Obadja 1:14 - O Debleskro Lab 2024 (Sinte-Manouche)

¹⁴ Ma čip tout pash o drom khatedo tardo, kay i menshe nashenn penge, te dess len moulo! Ma phouke ap kolende, kay pral ačan an ko djoungelo tsiro!

O Debleskro Drom 2021 (Sinte)

¹⁴ Ma tchip tut pash o drom khatedo tardo, kai i menshe nashenn penge, te dess len mulo! Ma phuke ap kolende, kai pral atchan an ko djungelo tsiro!

Obadja 1:14 ပူးပေါင်းရင်းမြစ်များ

1. Mose 35:3

Avenn, djas an o foro Betel. Kote krau i rhačepaskri o Debleske, kay shounas man ap ko dives, kay an i bibarht homs. Ko Devel his pash mande ap miro drom bis kanna.”

Debleskri gili 31:8

Miro dji sal oun me stau i barhtyatar pral tiro lačepen. Tou dikal, har mange djoungeles djas, oun djinal, har pharo miro djipen his.

Jesaja 16:3

Pen menge, hoy hounte kras? Kre čomone! Khate kolen, kay palla lino venn! Rike tire moussya pral lende, yaake har i bourhlo rouk, te vell o dives lenge har i rat, kay venn le gar diklo. Ma phouke ap kolende, kay ap o naashepen hi!

Jesaja 16:4

Mouk kolen, kay dran o them Moab tradedo van, pash toute te djivell. Khate len glan lende, kay len palla lenn.” Ko tsiro vell, kay kek bouder tele rikedo vell, kay o them bouder gar paash dino vell, oun kolla, kay o them khetne stakran, gar bouder hatslo venn.

Jesaja 37:3

Oun yon hounte penan leske: “Kava penell o Hiskiya: Kava dives hi i dives pherdi traash, phagi oun ladj. Hi yaake har penlo vell: O ternepen kamell ap kay phoub te vell, oun i dat hi kek zoor, te anell li les vin.

Jeremia 30:7

Ava, havo djoungelo dives vella, i dives, hoy hi har kek vavar! Ko tsiro hi pherdi daar o Yakobeskre čavenge; yon nay djinenn, te venn le vin lino dran kova lauter.

Amos 1:6

O baro Devel penell: I menshe dran o foro Gaza kran pale te pale djoungelo koova. Yon lan i menshen dran tsele gaba pandlo, oun bikran len an i vasta kolendar dran o them Edom, te venn le lengre boudepangre. Doleske lenn le pengri phagi oun khaytenn man gar.

Amos 1:9

O baro Devel penell: I menshe dran o foro Tirus kran pale te pale djoungelo koova. Yon dan i tsele pandlen an i vasta kolendar dran o them Edom, oun bistran, kay hi i pandle lengre phrala, oun kay phrala hounte rikrenn khetne. Doleske lenn le pengri phagi oun khaytenn man gar.

Obadja 1:12

Tou, Edom, ma dik bouder tele ap tiro phraleste, o Youda, an ko tsiro, kay leske djoungeles djal! Ma sa bouder pral leskre čavende an ko tsiro, kay lenge ropaske hi! Ma rake yaake pre-phourdo an ko tsiro, kay yon darenna!

Mateo 22:9

Djan kanna ap i dromma, kay boud menshe hi! Oun penenn lauterenge, kay t'mer kote hatsenna, te venn le ap i biyab!