Remarja 2:27 - O Debleskro Lab 2024 (Sinte-Manouche)

²⁷ Oun yaake vell kova, kay kek biboldo hi, i čačepaskro ray pral t'mende, i biboldende. Yob kras, hoy o Devel kamella, oun t'mer kran gar, hoy o Devel kamella, ninna te hi t'men kol tsele činle laba, hoy penenn, har te djivenn, oun han činlo ap t'maro mass.

O Debleskro Drom 2021 (Sinte)

²⁷ Un jaake well kowa, kai kek biboldo hi, i tchatchepaskro rai pral tumende, i biboldende. Job kras, hoi o Dewel kamella, un tumer kran gar, hoi o Dewel kamella, ninna te hi tumen kol tsele tchinle laba, hoi penenn, har te djiwenn, un han tchinlo ap tumaro mass.

Remarja 2:27 ပူးပေါင်းရင်းမြစ်များ

Mateo 3:15

Koy penas o Yezous ap leste: “Mouk kova kanna yaake te vell! Hi mishto menge, te kras kova lauter, hoy o Devel mendar kamella.” Oun o Yohanni kras, hoy o Yezous leske penas,

Bičepangre 13:22

Palle čivas o Devel o Saules ap i rig te ačell lo bouder gar baro ray, oun las peske o Davides, oun kras les baro ray. Kolestar penas yob: Me hatsom i morshes, pral leste hom barhtelo. Yob hi o David, koleskro dad hi o Isay. Me rodom o Davides vin, te krell lo lauter, hoy me leske penau.

Remarja 13:10

Koon kamell o vavares o tselo djiyestar, kova krell leske kek čilačo koova. Tou te kameh o vavares o djiyestar, yaake kreh tou kova lauter, hoy o Devel toutar kamella.

Remarja 2:15

Yaake dikah, an lengre djia hi činlo, hoy o Devel kamella. Te kran le o čilačo koova, penell lenge lengro dji: Kova his gar mishto, hoy kral. Te kran le lačo koova, penell lenge lengro dji: Kova his mishto, hoy kral.

Remarja 2:20

Me hom i sikepaskro kolenge, kay či djinenna oun hayvenna. An o Moseskre laba hi man o tselo gosvepen oun čačepen.”

Remarja 2:25

Ninna te han bibolde oun ap t'maro mass činlo, hounte rikrenn t'men ap kova, hoy o Devel an o Moseskre lila penas. Te krenn t'mer, hoy kote činlo hi, pale hi t'menge boud moldo, te han bibolde. Te krenn kova gar, han t'mer glan o Debleste har yek, kay hi kek biboldo.

Remarja 2:26

Yek, kay hi kek biboldo, te krell yob kova, hoy o Devel kamella, palle dikell o Devel yaake lačes ap leste, har te vals lo i biboldo.

Remarja 2:29

Na-a! Kova hi i čačo biboldo, koleske o Debleskro Dourho i nevo dji das. Kova nay krenn i činle laba gar. Savo biboldo rodell gar, te vell lo i menshendar sharedo. Yob vell o Deblestar sharedo.

Remarja 3:30

Yob hi ko yek Devel. Kova krell kolen čačo, kay ap o Yezous Kristeste patsenna: i bibolden har kolen, kay kek bibolde hi.

Remarja 8:4

Kova kras o Devel, te vas mer yaake čačo glan leste, har yob mendar kamella. Yob kras kova menge, kay djivah kanna o nevo djipen, hoy o Debleskro Dourho men das, oun bouder gar maro phouro djipen.

1. Korintarja 7:19

Kolla hi gar boudeder moldo, kay ap o mass činlo hi, har kolla, kay gar činlo hi ap o mass. Glan o Debleste molella, te rikress tout ap leskro lab.

2. Korintarja 3:6

Yob kras dran mende peskre boudepangre, te sikras mer i menshende o nevo drom, kay o Devel oun i menshe mala venna. Ap o phouro drom hounte rikrenn le pen ap i činle laba. Kol phoure činle laba anenn i menshen an o merepen. Ap o nevo drom lenn le o Debleskro Dourho, hoy dell len o djipen.

Galatarja 5:14

Te vell yek yaake lačo ap o vavareste har yob lačo ap peste hi, palle krell lo lauter, hoy o Devel lestar kamella.

Efesarja 2:11

Ma bistrenn, koon t'mer hans, har boldo van! T'mer hans kek bibolde. Oun i bibolde penan Bi-činle ap t'mende. I bibolde van ap pengro mass činlo, oun kova han t'mer gar.

2. Timoteo 3:15

Tou prindjreh o Debleskro lab foun tiknes pre. Oun ko lab das tout o gosvepen, te hatsal o drom pash o Yezous Kristeste oun hayval, tou hounte patsess ap o Yezous Kristeste, te less ko djipen, hoy gar pre-herella.

Hebrearja 11:3

Dran maro patsepen hayvah, te vas o bolepen oun i phoub kerdo dran o Debleskro rakepen. Lauter, hoy kanna dikah, kova kras o Devel dran kova, hoy nay dikah gar.