Remarja 15:19 - O Debleskro Lab 2024 (Sinte-Manouche)

¹⁹ Oun yob sikras peskri zoor, har kras o Debleskro Dourho baro koova, hoy kek vavar nay krella. Yaake penom o lačo lab o Yezous Kristestar an o tselo them troul o foro Yerusalem bis an o them Illirikum.

O Debleskro Drom 2021 (Sinte)

¹⁹ Un job sikras peskri soor, har kras o Debleskro Ducho baro koowa, hoi kek wawar nai krella. Jaake penom o latcho lab o Jesus Kristestar an o tselo them trul o foro Jerusalem bis an o them Illirikum.

Remarja 15:19 ပူးပေါင်းရင်းမြစ်များ

Mateo 12:28

Na-a, gar o beng das man koy zoor. O Debleskro Dourho das man koy zoor, te nay tradap i bengen vin. Koy pre dikenn t'mer, kay ko tsiro vas, kay o Devel i menshen dran o čilačepen vin lella, oun leskri zoor mank t'mende hi.

Johanni 4:48

O Yezous penas ap leste: “Te dikenn t'mer gar boud Debleskro koova, kay kek mensho nay krella, patsenn t'mer gar.”

Bičepangre 1:8

Ap t'mende vell o Debleskro Dourho oun dell t'men i bari zoor. Palle rakrenn t'mer mandar an o foro Yerusalem, oun an o tselo them Youdea, oun an o them Samaria, oun ap i tseli phoub.”

Bičepangre 13:14

Yon djan dran o foro Perge doureder, oun van an o foro Antiochia. Kova hi an ko them Pisidia čiddo. Ap ko Debleskro dives djan yon an i biboldengri kangri, oun beshan pen kote tele.

Bičepangre 13:51

Oun o Paulo oun o Barnabas dan koy čik pengre pirendar tele, te djinan kolla an ko foro, havo djoungelo koova yon kran. Oun pal kova djan o Paulo oun o Barnabas an o foro Ikonion.

Bičepangre 14:10

oun das gole ap leste: “Ste pre! Ač ap tire pire tardo!” Oun yob stas pre, oun djas trouyel.

Bičepangre 14:20

Har o Pauleskre mala troul leste tardo his, stas yob pre oun djas an ko foro. Ap o vavar dives djas lo o Barnabeha an o foro Derbe.

Bičepangre 14:25

Yon penan i menshenge an o foro Perge o Debleskro lab, oun djan doureder an o foro Attalia.

Bičepangre 14:6

Har o Paulo oun o Barnabas kova hayvan, nashan le penge an o them Likaonia, an kol forya Listra oun Derbe.

Bičepangre 15:12

Koy čingran kol tsele menshe bouder gar lentsa, oun shounan ap o Pauleste oun o Barnabeste, har kolla lenge penan, havo baro oun zorelo koova o Devel mashkral kolende kras, kay kek bibolde hi.

Bičepangre 16:18

Kova das li gole hako dives. O Paulo vas rhoyedo, oun rissras pes trouyel, oun penas ap ko bengeste, kay hi an late: “Me penau touke an o Yezous Kristeskro lab: Dja dran late vin!” Koy djas o beng dran kay rakli vin.

Bičepangre 17:10

An koy rat bičran kol patsle o Paules oun o Silases an o foro Berea. Har yon koy van, djan yon an i biboldengri kangri.

Bičepangre 17:15

Kolla, kay djan o Pauleha, anan les an o foro Athen. Glan kova, har yon khere djan penas o Paulo lenge, te penenn le ap o Silaseste oun ap o Timoteste, te venn yon yaake sik har djala pash leste.

Bičepangre 18:1

Pal kova djas o Paulo dran o foro Athen, oun djas an o foro Korint.

Bičepangre 18:19

Pal kova van le an o foro Efesus. Oun o Paulo moukas o Akviles oun i Priskat koy. Yob djas an i biboldengri kangri oun rakras koy i biboldentsa.

Bičepangre 19:1

Har o Apollo an o foro Korint his, djas o Paulo an i themma Galatia oun Frigia, oun palle vas lo an o foro Efesus. Koy hatsas yob ninna patslen.

