Remarja 14:13 - O Debleskro Lab 2024 (Sinte-Manouche)

¹³ Doleske hounte penell kek mendar ap o vavareste: “Tou djal gar mishto ap o Debleskro drom.” Denn yak, te čivenn t'mer i vavar patsleske či an o drom, yaake te djinell lo bouder gar, har te djal lo ap o Debleskro drom.

O Debleskro Drom 2021 (Sinte)

¹³ Doleske hunte penell kek mendar ap o wawareste: “Tu djal gar mishto ap o Debleskro drom.” Denn jak, te tchiwenn tumer i wawar patsleske tchi an o drom, jaake te djinell lo buder gar, har te djal lo ap o Debleskro drom.

Remarja 14:13 ပူးပေါင်းရင်းမြစ်များ

2. Samuel 12:14

Yek phagi leh tou. Dran kava koova, hoy kral, rakrenn kolla djoungeles pral o baro Debleste, kay les gar kamenna. Doleske merell ko ternepen, kay touke boldo vella.”

Jesaja 57:14

O baro Devel penell: Krenn o drom! Krenn o drom! Krenn mire menshenge o drom! Lenn halauter krik, hoy lenge ap o drom čiddo hi!

Ezekiel 14:3

Tou, mensho, kal morsha rikran ap pengre rhorhene deblen, oun čivan len pre glan pende, kolen, kay anenn len ap o čilačo drom. Hoske moukap man savendar te poučell?

3. Mose 19:14

Ma praase yekes, kay nay shounell gar. Oun ma čip i koreleske čomone an o drom, te perell lo vergel. Rike touke tiro Debles glan i yaka pash halauter, hoy kreh! Me hom o baro Devel.

Mateo 16:23

O Yezous rissras pes trouyel, oun penas ap o Petreste: “Dja touke, tou beng! Tou kameh man o Debleskro dromestar tele te anell. Tou kameh gar, hoy o Devel kamella. Na-a, tou kameh, hoy i menshe kamenna.”

Mateo 18:7

I bibarht hi kova, kay della ap kay phoub boud koova, hoy anell i menshen ap o čilačo drom. Havo bibarht vell ap koleste, kay anell i vavaren ap o čilačo drom!

Mateo 7:1

Ma sikrenn ap i vavarengri doosh! Oun o Devel dikell gar ap t'mari doosh.

Louka 12:57

Hoske nay dikenn t'mer gar, hoy o čačepen hi?

Louka 17:2

Koleske vals feteder, te vell leske i pharo bar troul i meen pandlo, oun te vell lo an o baro pani vitsedo, te nay anell lo bouder gar yekes kal tiknendar ap o čilačo drom.

Remarja 11:9

Oun o baro ray David penas lendar: Yon rhačrenn firhen o Debleske oun patsenn, te dikell o Devel lačes ap lende. Yaake hi kova gar. O Devel dikell gar lačes ap lende. Na-a. Vell o dives, kay lenn le pengri phagi.

Remarja 14:10

Kek t'mendar hounte penell pral i vavar patsleste: “Kova djal gar mishto ap o Debleskro drom.” Kek t'mendar hounte dikell tele ap i vavar patsleste. Ko dives vella, kay rakrell o Devel pral hakeneste mendar o čačepen vin.

Remarja 14:3

Kova, kay rhal o mass, hounte rikrell pes gar feteder har ko vavar, kay rhal kek mass. Kova, kay rhal kek mass, hounte penell ko vavareske gar: “Kova, hoy tou kreh, hi pale-čiddo koova.” O Devel čivas hake douyen an o čačepen.

Remarja 14:4

Kova hi gar tiro koova, te peneh pral i vavareskro boudepaskro: “Kova, hoy yob kras, hi gar mishto.” Leskro ray kokres nay penell: “Kova hi mishto, kova hi gar mishto.” Oun maro ray, o Yezous Kristo, les hi i zoor, te rikrell lo les pash peste, yaake te ačell lo tardo an o patsepen.

Remarja 16:17

Mire phrala, me mangau t'men, denn yak, te shounenn t'mer gar ap kolende, kay anenn čingepen mank i patslende oun sikrenn o Debleskro drom vavarčandes har kova, hoy t'mende siklo vas, oun krenn t'maro patsepen paash! Rikrenn t'men lendar pale!

1. Korintarja 10:32

Djivenn yaake, te rhoyrell pes kek pral t'mende: kol bibolde gar, oun kolla, kay kek bibolde hi vitar gar, oun vitar gar kol patsle, kay venn t'mentsa khetne.

1. Korintarja 11:13

Me poučau t'mendar: Hi kova lačo, te mangell i romni o Debles an, oun lat hi či ap peskro shero? Na-a!

2. Korintarja 5:14

O baro kamlepen, hoy o Yezous Kristo men das, bičrell men pash i menshende. Oun mer djinah, te meras yek menge, hi kova yaake, har te merans le lauter.

2. Korintarja 6:3

Kova hi ap miro dji, te djivas yaake, te hatsell kek i doosh ap mende, te rakrell nay kek djoungeles pral mari boudi.

Filiparja 1:10

Yaake nay dikenn, hoy mishto oun čačo hi. Oun ap ko dives, kay vell o Yezous Kristo pale, han t'mer an o čačepen glan leste tardo, oun kek doosh hi ap t'mende.

1. Timoteo 5:14

Doleske kamau, te romedinerenn kol terne djouvya pale, te lenn yon čaven, oun te boudrenn yon an pengro kheer, yaake te nay penell kek djoungelo koova pral i patslende.

Jakobo 2:4

Kova vals yaake, har te penans: “Ko raylo hi feteder har ko čorvelo.” Te dikenn t'mer yaake ap t'mare phralende, hi kova čilačo.

Jakobo 4:11

Mire phrala! Ma rakrenn djoungeles pral o vavareste! Koon pral peskro phraleste djoungeles rakrella oun o goushteha ap leskri doosh sikrella, kova čivell pes pral kova, hoy o Devel penas. Tou te kreh kova, hal tou bouder gar yek, hoy o Debleskro čačepen krella. Na-a, tou čiveh tout pral o čačepen.

1. Johanni 2:10

Koon peskro phrales o tselo djiyestar kamella, kova ačella o Debleha. An leste hi kek čilačepen, hoy les o Debleskro dromestar tele nay anell.

Debleskro tsiro 2:14

I tikno koova pash t'mende hi gar mishto. Mashkral t'mende hi save menshe, kay djan ap ko drom, koles o Bileam glan i rah tsiro i menshende sikras. Yob sikras o baro rayeste pral o them Moab, – leskro lab his Balak, – har te anell lo nay i Israelitarya ap i čilačo drom. Yaake rhan i Israelitarya ko mass kol firhendar, hoy kol vavar menshe glan pengro debleste anan. Ninna djan le pash vavar djouvyende.