Remarja 13:8 - O Debleskro Lab 2024 (Sinte-Manouche)

⁸ Te hi t'men i siyaan pash yekeste, ma ačenn an koy siyaan: Playssrenn lat pale! Yek koova nay krenn t'mer gar doha: Te kamell yek o vavares o tselo djiyestar! Koon kova kras, kras kova, hoy o Devel lestar kamella.

O Debleskro Drom 2021 (Sinte)

⁸ Te hi tumen i sijaan pash jekeste, ma atchenn an koi sijaan: Plaissrenn lat pale! Jek koowa nai krenn tumer gar doha: Te kamell jek o wawares o tselo djijestar! Koon kowa kras, kras kowa, hoi o Dewel lestar kamella.

Remarja 13:8 ပူးပေါင်းရင်းမြစ်များ

Mateo 7:12

Lauter, hoy t'mer kamenna, te krenn i menshe t'menge, kova krenn t'mer lenge ninna! Te krenn t'mer kova, yaake krenn t'mer lauter kova, hoy o Mose oun i Debleskre rakepangre penan.

Johanni 13:34

Kova hi nevo, hoy me t'menge kanna penau: Te kamell yek o vavares o djiyestar, yaake har me kamau t'men o djiyestar!

Remarja 13:10

Koon kamell o vavares o tselo djiyestar, kova krell leske kek čilačo koova. Tou te kameh o vavares o djiyestar, yaake kreh tou kova lauter, hoy o Devel toutar kamella.

Remarja 13:7

Denn hakeneste kova, hoy leske hi: themeskre love, ninna vavar love, hoy yon t'mendar mangenna. Shounenn ap kolende, kay hi len penepaske, oun dikenn pre ap lende!

Galatarja 5:14

Te vell yek yaake lačo ap o vavareste har yob lačo ap peste hi, palle krell lo lauter, hoy o Devel lestar kamella.

Kolossarja 3:14

Bareder har lauter hi o kamlepen, hoy vella o Deblestar. Te kamenn t'mer i vavaren o djiyestar, palle krenn t'mer lauter, hoy o Devel t'mendar kamella, oun hoy t'men khetne rikrella.

1. Timoteo 1:5

Lauter, hoy peneh tou lenge pral o patsepen, hounte sikrell lende, te vell lengro kamlepen dran i djoudjo dji, oun te vell len i patsepen, an koleste kek rhorhepen hi, oun te krenn le lauter yaake, har lengro dji lenge penella.

Jakobo 2:8

O Yezous Kristo hi maro baro ray oun penell menge: Tou hounte vess yaake lačes ap o vavareste har hal lačo ap toute kokres! Yaake hi činlo an o Debleskro lab. Te djivenn yaake, palle krenn t'mer, hoy mishto hi.

1. Johanni 3:10

Hakeno, kay gar kova krella, hoy hi čačo glan o Debleskre yaka, kova hi gar o Deblestar. Vitar gar hi kova o Deblestar, kay peskro phrales gar o djiyestar kamella. Ap kova dikell hakeno, koon o Debleskre čave hi, oun koon o bengeskre čave hi.