Bičepangre 20:20

Man his kek daar, te penap t'menge o tselo čačepen, har me t'mende o Debleskro drom sikrom. Oun me penom o Debleskro lab an t'mare khera.

Bičepangre 20:6

Har i divessa trouyel his, kay i bibolde kek shoutlo maro rhan, ouleram mer ap o shiffo dran o foro Filipi vin, oun vam pal panč divessa an o foro Troas. Kote ačam efta divessa.

Remarja 15:13

Oun o Devel, kolestar o tselo lačepen vella, ap koleste dikah, lestar mangah, te venn t'mer čalo i barhtyatar an o dji dran t'maro patsepen, yaake te djinenn t'mer: Ko lačepen, hoy dell men o Devel an o tsiro, hoy vella, kova vell čačepah. Oun o Debleskro Dourho dell t'men i zoor, te dikenn boud oun boudeder ap o Debleste.

Remarja 15:16

Yob bičras man, te boudrap o Yezous Kristeske oun te djap pash kolende, kay kek bibolde hi, te sikrap len o Debleskro drom. Yaake hom har i rashay, kay anell kol menshen, kay kek bibolde hi, pash o Debleste. Oun o Devel dell len peskro Dourho, te venn le leskro. Oun yob dikell lačes ap lende.

Remarja 15:24

Ap miro drom an o them Spania, kamoms te dikap t'men, oun te ačap i tikno tsiro pash t'mende. Te hom t'mentsa khetne, lau nevi zoor. Palle djau doureder, oun t'mer nay denn man lauter, hoy man hounte vell ap o drom.

1. Korintarja 2:4

Me rakrom t'mentsa gar zorele oun goseve labentsa, te anap t'men ap o Debleskro drom. Na-a, o Debleskro Dourho rakras zoreles ap t'mende,

2. Korintarja 12:12

Har homs pash t'mende, nay dikan t'mer, kay o Yezous Kristo bičras man. Me boudrom mank t'mende, oun dom gar pre. Me krom baro koova an o Debleskri zoor, yaake te kran i menshe bare yaka.

Galatarja 3:5

O Devel das t'men peskro Dourho oun kras pash t'mende boud baro oun zorelo koova, hoy kek vavar nay krella. Kras lo kova, har djivan t'mer pal o Moseskre laba? Na-a! Yob kras kova, har t'mer shounan o Yezousestar oun ap leste patsan.

Kolossarja 1:25

Lengro boudepaskro vom me. O Devel das man koy boudi, te penap t'menge o tselo Debleskro lab.

1. Tessalonikarja 1:5

Har vam pash t'mende, oun penam t'menge o Debleskro lačo lab, koy penam gar leskro lab kokres, na-a, koy dikan t'mer ninna o Debleskri zoor an halauter, hoy yob mashkral t'mende kras. Oun o Debleskro Dourho rakras ap t'mende, oun t'mer hayvan, leskro lab hi čačo. Ninna djinenn t'mer, har djivam maro djipen pash t'mende, oun sikram t'men o Debleskro drom.

2. Timoteo 4:17

O ray Yezous his ap miri rig, oun das man i zoor, te nay penap kote o tselo lačo lab lestar, yaake te shounan les ninna kolla, kay hi kek bibolde. Oun yob las man yaake dran lengre vasta vin, har te voms dran i leveskro mouy vin lino.

Hebrearja 2:4

Oun o Devel das len peskri zoor, te krenn le baro oun zorelo koova, hoy kek vavar mensho nay krella. Yaake sikras lo, te penan le o čačepen. Ninna das lo i patslende peskro Dourho oun peskri zoor, te krenn le peskri boudi mashkral i menshende. Hakeneste das lo i zoor, te krell yob koy boudi, hoy o Devel lestar kamas.

1. Petro 1:12

Kol Debleskre rakepangre hayvan, kay kova gar lenge kokres hi, hoy len o Devel sikras. Kova hi t'menge, kay kanna djivenna. T'menge vas o lačo lab o Yezous Kristestar penlo. Kolla, kay penan les t'menge, rakran kova, hoy penas lenge o Debleskro Dourho. Koles bičras o Devel dran o bolepen. Ninna i bolepangre kamenn o Yezouseskro raylepen te dikell.