Remarja 11:4 - O Debleskro Lab 2024 (Sinte-Manouche)

⁴ Hoy penas o Devel leske? Yob penas: Efta zerya morsha ačan mange pral. Kolla čivan pen gar tele ap i čanga glan o Baal.

O Debleskro Drom 2021 (Sinte)

⁴ Hoi penas o Dewel leske? Job penas: Efta serja mursha atchan mange pral. Kolla tchiwan pen gar tele ap i tchanga glan o Baal.

Remarja 11:4 ပူးပေါင်းရင်းမြစ်များ

1. Rajengro liil 16:31

Oun har te vals gar doha, kay kras yob ko tselo čilačo koova, hoy ninna o Yerobeam kras, koleskro dad o Nebat his, romedineras lo i Isebel, koy čat o rayestar pral Sidon. Leskro lab his Etbaal. Oun o Ahab djas koy oun vitsras pes glan o rhorheno debleste Baal tele, oun mangas les an.

1. Rajengro liil 19:10

Oun yob penas: “Tou, baro Devel oun ray pral o bolepen oun i phoub, me boudrom touke miro tselo djiyeha. Tire menshe Israel krenn bouder gar, hoy tou lentsa vin kral. I pre-čidde barra, kay touke firhe rhačedo van, dan le khetne, oun tire rakepangren maran le o rhareha. Oun me kokres ačom djido. Oun yon kamenn man ninna te marell.”

1. Rajengro liil 19:18

Oun me moukau efta zerya (7.000) morshen djido an Israel, kolla kay peran gar ap pengre čanga glan o debleste Baal oun čoumras les gar.”

Jesaja 4:3

Oun kolla, kay djides ačan an Yerusalem, oun pral ačan ap i berga Sion, kolla venn kharedo Debleskre menshe. Lengre laba hi činlo an o liil, kay kolla o djipaske an o foro Yerusalem dren činlo hi.

Jeremia 19:5

Oun ko rhorheno debleske, hoy kharell Baal, kran le rhačepaskre platse, te rhačrenn le pengre čaven leske. Kova penom me lenge gar. Savo koova vas kek tsiro an miro shero, te penoms ap lende: Krenn kova.

Hosea 13:1

His i tsiro, koy trissan i menshe, te rakras o Efrayim. Yaake an-diklo his lo an o them Israel. Palle vas i tsiro, koy djas lo o Debleskro dromestar tele, oun moukas pes o debleha Baal dren. Kova his leskro merepen.

Hosea 2:8

Doleske čivau soubyengre bourra ap lakro drom oun krau i massouri, te nay hatsell li peskro drom gar.

Zefanja 1:4

Me hadau miro vast pral o them Youda, oun pral halauterende, kay an o foro Yerusalem djivenn, te dap len lengri phagi. Oun krau lauter paash, hoy kote o rhorheno deblestar Baal pral ačas. Ninna leskre rashaya venn bistedo, oun kol vavar rashaya, kay moukan o baro Debles.

4. Mose 25:3

Yaake nashas o Israel o rhorheno debleske, o Baal-Peor, palla. Koy vas o baro Debleskri rholi pral o Israel.

5. Mose 4:3

T'mare yaka dikan, hoy o baro Devel kras pash i berga Baal-Peor. Hakenes, kay o rhorheno debles Baal an-mangas, maras t'maro baro Devel mashkral t'mende.

Čačepangre 2:13

Oun yon moukan o baro Debles oun mangan o debles Baal an oun ninna i debletsa Astarte.