy krenn t'mer, i bibolde? T'mer sharenn t'men oun penenn: “Me hom i biboldo oun prindjrau o Moseskre laba. O baro Devel hi miro Devel.

Remarja 2:23

T'mer sharenn t'men oun penenn: Mer djinah, hoy o Moseskre laba penenna, oun t'mer krenn kova gar. Doleske anenn t'mer ladj ap o Debleste.

Remarja 3:19

Mer djinah: Kova, hoy an o Moseskre laba penlo hi, hi kolenge penlo, kay lan kol laba. Kolla hi i bibolde. Yaake nay penell kek mensho, vitar kek biboldo: Man hi kek doosh. Kek mensho krell o čačepen. Doleske hi kek mensho čačo glan o Debleste.

Remarja 3:26

I rah tsiro rikras o Devel peskri rholi pale, oun das len kek phagi. Kanna, ap kava tsiro meras o Yezous lenge, oun las lengri phagi ap peste. Yaake sikrell o Devel peskro čačepen. Yob hi čačo. Ninna krell lo koles čačo, kay ap o Yezous Kristeste patsella.

Remarja 4:2

Kras lo lauter, hoy mishto hi? Palle nay sharals pes lo glan i menshende, gar glan o Debleste.

Remarja 7:21

Yaake dikau: An miro djipen hi kova yaake: Ninna te kamau o lačepen te krell, krau me o čilačepen.

Remarja 7:23

Oun me nay krau les gar. Me dikau, an mande hi i vavar o ray. Kova pandell man oun moukell man gar te krap, hoy kamau. Kova hi o čilačepen, hoy an mande djivella.

Remarja 7:25

O Devel vell sharedo! Maro ray, o Yezous Kristo, kras kova! Pral miro dji hi o Devel o ray, oun me hom leske koy. Oun pral miro mass hi o čilačepen o ray.

Remarja 8:2

Oun o Debleskro Dourho, koles o Yezous Kristo men das, hi kanna o ray pral mende. Oun kova dell men o djipen oun lell men vin dran o čilačepen oun o merepen.

Remarja 9:11

Har i čave gomme gar boldo his, penas o Devel lake: I tsiro vella, kay boudrell o phoureder čavo o terneder čaveske. Har yob kova penas, kras kek lendar i lačo koova, vitar kek čilačo koova. Yaake dikah, lauter vella, har o Devel kamella. Te rodell lo yekes vin, krell lo kova yaake, har yob kamella. Yob dikell gar ap kova, hoy yek kras.

Remarja 9:31

Kova his vavarčandes pash i Israelitarya. Kolla kaman yaake te djivell, har o Moseskre laba penenna, te venn le čačo glan o Debleste. Oun yon nay djivan gar yaake, oun van gar čačo glan o Debleste.

Remarja 9:32

Hoske gar? Yon kaman čačo te vell dran pengri zoor, oun kaman gar te patsell ap o Yezous Kristeste. Oun yaake van le har menshe, kay perenn pral i baro bar, hoy ap lengro drom čiddo hi.

1. Korintarja 4:7

Koon penas touke, te hal tou feteder har ko vavar? Kova, hoy tout hi, hi tout o Deblestar. Te das yob tout lauter, hoske shareh tout?

Galatarja 3:22

O Debleskro lab penella, kay hi hako mensho pandlo ap o čilačepen. Ko yek drom, kay anell men vin dran o čilačepen, hi o patsepen ap o Yezous Kristeste. Kova penas o Devel.