Remarja 12:17 - O Debleskro Lab 2024 (Sinte-Manouche)

¹⁷ Te hi yek čilačo ap t'mende, palle venn gar čilačo ap leste! Krenn, hoy lačo hi an i tsele menshengre yaka!

O Debleskro Drom 2021 (Sinte)

¹⁷ Te hi jek tchilatcho ap tumende, palle wenn gar tchilatcho ap leste! Krenn, hoi latcho hi an i tsele menshengre jaka!

Remarja 12:17 ပူးပေါင်းရင်းမြစ်များ

1. Mose 42:25

Oun o Yosef penas ap peskre boudepangre, te krenn le lengre gone pherdo djob, oun te denn le len lengre love pale, – hakeneske an leskro gono, oun te denn le len rhapen ap o drom. Kova kran yon.

Gosewe laba 20:22

Ma le touke glan, te dess o čilačepen pale, hoy yek ap toute kras. Dik ap o baro Debleste! Kova lell tiro koova an peskro vast.

Gosewe laba 24:29

Ma pen: “Yaake har yob mange kras, krau me leske ninna. Hakeneste dau pale, har yob mange kras.”

Mateo 5:24

palle mouk kova čiddo, hoy tou kamal o Debles te dell! Dja pash tiro phraleste, oun dik, te venn t'mer pale mishto khetne! Oun palle de kova, hoy tou anal, o Debleste!

Mateo 5:39

Me penau t'menge: Ma hadenn t'maro vast ap koleste, kay kras t'men čilačo koova! Te das touke yek ap i čači čam, koleske rike ninna i servi koy, te dell lo tout!

Remarja 12:19

Mire kamle phrala oun phenya, ninna te kras yek t'menge čilačo koova, ma denn leske pale! Moukenn les! O Devel dell les i phagi. An o Debleskro lab hi činlo: O Devel penas: Me dau len pale. Me dau len i phagi.

Remarja 14:16

Krenn či, te rakrenn i vavar djoungeles pral kova, ninna te hi kova, hoy t'mer krenn, mishto an t'mare yaka!

Kolossarja 4:5

Djivenn t'maro djipen yaake, te dikenn i vavar, kay t'mer patsle han! Rodenn i drom, te rakrenn lentsa pral o Debleste!

1. Tessalonikarja 4:12

Palle hounte lenn t'mer či kolendar, kay hi gar patslo. Oun yon rakrenn nay gar čilačes pral t'mende.

1. Tessalonikarja 5:15

Ma avenn čilačo ap kolende, kay čilačo ap t'mende van! Moukenn gar tele, te venn lačes ap hakeneste mashkral t'mende, ninna ap i tsele vavar menshende!

1. Tessalonikarja 5:22

Rikrenn t'men pale dran hako čilačo koova!

1. Timoteo 5:14

Doleske kamau, te romedinerenn kol terne djouvya pale, te lenn yon čaven, oun te boudrenn yon an pengro kheer, yaake te nay penell kek djoungelo koova pral i patslende.

1. Petro 2:12

T'mer djivenn mank i menshende, kay o Debles gar prindjrenna. Doleske djivenn yaake, te hatsenn le kek čilačepen ap t'mende! Oun kolla, kay rakrenna djoungeles pral t'mende, kolla hounte dikenn o lačo koova ap t'mende, yaake te sharenn le o Debles ap ko dives, kay yob vella.

1. Petro 3:16

Rakrenn lentsa lačepah, oun krenn t'men gar bares pral lende! Rakrenn dran i djoudjo dji, te vell i ladj ap kolende, kay rakrenn djoungeles pral t'maro djipen o Yezous Kristeha!

1. Petro 3:9

Krenn kekeske čilačepen, kay kras ap t'mende čilačepen! Yek te čingrell ap t'mende, ma čingrenn pale! Rakrenn lače laba leha! O Devel das t'men gole, te lenn t'mer leskro lačepen.

Ruth 3:14

Koy ačas li pash leskre pire čiddo bis ap o vavar dives. Oun stas yaake sik taysarlake pre, kay yek o vavares gomme nay gar dikas. O Boas kamas gar, te djinell yek, te vas i djouvel ap kay platsa.

1. Samuel 26:11

O baro Devel mou rikrell man pale, te taprap me koles an, kones yob peske vin rodas. Le kanna leskro vitsepaskro čouri, hoy pash leskro shero an i phoub dino hi, oun leskro panyeskro khoro, te djas mer menge!”