Remarja 11:17 - O Debleskro Lab 2024 (Sinte-Manouche)

¹⁷ I bibolde hi har i lačo djeteskro rouk. Ko lačo djeteskro roukestar van kashta tele činlo. T'mer han har i kasht o divyo roukestar. Oun t'mer van ap ko djeteskro rouk dren čiddo, oun djivenn lestar, oun lenn i zoor lestar.

O Debleskro Drom 2021 (Sinte)

¹⁷ I bibolde hi har i latcho djeteskro ruk. Ko latcho djeteskro rukestar wan kashta tele tchinlo. Tumer han har i kasht o diwjo rukestar. Un tumer wan ap ko djeteskro ruk dren tchiddo, un djiwenn lestar, un lenn i soor lestar.

Remarja 11:17 ပူးပေါင်းရင်းမြစ်များ

Debleskri gili 52:8

Oun kolla, kay an o čačepen tardo hi, dikenn kova oun darenn oun sanenn pral leste:

Jesaja 27:11

Oun lengre kashta venn trouk oun phagenn tele. Oun djouvya venn oun lenn len, te krenn le i yag. Kal menshe hayvan či. Doleske vell koles, kay len kras, kek dji lenge, oun hi lenge gar lačo.

Jesaja 6:13

Ninna te ačell o deshto kotar gomme koy, djal lenge har i tikne kashta, kay venn dran i tele-dino rouk. I yag rhačrell len pre. Ko telstouno kotar o roukestar ačell. Oun dran leste vell nevo djipen, hoy hi o Debleske koy.

Jeremia 11:16

His i tsiro, kay penas o baro Devel t'mendar: Yon hi har i shoukar zenelo djeteskro rouk, kay boud djeteskre drake baro venna. Kanna čivas yob ap leste i yag, hoy bari golyah leskre patria rhačrell oun leskre kashta phagell.

Jona 1:16

Kote lan i morsha bari traash glan o baro Debleste. Oun yon rhačran leske i firhes, te parkrenn le pen pash leste, yaake har yon pen sovel dan.

Zakarie 4:3

Oun douy djeteskre rouka hi koy tardo, yek ap lakri čači rig oun yek ap lakri servi rig.”

Mateo 21:43

Ava, me penau t'menge: An ko tsiro, hoy vella, han t'mer bouder gar o Debleskre menshe. O Devel dell vavar menshen khetne gole, te djivenn le leha khetne. Oun yon krenna, hoy o Devel kamella.

Johanni 15:1

“Me hom ko čačo drakengro rouk. Oun miro dad hi ko harho, kay boudrell an koy baar, kay i drakengre rouka tardo hi.

Johanni 15:2

Hako zenelo kasht ap mande, hoy anell kek drake, činell yob tele. Oun ko kasht, hoy anell drake, krell yob djoudjo, te anell lo boudeder drake.

Johanni 15:6

Koon ačell gar an mande, kova vell vin vitsedo, har kol kashta, kay tele činlo hi. Yon venn khetne rodedo oun an i yag čiddo, te rhačrenn le.

Bičepangre 2:39

O Devel penas, te dell lo peskro Dourho t'mende, oun t'mare čavende, ninna kolende lauterende, kay kanna dour lestar hi, oun kay yob pash peste gole della.”

Remarja 11:24

Yob činas t'men o divyo roukestar tele, oun čivas t'men dren an ko lačo rouk, kolestar t'mer gar van. Kitse boudeder čivell lo kol čače kashta pale ap o djeteskro rouk, kolestar yon van.

Galatarja 2:15

Mer ham bibolde. Yaake vam mer boldo. Oun ham gar kolendar, kay kek bibolde hi oun gar ap o Debleskro drom djana. Ninna te ham gar kolendar, djinah, kay kek mensho čačo vella glan o Debleste, te djivell lo pal o Moseskre laba. Na-a, o Devel krell koles čačo glan peste, koon patsell ap o Yezous Kristeste. Doleske patsah mer o tselo djiyestar ap o Yezous Kristeste, te vas čačo glan o Debleste.

Efesarja 3:6

Yob sikras len, te nay venn ninna kolla o Debleskre čave, kay kek bibolde hi, te djivenn le leha khetne. O lačo lab o Yezous Kristestar hi ninna lenge, yaake har o Devel glan i rah tsiro penas.

5. Mose 8:8

An kava them vell gib oun djob bares, ninna drake, fayge, granatikre phabya. Djeteskre rouka oun gvin dell kote ninna.

Kolossarja 2:13

An o phouro tsiro, har t'mer an o čilačepen djivan, hans moulo o Debleske, oun hans gar leskre menshe. Kanna kras o Devel t'men o Yezous Kristeha djido, oun las t'mari tseli doosh t'mendar.

Debleskro tsiro 11:4

Kolla douy morsha hi kol douy djeteskre rouka oun kol douy momlia, hoy hi tardo glan o Debleste, kay hi o ray pral kay phoub.