Obadja 1:19 - O Debleskro Lab 2024 (Sinte-Manouche)

¹⁹ Oun i menshe dran o kheer Youda, kolla kay djivenn an o them, kay o kham pralstounes hi, yon lenn kol berge dren, kay i Edomarya djivenn. Oun kolla, kay djivenn kote, kay o kham tele djal, yon lenn o them dren, kay i Filistarya djivenn. Oun kol vavar lenn i themma Efrayim oun Samaria penge dren. Oun o kheer Benyamin lell o them Gilead dren.

O Debleskro Drom 2021 (Sinte)

¹⁹ Un i menshe dran o kheer Juda, kolla kai djiwenn an o them, kai o kham pralstunes hi, jon lenn kol berge dren, kai i Edomarja djiwenn. Un kolla, kai djiwenn kote, kai o kham tele djal, jon lenn o them dren, kai i Filistarja djiwenn. Un kol wawar lenn i themma Efrajim un Samaria penge dren. Un o kheer Benjamin lell o them Gilead dren.

Obadja 1:19 ပူးပေါင်းရင်းမြစ်များ

2. Rajengro liil 17:24

Har i Israelitarya dran o them Samaria krik anlo van, moukas o baro ray pral o them Assour menshen dran vavar forya te vell, te djivenn le kote. Kolla van dran i forya Babilon, Kouta, Ava, Hamat oun Sefarvayim, oun djivan kanna an kol forya an o them Samaria. Oun yaake lan le kava them dren.

1. Familjakro liil 5:26

Kote bičras o Israeleskro Devel pral lende o baro rayes dran o them Assour, o Poul, – leskro lab hi ninna Tiglat-Pileser – oun yob moukas i menshen dran o kheer Ruben oun Gad oun i paash familya dran o kheer Manasse pandles krik te anell, oun anas len an i themma troul i forya Hala oun Habor oun Hara oun pash o lengsto pani Gosan. Kote hi le gomme kava dives.

Esra 4:17

Koy bičras lenge o ray pral o them Babilonia kava liil oun moukas lenge te penell: Touke Rehoum, ko pralstuneske oun touke Shimshay, ko činepaskro, oun t'menge vavarenge halauterenge an o foro Samaria oun kol vavarenge halauterenge ap i vavar rig o panyestar Eufrat: Barht t'mentsa!

Esra 4:2

Koy djan le pash o Zorobabel oun pash i familyengre pralstunende oun penan: “Mer kamah t'mentsa o Debleske i kheer te krell. Mer mangah ninna t'maro Debles an, oun maram leske firhen, yaake rah har o baro ray pral o them Assour, o Asarhaddon, men halauter kate an kava them moukas te anell.”

Debleskri gili 69:35

O bolepen oun i phoub sharenn les! Ninna i bare panya oun halauter, hoy dren djivell.

Jeremia 32:44

Ava, kotya them venn ginlo, oun ginepaskre lila venn činlo. Kal lila venn pandlo oun i sikepen pre-čiddo, oun morsha hi kote pashel, te vell lauter čačes kerdo. Kova lauter vell yaake kerdo an o them Benyamin, an i gaba troul o foro Yerusalem, an vavar forya an o them Youda, ninna an i forya ap i bare oun tikne berge, oun an i forya an o them Negev. Me krau, te vell pale lauter mishto mire menshenge, penell o baro Devel.

Jeremia 49:1

Laba pral i Ammonarya. Kava penell o baro Devel: Hi o Israeles kek čave? Hi les kek čave, kay nay lenn o them pengre phourendar dren? Hoske las ko devel, koles i Ammonarya an-mangenn, o Milkom, o them Gad dren? Oun hoske djivenn leskre menshe kote?

Ezekiel 25:16

Doleske penau me, o baro Devel, t'maro ray: Me hadau miro vast, te dap i Filistaryen i phagi. I tsele menshen, kay an lengro them djivenn, marau me, kol Kretaryen oun ninna i vavaren, kay djivenn pash o baro pani.

Ezekiel 36:28

Oun t'mer djivenn an kava them, hoy dom t'mare phourende, oun han mire menshe, oun me hom t'maro Devel.

Amos 1:13

O baro Devel penell: I menshe an o them Ammon kran pale te pale djoungelo koova. Har kouran le pen an o kourepen, te lenn le i bareder them, činan le djouvyen pre, kay vavarčandes his an o them Gilead. Doleske lenn le pengri phagi, oun khaytenn man gar.

Amos 1:8

Oun moukau i raya pral i forya Ashdod oun Ashkelon moulo te dell, oun dau o fores Ekron. Oun i tsele Filistarya, kay pral ačan, merenna.

Amos 9:12

Oun yaake lenn i Israelitarya pale dren, hoy pral ačas o themestar Edom oun kol vavar themendar, kolendar kay his mange, har o David lengro baro ray his. Kova penell o baro Devel, kay krella, te vell kova yaake.

Micha 7:14

Baro Devel, de yak ap tire menshende, har i bakrengro yak dell ap peskre bakre! Tou rodal touke tire menshen vin, te venn le tiro. Yon djivenn kokres an o veesh. Troul lende hi boud them lačo zenlepah. Mouk len pale an i themma Bashan oun Gilead te djal, te hatsenn le kote lačo zenlepen har an o phouro tsiro.

Josua 13:25

Ko foro Yaser oun i tsele forya an o them Gilead oun o paash them Ammon bis pash o foro Aroer, hoy ap koy rig o forestar Rabba čiddo hi, kay o kham pre djal.

Josua 13:31

Oun o paash kol familyendar dran o kheer Makir – koleskro dad o Manasse his – kolen das o Mose o paash them Gilead. Kote hi kol forya Astarot oun Edrei čiddo, kay o ray pral Bashan, o Og, djivas.

Josua 15:21

Kote kay o kham pralstounes tardo hi, pash o them Edom, his kol forya: Kabzeel, Eder, Yagour,

Josua 15:33

An o telstouno them his i forya: Eshtaol, Zora, Ashna